প্রধান মন্ত্রী শ্রী নরেন্দ্র মোদীগী স্বচ্ছতা ইন্সতিত্যুস্নেলাইজ তৌনবা অমসুং সরকারদা পেন্দেন্সী হন্থহন্নবা বিজন অমসুং মিসনদগী ইথিল লৌদুনা হেভী ইন্দস্ত্রীজ মন্ত্রালয়না পেন্দেন্সী দিস্পোজেল তৌবা, নীংথিনা স্পেস মেনেজমেন্ত তৌবা অমসুং এনভাইর্নমেন্তবু ক্লীন অমসুং গ্রীন ওইহনবদা অখন্নবা মীৎয়েং চংবগা লোয়ননা ওক্তোবর 2 দগী ওক্তোবর 31, 2023 ফাওবা স্পেসিএল কেম্পেন 3.0 হৌদোকখি।

হেভী ইন্দস্ত্রীজ মন্ত্রালয়না স্বচ্ছতাদা পাঙথোকপা মাগী স্পেসিএল কেম্পেন 3.0 মাইপাক্না লোইশিনখ্রে, হায়রিবা অসি মন্ত্রালয় মনুংদা অমসুং লৈবাক্কী তোঙান-তোঙানবা শরুকশিংদা লৈরিবা মাগী সেন্ত্রেল পব্লিক সেক্তর এন্তরপ্রাইসশিং অমসুং ওতোনোমস বোদীশিংদা পাঙথোকখি। কেম্পেন অসি কেম্পেন অসিগী মনুংদা শেংদোক্নবা তার্গেৎশিং খঙদোক্নবা সেপ্তেম্বর 15, 2023দগী প্রিপরেতরী ফেস অমগা লোয়ননা হৌখি।

কেম্পেন মনুংদা স্পেস মেনেজমেন্ত তৌবা অমসুং ওফিসশিংগী ৱার্কপ্লেস এক্সপরিয়েন্স হেনগৎহনবদা অখন্নবা মীৎয়েং চংখি। স্পেসিএল কেম্পেনগী প্রিপরেতরী ফেসতগী হৌদুনা মন্ত্রালয় অসিনা মাগী CPSEশিং অমসুং ABশিংগা লোয়ননা লৈবাক শিনবা থুংবদা শেংদোক্নবা সাইৎশিং মশক খঙদোকখি। লম স্ক্বার ফীত লাখ 20রোম হাংহন্নবা অমসুং রিভ্যু তৌনবা ফিজিকেল ফাইল 76,600 হেন্না খঙদোকখি। নুমিৎ খুদিংগী প্রোগ্রেস অদুবু দেদিকেতেদ তীম অমনা য়েংশিনখি অমসুং দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেসকী SCPDM পোর্তেলদা অপলোদ তৌখি।

MHIগী সেক্রেতরী, শ্রী কমরন রিজবিনা স্পেসিএল কেম্পেন 3.0গী শরুক ওইনা MHIগী দিবিজনশিংদা সর্প্রাইস বিজিৎ কয়া চৎখি। মহাক্না ওফিসিএলশিংনা লৌখৎখিবা খোঙথাংশিংবু থাগৎখি অমসুং মখোয়দা থবক মফম লুনান্না থম্নবা মখোয়গী খ্বাইদগী ফবা খোঙথাংশিং চেনেল তৌনবসু পুক্নিং থৌগৎখি।

লুনানবগা লোয়ননা হকচাং ফবা পুন্সি মহিং অমা হিংনবগীদমক থৌগৎলিবা তোঙান-তোঙানবা এক্তিবিতীশিংসু MHIগী মখাদা CPSEশিং অমসুং ABশিংনা পাইখৎখি।

(অসামগী AYCLদা লৈবা তী গার্দেনদা “ৱুমেন হাইজিন সেমিনার” পাঙথোকপা)

(অসামগী AYCLদা পর্সনেল হাইজিনগী এৱের্নেস পীনবগীদমক মফম অদুগী নুপীমচাশিংদা সেনিতরী পেদশিং অমসুং আইরন তেব্লেৎশিং য়েন্থোকপা)

(মানেসরগী ICATদা স্পেসিএল ক্লীনলিনেস কেম্পেন 3.0গী মখাদা ঈ দান তৌবগী কেম্প পাঙথোকপা)

(HMT অমসুং GSTকী কর্মচারী পুম্নমক্কীদা HMT বিল্দিংদা মেদিকেল কেম্প পাঙথোকপা)

(NEPA লিমিতেদকী এদমিনিস্ত্রেতিব ওফিসতা রঙ্গোলি য়েক্তুনা লুনানবগী পাউজেল শন্দোকপা)

সেন্ত্রেল পব্লিক সেক্তর এন্তরপ্রাইস অমসুং ওতোনোমস বোদী পুম্নমক্না কেম্পেন অসিদা থৱায় য়াওনা শরুক য়াখি অমসুং কেম্পেন সাইৎ 781দা ক্লীনলিনেস ফেস্তিবেল ওইনা পাঙথোকখি। চহি অসিদা শীংথানীংঙাই ওইনা স্ক্বার ফীত লাখ 21 অসি স্ক্রেপ অমসুং অতোপ্পা কান্নদ্রবা পোৎলমশিং দিস্পোজ তৌদুনা হাংহনবা ঙমখি। ফিজিকেল ফাইল 78,155 রিভ্যু তৌখি অমসুং ফিজিকেল ফাইল 21,256না লোইশিনখি। ইলেক্ত্রোনিক ফাইল 41,776সু লোইশিনখি। স্ক্রেপ দিস্পোজ তৌবদগী লুপা করোর 4.77 হেনবগী রিভেন্যু লাকহনখি।

******