লু-নানববু ইন্সতিত্যুস্নেলাইজ তৌননবা অমদি লৈঙাক্কী মফমদা পন্দুনা লৈবা থবকশিং হন্থহন্নবগী প্রধান মন্ত্রী শ্রী নরেন্দ্র মোদীগী মঙলান্না পুক্নিং থৌগত্তুনা কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহগী লমজিং মখাদা স্পিসিএল কেম্পেন ৩.০ মায় পাক্না পাঙথোকখ্রে‍। কেম্পেন অসি ওক্তোবর ২দগী ওক্তোবর ৩১, ২০২৩ ফাওবা পাঙথোকখি অমদি মসিনা পন্দুনা লৈবা থবকশিং লোইশিনবা, মফম হেন্না নীংথিনা শীজিন্ননবা অমদি তুং কোইনা চৎনবা য়াবা ফীভম পুরকপদা মীৎয়েঙ থমখি‍।

কেম্পেন অসিগী খোঙজেল কেন্দ্রগী গৃহ মন্ত্রী অমদি কোওপরেসন মন্ত্রী মশামক্না য়েংশিন্দুনা খ্বায়দগী ৱাংবা থাক্তা চাং নাইনা য়েংশিনখি‍। নুমিৎ খুদিংগী খোঙজেল অখন্নবা তীম অমনা য়েংশিনখি অমদি দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেসনা চলাইবা SCPDM পোর্তেলদা থাগৎলি‍।

MHA না পান্দম অয়াম্বদা ১০০% ফংবা ঙমখি, স্ক্বার ফীত ১৬৭২৪০গী মফম শংদোক্লে অমদি ফীজিকেল ফাইল ৯৫০০০ হেনবা খন্দোক্লে, অতেক অকায় য়োন্থোকপদা লুপা করোর ৫.৮২গী রিভিন্যু খোমগৎখি‍। MHA গী মফম খুদিং শিনবা থুংনা কেম্পেন ১০,২৭৪ পাঙথোকখি, সেন্ত্রেল আর্ম্দ পুলিস ফোর্স (CAPF), য়ুনিয়ন তেরিতরী (UT) অমদি সেন্ত্রেল পুলিস ওর্গনাইজেসন (CPO) শিংনা কেম্পেন অসিদা ইচঙ থৌনা শরুক য়াখি অমদি মসি মায় পাকহনবদা মরুওইবা শক্লোন লৌখি‍।

কেম্পেন অসি, শিৎ শেংনবা, পন্দুনা লৈবা থবকশিং লোইশিন্নবনচিংবা পায়খৎকদবা থবকশিং খঙদোক্নবগী পান্দমদা সেপ্তেম্বর ১৫, ২০২৩দগী শেম শাবগী তাঙ্কক অমগা লোয়ননা হৌখি‍। কেম্পেন মনুংদা, মফম শিল লাংবা অমদি ওফিসশিংদা থবক মফমগী এক্সপিরিএন্স ফগৎহন্নবা ৱাফমশিংদা অখন্নবা মীৎয়েঙ থমখি‍।

*****