প্রধান মন্ত্রী শ্রী নরেন্দ্র মোদীগী স্বচ্ছতা ইন্সতিত্যুস্নেলাইজ তৌনবা অমসুং সরকারদা পেন্দেন্সী হন্থহন্নবা বিজন অমসুং মিসনদগী ইথিল লৌদুনা সাইন্স অমসুং তেক্নোলোজী বিভাগনা পেন্দেন্সী দিস্পোজেল তৌবা, নীংথিনা স্পেস মেনেজমেন্ত তৌবা অমসুং এনভাইর্নমেন্তবু ক্লীন অমসুং গ্রীন ওইহনবদা অখন্নবা মীৎয়েং চংবগা লোয়ননা ওক্তোবর 2 দগী ওক্তোবর 31, 2023 ফাওবা স্পেসিএল কেম্পেন 3.0 (ইমপ্লিমেন্তেসন ফেস) হৌদোকখি।

সাইন্স অমসুং তেক্নোলোজী বিভাগনা স্বচ্ছতাদা পাঙথোকপা মাগী স্পেসিএল কেম্পেন 3.0 মাইপাক্না লোইশিনখ্রে, হায়রিবা অসি বিভাগ মনুংদা অমসুং লৈবাক্কী তোঙান-তোঙানবা শরুকশিংদা লৈরিবা মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংদা পাঙথোকখি। কেম্পেন অসিগী মনুংদা শেংদোক্নবা তার্গেৎশিং খঙদোক্নবা সেপ্তেম্বর 15, 2023দগী প্রিপরেতরী ফেস অমগা লোয়ননা কেম্পেন অসি হৌখি।

কেম্পেন মনুংদা স্পেস মেনেজমেন্ত তৌবা অমসুং ওফিসশিংগী ৱার্কপ্লেস এক্সপরিয়েন্স হেনগৎহনবদা অখন্নবা মীৎয়েং চংখি। স্পেসিএল কেম্পেনগী প্রিপরেতরী ফেসতগী হৌদুনা বিভাগ অসিনা মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংগা লোয়ননা লৈবাক শিনবা থুংবদা শেংদোক্নবা সাইৎশিং মশক খঙদোকখি। শেংদোক্নবা মফম 150রোম অমসুং লম স্ক্বার ফীত লাখ 20রোম হাংহন্নবা অমসুং রিভ্যু তৌনবা ফিজিকেল ফাইল 8,000 হেন্না অমসুং ই-ফাইল 140রোম খঙদোকখি। নুমিৎ খুদিংগী প্রোগ্রেস অদুবু দেদিকেতেদ তীম অমনা য়েংশিনখি অমসুং দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেসকী SCPDM পোর্তেলদা অপলোদ তৌখি।

জোইন্ত সেক্রেতরী (এদমিন), শ্রীমতি এ ধনালক্ষ্মীনা তোঙান-তোঙানবা হাইব্রিদ VC মীফমশিংগী খুত্থাংদা কেম্পেনগী প্রোগ্রেস য়েংশিনখি অমসুং স্পেসিএল কেম্পেন 3.0গী শরুক ওইনা ওফিস মনুংদা সাইৎ কয়া চৎখি। মহাক্না ওফিসিএলশিংনা লৌখৎখিবা খোঙথাংশিংবু থাগৎখি অমসুং মখোয়দা থবক মফম লুনান্না থম্নবা মখোয়গী খ্বাইদগী ফবা খোঙথাংশিং চেনেল তৌনবসু পুক্নিং থৌগৎখি।

(JS (এদমিন.), DSTকী চিয়রমেনশিপ মখাদা কেম্পেন অসিগী তোঙান-তোঙানবা তার্গেৎশিংগী প্রোগ্রেস য়েংশিন্নবা হাইব্রিদ মোদতা DSTগী AI/সবওর্দিনেৎ ওফিস পুম্নমক্কী মীহুৎশিংগা লোয়ননা মীফম পাঙথোকপা)

স্পেসিএল কেম্পেন 3.0গী ইমপ্লিমেন্তেসন ফেস মখাদা বিভাগ অমসুং মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংদা অফবা খোঙথাং কয়ামরুম পাইখৎখি, মদুদা খরদং পল্লবদা,

DSTকী ওতোনোমস ইন্সতিত্যুত অমা ওইরিবা মোহলিগী ইন্সতিত্যুত ওফ নেনো সাইন্স এন্দ তেক্নোলোজী (INST)না মাগী কেম্পস্তা রবলশিং মশক খঙদোককী অমসুং মসিবু স্ক্রেপিং তৌরবা মতুংদা কেম্পেসকী জেনরেল ৱাকিং এরিয়াগী পেবমেন্ত শেম্বদা শীজিন্নখি।

(INST মোহলিদা রবল্লশিং শেংদোক্তুনা পেবমেন্ত শেম্বদা শীজিন্নবা)

DSTগী মখাদা ওতোনোমস ইন্সতিত্যুসন অমা ওইরিবা ইন্তর্নেস্নেল এদভান্স রিসর্চ সেন্তর ফোর পাৱর মেতল্লর্জী এন্দ ন্যু মেতরিএল্স (ARCI)না কোলেজ মহৈরোয়শিংগীদমক স্বচ্ছতা এৱের্নেস প্রোগ্রাম পাইখৎখি। মখোয়না ‘গার্বেজ-ফ্রী ইন্দিয়া’গী থিম মখাদা সরকারগী স্কুলগী অঙাংশিংগীদমক লাইয়েকপগী কম্পিতিসন অমসু পাঙথোকখি।

(ACRIনা কোলেজ মহৈরোয়শিংগীদমক পাঙথোকপা স্বচ্ছতা এৱের্নেস  প্রোগ্রাম পাঙথোকপা)

(গরবেজ-ফ্রী ইন্দিয়াগী মতাংদা মহৈরোয়শিংগী লাইয়েকপগী চাংদম্নবা পাঙথোকপা)

JS (এদমিন,)কী লমজিং মখাদা DSTনা সিঙ্গল য়ুজ প্লাস্তিক শীজিন্নবা থৌগৎতনবা কুলি কেম্প, বসন্ত বিহার অমসুং MCDগী স্কুলগী নুপা অমসুং নুপীমচাশিংদা লিমোনগী বেগ অমসুং মেতল বোত্তলশিং য়েন্থোকখি।

(সিঙ্গল-য়ুজ প্লাস্তিক শীজিন্নবা থৌগৎতনবা লিমোনগী বেগ অমসুং মেতল বোত্তলশিং য়েন্থোকপা)

ওক্তোবরগী কেম্পেন অসি লম কয়াদা তার্গেৎশিং হেন্দুনা মাইপাকপগা লোয়ননা লোইশিনখি, বিভাগ অমসুং মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংনা কেম্পেন অসিদা থৱায় য়াওনা শরুক য়াখি অমসুং কেম্পেন সাইৎ 300দা ক্লীনলিনেস ফেস্তিবেল ওইনা পাঙথোকখি। চহি অসিদা শীংথানীংঙাই ওইনা স্ক্বার ফীত লাখ 37 হাংহনবা ঙমখি। ফিজিকেল ফাইল অমসুং ইলেক্ত্রোনিক ফাইল অনিমক রিভ্যু তৌদুনা ফাইল কয়া ক্লোস তৌখি অমসুং কেম্পেন অসিগী মখাদা পেন্দেন্সী হন্থহনবগী শরুক ওইনা লোইশিনখি। বিভাগ অসিনা মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংগা লোয়ননা স্ক্রেপ দিস্পোজ তৌবদগী লুপা করোর 8.33 হেনবগী রিভেন্যু লাকহনখি। ফাইল 8,214 রিভ্যু তৌখি অমসুং ফাইল

3066 লোইশিনখি। ই-ফাইল 140 রিভ্যু তৌখি মসিগী মনুংদা ই-ফাইল 130 লোইশিনবা ঙমখি।

বিভাগ অমসুং মাগী সেক্সনশিং/দিবিজনশিং/ওতোনোমস বোদীশিং/সবওর্দিনেৎ ওফিসশিংনা তৌখিবা থবক খরা খক্তমক হাইলাইৎ অসিনা উৎলি।

**********