ভারত শীনবা থুংনা ইন্নোবেসন অমসুং ওন্ত্রেপ্রেনিউয়রশিপকী থবক য়োকখৎনবা অমসুং চাউখৎহন্নবা মরুওইবা খোঙথাং অমদা, রাজ্য থাক্কী ইন্নোবেসন চাউখৎহনবদা মীৎয়েং থমদুনা অতল ইন্নোবেসন মিসন্না ৱার্কশোপশিং পাংথোক্কনি।

ইন্দিয়ান ইন্সতিতুৎ ওফ মেনেজমেন্ত বেঙ্গালুরুদা নবেম্বর ৬-নবেম্বর ৮, ২০২৩দা রাজ্য থাক্কী ইন্নোবেসনগী থবকশিং শেমগৎনবা হিরমদা ৱার্কশোপ পাংথোক্কনি। নুমিৎ হুম্নিগী থৌরম অদুদা ভারত শীনবা থুংবগী রাজ্যশিং অমসুং য়ু.তিশিংনা মখোয়গী লমদমদা ইন্নোবেসন অমসুং ওন্ত্রেপ্রনিউয়রশিপ চাউখৎনবা লাল্লোংশিং য়াৎনবা কোক চুংশিন্নগনি।

ঙসি পাংথোকখিবা পাউগী মীফম অমদা অতল ইন্নোবেসন মিসনগী মিসন দিরেক্তর দোক্তর চিন্তন বৈষ্ণবনা হায়খি হন্দক ভারতনা গ্লোবেল ইন্নোবেসন ইন্দেক্সতা ৮১শুবা মফমদগী ৪০শুবা মফমদা হাইগৎলকপা অসিনা লৈবাক অসিগী ইন্নোবেসনগী তৌবা ঙম্বশিং উৎলে। মসিগী শিংথানিঙাই ওইরবা খোঙচৎ অসি মখা চৎথনবা অমসুং মকোক ২৫ ফাওবগী মনুংদা লৈনবা, মখোয় মখোয়গী লমদমশিংগা চুনবা অফবা ইন্নোবেসন অমসুং ওন্ত্রেপ্রেনিউয়রশিপকী থবকশিং শেমগৎনবা ভারতকী তোঙান-তোঙানবা রাজ্যশিংদা পুন্না থবক তৌমিন্নবা হায়বসি তঙাইফদবনি। হায়রিবা থবকশিং অসিনা লমদম অমগী উদোগশিং মপাঙ্গল কনখৎহনবা, শেন-থুম চাউখৎহনবা অমসুং থবক ফংবগী খুদোংচাবশিং পীবদা মরুওইবা থৌদাং অমা লৌগনি।

মহাক্না মখা তানা হায়খি কেন্দ্র সরকারগী মতেংদগী ভারতকী রাজ্যশিংনা ইন্নোবেসন অমসুং ওন্ত্রেপ্রেনিউয়রশিপকী অফবা থবকশিং পায়খৎনবা মখোয়গী খোঙচৎ হৌখ্রে। মখা তারকপদা, রাজ্য থাক্কী নমুনাশিং থৌরক্লে অমসুং মখোয় অমমমনা মখোয় মশাগী মাইপাকপশিং উৎপা ঙম্লে। অদুবু, রাজ্যশিং অমসুং য়ু.তিশিংগী মরক্তা মখোয়গী রাজ্য থাক্কী ইন্নোবেসন অমসুং ওন্ত্রেপ্রেনিউয়রশিপকী থবকশিং হেন্না খুমাঙচাউশিন্নবা রাজ্যশিং অমসুং য়ু.তিশিংগী মরক্তা অমনা অমদগী তম্ননবা রাজ্য থাক্কী ৱার্কশোপ অসি পাংথোক্নবা দিজাইন তৌবনি।

ৱার্কশোপ অসিগী পান্দমদি রাজ্য থাক্কী থবকশিং খুমাঙচাউশিন্নবা রাজ্য/য়ু.তি শীনবা থুংনা অমনা অমদগী তম্নবা শক্তি ফুদোকহনবনি। মসিগী মথক্তা রাজ্য/য়ু.তি থাক্কী ইন্নোবেসন অমসুং ওন্ত্রেপ্রেনিউয়রশিপ মোদেলশিং শরুক য়ামিন্ননবা অনৌবা ৱাখল্লোনশিং, লাল্লোংশিং অমসুং খঙবশিং পীথোক-পীশিন তৌনগনি, মাইপাক্না পাংথোকখিবা থবকশিং উৎকনি অমসুং ইন্নোবেসনগী থবকশিং পায়খৎনবা লৌশিং তানশিনগনি।

ৱার্কশোপ মনুংদা শরুক য়ারিবশিংনা কর্নাতকা ইন্নোবেসন ইকোসিস্তেমশিং য়েংগনি।

***