কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা হরিয়ানা সরকার শেমখিবা চহি 9 মপুং ফারকপগী ঙসি করনালদা পাঙথোকখিবা ‘অন্ত্যোদয় মহাসম্মেলন’দা ৱা ঙাংখ্রে। কেন্দ্র মন্ত্রীনা মীয়ামগী য়াইফ থৌরাংগী স্কিম 5সু হৌদোকখি – মুখ্য মন্ত্রী তীর্থ য়াত্রা য়োজনা, আয়ুশ্মান ভারত চিরায়ু য়োজনা, হরিয়ানা আই বৃদ্ধি বোর্দ, চীফ মিনিস্তর অন্ত্যোদ্য মিল্ক প্রদক্সন কোওপরেতিব প্রমোসন স্কিম অমসুং HAPPY হায়বদি হরিয়ানা অন্ত্যোদয় পরিবার পরিবহন য়োজনা। হরিয়ানাগী মুখ্য মন্ত্রী, শ্রী মনোহর লাল য়াওনা দিগনিতরী কয়ানা থৌরম অসিদা শরুক য়াখি।

মহাক্না ৱারোল পীবদা শ্রী অমিত শাহনা হায়খি হরিয়ানা অসি লৌমীশিং অমসুং মথৌনা লৈবা মীওইশিংগী লমদমনি। হরিয়ানা অসি লৈবাক্কীদমক থৱায়না পোন্থা পীখ্রবা অথৌবশিংগী মশিং খ্বাইদগী য়াম্বদা লৈবাক পুম্বগী ওইনা মকোক্তা লৈরিবা রাজ্যনি। রাজ্য অসিনা এগ্রিকলচর অমসুং দাইরীগী লমদা অনৌবা রেকোর্দশিংসু থমখি।

কেন্দ্রগী গৃহ মন্ত্রীনা হায়খি মদুদি ঙসি মীয়ামগী য়াইফ থৌরাংগী স্কিম 5 হৌদোকখি অমসুং মখোয়গী মনুংদা মুখ্য মন্ত্রী তীর্থ য়াত্রা য়োজনা অসি অমনি। মহাক্না হায় লৈবাক্কী মীয়াম্না শ্রী নরেন্দ্র মোদীবু মেজোরিতীগা লোয়ননা প্রধান মন্ত্রী ওইনা অনিরক কাহনখি। প্রধান মন্ত্রী শ্রী নরেন্দ্র মোদীনা অয়োধ্যদা রাম মন্দিরগী ভুমি পুজন পাঙথোকখি অমসুং জনুৱারী 22, 2024দা শ্রী মোদীনা রাম মন্দিরগী প্রন প্রতিস্থা পাঙথোক্কনি। মহাক্না হরিয়ানাগী প্রজাশংদা মখোয়গী ইমুংগী অহলশিংবু মুখ্য মন্ত্রী তীর্থ য়াত্রা য়োজনাগী মখাদা রাম লাল্লাগী দর্শন তৌনবগীদমক পুবীনবা হায়খি।

শ্রী অমিত শাহনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকার অমসুং শ্রী মনোহর লালগী লুচিং মখাদা হরিয়ানা সরকারনা লৈবাক অসিবু অমসুং হরিয়ানাবু হৌখিবা চহি 9 অসিদা মাংদা পুখৎনবা হোৎনবা য়াবা হোৎনদুনা লাকখি। মহাক্না হায়খি প্রধান মন্ত্রী মোদীগী লুচিং মখাদা লৈবাক অসিদা হৌখিবা চহি 9দা IIT 7, IIM 7, AIIMS 15, য়ুনিভর্সিতী 390 অমসুং মেদিকেল কোলেজ 700 শাখি অমসুং নেস্নেল হায়ৱে কিলোমিতর 54,000 শেমখি। মতৌ অসুম্না হরিয়াদা শ্রী মনোহর লালনা অনৌবা কোলেজ 77, অনৌবা য়ুনিভর্সিতী 13, মেদিকেল কোলেজ 8, অনৌবা এয়রপোর্ত 2, অনৌবা হোস্পিতাল 16 অমসুং লম্বী কিলোমিতর 28,000 হেন্না শেমখি। মহাক্না মখা তারদুনা হায়খি বিরোধীনা নরেন্দ্র মোদীগী সরকার অমসুং হরিয়ানাগী মনোহর লালগী সরকারদগী চাউখৎ-থৌরাং হায়বা অসি করম্না পাইখৎপগে তমশিনবা য়াগনি।

কেন্দ্রগী গৃহ আমসুং কোওপরেসন মন্ত্রীনা হায়খি মদুদি সরকার নত্ত্রগা রাজ্যগী শেমখিবগী কুমওন পাঙথোকপদা লাইরবা মীয়ামগী য়াইফনবা থবক পাইখৎপদগী হেন্না ফবা পালন তৌনবগী অতোপ্পা লম্বী অমত্তা লৈরোই। মহাক্না হায়খি পন্দিৎ দীনদয়াল উপাধ্যায়না লৈবাক নত্ত্রগা রাজ্য অমা হেক্তগী চাউখৎ-থৌরাংগী পেরামিতর অসি খুন্নাইগী খ্বাইদগী নেম্বা শরুক্তগী মীওইশিংগী চাউখৎ-থৌরাংনা ওইরি হায়বা অন্ত্যোদয়গী মন্ত্র পীখি। মহাক্না হায়খি ঙসিগী অন্ত্যোদয় মহাসম্মেলন অসি মতিক চাই মরমদি শ্রী নরেন্দ্র মোদী অমসুং শ্রী মনোহর লালগী দবল ইঞ্জিন সরকারনা হরিয়াগী মীওই লাখ 45গী পুন্সিদা মঙাল পীনবা থবক তৌখি। শ্রী শাহনা হায়খি মদুদি প্রধান মন্ত্রী মোদী অমসুং শ্রী মনোহর লালগী ৱারেপ খুদিংমক লাইরবগী য়াইফ-থৌরাংগীদমক্তনি অমসুং রাজ্য সরকারনা রাজ্য অসিগী মীওই লাখ 40দা রাসন কার্দশিং পীখি। মহাক্না হায়খি নরেন্দ্র মোদী সরকারনা লৌমীগী য়াইফ-থৌরাংগীদমক লৌমী লাখ 20গী বেঙ্ক একাউন্তশিংদা লুপা 6000 হকথেংননা ত্রান্সফর তৌদুনা চহি খুদিংগী লুপা করোর 4500 পীরি। মহাক্না হায়খি শ্রী মনোহর লালনা রাজ্য অসিদা তোতি কন্নেক্সন লাখ 30 হেন্না অমসুং আয়ুশ্মান ভারত হেল্থ স্কিম কার্দ লাখ 85 হেন্না পীনবা থবক পাইখৎখি মসিগী মনুংদা ঙসি আয়ুশ্মান ভারত চিরায়ু স্কিমগী মখাদা মীওই লাখ 17না য়াওখ্রে।

শ্রী অমিত শাহনা হায়খি নরেন্দ্র মোদী সরকারনা হরিয়ানাদা তোইলেৎ লাখ 7.5 হেন্না শাখ্রে অমসুং থা অমদা মীওই অমদা চেং-হৱাই কেজি 5 মীওই করোর 1.2দা পীখি। শ্রী শাহনা হায়খি রাজ্য অসিদা অনৌবা য়ুম 28,000 শাখি অমসুং প্রধান মন্ত্রী শ্রী নরেন্দ্র মোদিনা হরিয়ানাবু মৈখু চেনদবা ওইহন্দুনা উজ্জ্বলা স্কিমগী মখাদা গ্যাস কন্নেক্সন লাখ  8 পীখি। মহাক্না হায়খি লায়রবা অমসুং খুদোংচাবা ফংদ্রবা মীওইশিংগী য়াইফনবগী খল্লগা হরিয়ানাগী মুখ্য মন্ত্রীনা ওল এজ অমসুং মীমান্নদ্রবা মীওইশিংগী পেন্সনগী শেনফম অসি থা অমদা লুপা 2,725 ওইরম্বদগী মথং চহিদগী থাদা লুপা 3,000দা হেনগৎহনখি।

কেন্দ্রগী গৃহ মন্ত্রীনা হায়খি মদুদি হরিয়াগী লৌবুকশিংনা চেং-হৱাইগী মওংদা সনা পুথোক্লি, হরিয়ানাগী শান্নরোয়শিংনা স্পোর্তস্তা মেদল কয়া লৌরি অমসুং রাজ্য অসিনা লৈবাক্কী চেংগী খ্বাইদগী চাউবা এক্সপোর্তর ওইরকখি। মহাক্না হায়খি মদুদি ইন্দিয়ন আর্মীদা য়াওরিবা লান্মী তরাগী মনুংদা অমদি হরিয়ানাদগী ওইরি অমসুং হরিয়ানা সরকারনা মহৈ-মরোংগী মশিং খ্বাইদগী য়াম্না হায়বদি মহৈ-মরোং 14 মিনিমম সপ্পোর্ত প্রাইস (MSPদা লৈরি। মহাক্না হায়খি হরিয়ানা অসি ময়েক চৎপা পঞ্চায়ৎ শেম্নবা অমসুং নুপীশিংনা চাদা 50 শরুক য়াবা ঙম্নবা লাল দোরাগী মখাদা লন রাইৎকী ওনরশিপ পীবা অহানবা রাজ্য ওইরি। য়ুমথোং পুম্নমক্তা থক্নবা ঈশিং ফংহনবা অমসুং লৈবাক্কী অহানবা আয়ুশ য়ুনিভর্সিতী শাবদসু অহানবা ওইরি। শ্রী শাহনা হায়খি মদুদি হরিয়ানানা লৈবাক পুম্বদা GST কল্লেক্সনগী পর কেপিতা খ্বাইদগী ৱাংখি অমসুং মানা লৈবাক্কী ইকনোমীদা শরুক তম্মিবা অসি চাদা 4 নি। মহাক্না হায়খি হরিয়ানা অসি লৈবাক্কী ওইনা চেং-হৱাই পুথোকপদা অনিশুবা অমসুং শঙ্গোম পুথোকপদা অহুমশুবা ওইরি, ফোরচুন কম্পনী 400 হেনবনা গুরুগ্রামদা মখোয়গী হেদক্বাতরশিং ওইরি অমসুং হরিয়ানানা লোজিস্তিক্স ফেসিলিতীশিংদা অনিশুবা ওইরি।

কেন্দ্রগী গৃহ অমসুং কোওপরেসন মন্ত্রীনা হায়খি বিরোধীনা হরিয়াগী মীয়ামদা অকিবা, অরাম-খৌরাংবা অমসুং শেঞ্জা-থুমজাগী রুল অমা পীরমখি। মআক্না হায় মমাংদা হরিয়ানাদা লমবু লিলাম লাউরমখি অমসুং শান্তি-রক্ষাগী ফীভম ফৎলমদে। মমাংগী সরকারশিংনা সরকারগী থবক লৌবদা মখোয় মশাগী মীওইশিংদা শেঞ্জা-থুমজা তৌদুনা থবকশিং পীরমখি অদুবু শ্রী মনোহর লালনা লুচিংবা সরকার অসিনা শেঞ্জা-থুমজা অমত্তা তৌদনা মেরিত্তা য়ুম্ফম ওইরগা থবকশিং পীখি। মহাক্না হায় শ্রী নরেন্দ্র মোদী অমসুং শ্রী মনোহর লালগী সরকারনা রাজ্য পুম্বা চপ মান্ননা চাউখৎহন্নবগীদমক থবক তৌখি।

শ্রী অমিত শাহনা হায়খি প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহি 9দা থবক কয়া তৌদুনা ভারতকী মীংচৎ পুরকখি। মহাক্না হায়খি হন্দক্তা ভারতকী চন্দ্রয়ান্না থা কাখি, G20 কনফরেন্সতা লৈবাক পুম্বনা প্রধান মন্ত্রী মোদীবু থাগৎখি অমসুং লৈবাক পুম্নমক্কী মকোকশিংনা  জাতিগী মপা, মহাত্মা গান্ধীগী সমাধিদা চৎতুনা মহাক্না ইকাই খুম্নবা উৎখি, মসিনা ভারত মচা খুদিংমকপু চাউথোকচবা পোকহনখি। শ্রী শাহনা হায়খি প্রধান মন্ত্রী মোদীনা রাজপথতগী কর্তব্যপথতা ওন্থোকখি অমসুং ব্রিতিশ লৈঙাক্কী মতমদা শারমখিবা অরিবা পার্লিয়ামেন্তগী মহুৎ অনৌবা পার্লিয়ামেন্ত অমা শাদুনা লৈবাক পুম্ববু চাউথোকচবা পোকহনখি। মহাক্না হায়খি অহানবা ওইনা নীংতম্বা ফংলবা মতুংদা কেন্দ্রদা লৈরিবা নরেন্দ্র মোদী সরকারনা লৈবাক্কী নুপীশিংবু লোক সভা অমসুং রাজ্যগী বিধান সভাশিংদা 33% খাক্তুনা পোলিসী শেম্বদা স্তেকহোল্দর অমা ওইহল্লি। মহাক্না হায়খি ঙসি মালেম পুম্বনা প্রধান মন্ত্রী শ্রী নরেন্দ্র মোদীবু থাজবগা লোয়ননা য়েংলি অমসুং অফ্রিকন য়ুনিয়ন্না G20গী মেম্বর অমা ওইরকপগা লোয়ননা মালেমগী চাউখৎপা ৱাৎলিবা লৈবাক পুম্নমক্না প্রধান মন্ত্রী নরেন্দ্র মোদিদা অনৌবা লুচিংবা অমা ওইনা মীৎয়েং থম্লক্লি।

কেন্দ্রগী গৃহ মন্ত্রীনা হায়খি মদুদি মমাংগী সরকার অসি কত, কম্মিসন অমসুং করপ্সনগী সরকার অমা ওইরমখি। মহাক্না হায়খি হরিয়ানাগী শ্রী মনোহর লালগী সরকারনা লাইরবা, অনাবা, চাবা ফংদবা, অঙাং অমসুং অহল ওইরবশিংবু মহাক্কী তেনর অনিগী মনুংদা য়েংশিনখি। মহাক্না হায়খি হরিয়ানাদা শেঞ্জা-থুমজা অমসুং নেপোতিজম থিংবা অমসুং শান্তি-রক্ষা ফগৎহনবা অসি য়াম্না অৱাবা ওইখি অদুবু শ্রী মনোহর লালনা মসি খোঙফম চেৎনা থেংনখি। শ্রী শাহনা হায়খি মদুদি মমাংগী সরকারনা হরিয়াদা মখোয়না লৈঙাক পাইরকপগী চহি 10দা দিভোল্যুসন অমসুং গ্রান্ত-ইন-এদকী মখাদা লুপা করোর 40,000 খক্তা পীরমখি, অদুবু প্রধান মন্ত্রী মোদীনা হৌখিবা চহি 9দা লুপা করোর লাখ 13.2দা হেনগৎহনখি। মসিগা লোয়ননা মোদী সরকারনা হরিয়ানাদা লুপা করোর 20,000গী শেনফমদা ইকনোমিক কোরিদোর প্রোজেক্তসু ফংহনখি অমসুং লুপা করোর 12,150গী দিল্লী-মুম্বাই এক্সপ্রেসৱে অসিনা হরিয়ানা ফাওদুনা চৎলি। মহাক্না হায়খি কুন্দলী-মানেসর-পাৱল এক্সপ্রেৱেগী অহানবা সেক্সন অমসুং কিমি 19 শাংবা দ্বারকা এক্সপ্রেসৱে অসি লুপা করোর 64,000গী শেনফমদা শঙ্গাখি। মহাক্না হায়খি ৱেস্তর্ন দেদিকেতেদ ফ্রৈত কোরিদোর রিৱারী-মদর স্তেসন অসিসু শঙ্গাখি অমসুং মসিগা লোয়ননা রেলৱেজনা লুপা করোর 21,000 ইনভেস্ত তৌখি। শ্রী নরেন্দ্র মোদীনা লুচিংবা সরকারনা লুপা করোর 20,594গী শেনফমদা 700 MW কেপাসিতীগী পাৱর জেনরেসন য়ুনিৎ অমা লিংখৎনবা থবক পাইখৎখি। শ্রী শাহনা হায়খি হরিয়ানাদা 2G ইথানোল বাইও রিফাইনরীসু শঙ্গাখি অমসুং মফম অসিদা US $ 700 মিলিয়নগী শেনফমদা একর 886তা মলতিমোদেল লোজিস্তিক্স পার্ক শাবগী থবকসু পাইখৎখি।

শ্রী অমিত শাহনা হায়খি ওগস্ত 5, 2019দা প্রধান মন্ত্রী শ্রী নরেন্দ্র মোদীনা ঈখেং অমত্তা তাদনা কাশ্মিরগী আর্তিকল 370 মুত্থৎখি। মহাক্না হায়খি প্রধান মন্ত্রী শ্রী নরেন্দ্র মোদীনা লৈবাক্কী ঙমখৈ শাফনা থমখি, লৈবাক্কী ফোর্সশিং মোদর্নাইজ তৌখি অমসুং ঙমখৈশিংদা ইনফ্রাস্ত্রকচর শেমগৎতুনা ঐখোয়গী ফোর্সশিংদা খুদোংচাবশিং পীখি। মহাক্না হায়খি প্রধান মন্ত্রী শ্রী নরেন্দ্র মোদীনা হরিয়ানা য়াওনা লৈবাক পুম্বদগী অথৌবা আর্মী মেন পুম্নমক্কী ৱান রেঙ্ক, ৱান পেন্সনগী দিমান্দ থুংহন্দুনা ইকাই খুম্নবা উৎখি।

*****