কেন্দ্রগী রোদ ত্রান্সপোর্ত অমদি হায়ৱেজ মন্ত্রী শ্রী নিতিন গারকরীনা পোস্ত পরিং অমদা, জম্মু অমসুং কাস্মিরদা লেন ৪ পাকপা কিলোমিতর ১.০৮ শাংবা রম্বন ভিয়াদক্ত শাবগী শিংথানিংঙাই ওইরবা থবক মায় পাক্না লোইশিল্লে হায়খ্রে‍। লুপা করোর ৩২৮ চঙনা শাখিবা প্রোজেক্ত অসি নেস্নেল হায়ৱে-৪৪গী উধম্পুর-রম্বন সেক্সনদা লৈবনি হায়না মহাক্না হায়খি‍।

শ্রী গারকরীনা তোপ তোপ্পা ভিয়াদক্ত অসি মকক ২৫না শেম্বনি অমদি মসিগী স্ত্রকচরেল দিজাইন্দা কনক্রিৎ অমদি স্তীল গর্দরশিং হাপ্লি হায়খি‍। মসি লোইশিনবসিনা রম্বন বজারদা ত্রাফিক চিনবা হন্থহন্দুনা গারী চত্থোক চৎশিন্দা কোমহল্লে, হায়না মহাক্না মখা তাখি‍।

প্রধান মন্ত্রী শ্রী নরেন্দ্র মোদীগী মীৎয়েঙ শানবা লীচিংবু থাগোন্নরদুনা, ঐখোয়না জম্মু অমসুং কাস্মিরদা খ্বায়দগী ফবা হায়ৱে ইনফ্রাস্ত্রকচর ফংহন্নবা খোঙফম চেৎনা লেপ্লি হায়না কেন্দ্র মন্ত্রীনা হায়খি‍। মশক নাইরবা পন্দোল অসিনা লমদমসিগী শেন্মিৎলোনবু খোঙজেল হাপ্পদা নত্তনা মকোক থংবা লম কোয়বশিংগী মফম অমা ওইনা পুক্নিং চিনশিনবসু হেনগৎহল্লগনি হায়না মহাক্না হায়খি‍।

*****