وزیر اعظم جناب نریندر مودی کے سووچھتا کو ادارہ جاتی بنانے اور حکومت میں زیر التواء کو کم کرنے کے وژن اور مشن سے تحریک حاصل کرتے ہوئے بھاری صنعتوں کی وزارت نے 2 اکتوبر سے 31 اکتوبر 2023 تک ایک خصوصی مہم 3.0 کا آغاز کیا جس میں زیر التواء کو نمٹانے، بہتر جگہ کے انتظام اور ماحول کو صاف اور  شفاف بنانے پر خصوصی زور دیا گیا۔

بھاری صنعتوں کی وزارت نے سووچھتا پر اپنی خصوصی مہم 3.0 کو کامیابی کے ساتھ مکمل کیا ہے، جو وزارت کے اندر اور اس کے مرکزی پبلک سیکٹر انٹرپرائزز اور ملک کے مختلف حصوں میں واقع خود مختار اداروں میں چلائی گئی تھی۔ مہم کا آغاز 15 ستمبر 2023 سے تیاری کے مرحلے کے ساتھ ہوا تاکہ مہم کے دوران صفائی کے لیے لیے جانے والے اہداف کی نشاندہی کی جا سکے۔

مہم کے دوران  جگہ کے انتظام اور دفاتر میں کام کی جگہ کے تجربے کو بڑھانے پر خصوصی توجہ دی گئی۔ خصوصی مہم کے تیاری کے مرحلے کے آغاز سے، وزارت نے اپنے سی پی ایس ایز اور اے بیز کے ساتھ ملک بھر میں صفائی کے مقامات کی نشاندہی کی۔ تقریباً 20 لاکھ مربع فٹ علاقے کے آزاد ہونے کی امید تھی اور 76,600 سے زیادہ فزیکل فائلوں کی نظرثانی کے لیے شناخت کی گئی تھی۔ روزانہ کی پیشرفت کی نگرانی ایک  وقف  ٹیم کے ذریعہ کی گئی اور اسے انتظامی اصلاحات اور عوامی شکایات کے محکمے کے زیر اہتمام ایس سی پی ڈی ایم پورٹل پر اپ لوڈ کیا گیا۔

سیکرٹری ایم ایچ آئی ، جناب کامران رضوی نے جاری خصوصی مہم 3.0 کے ایک حصے کے طور پر ایم ایچ آئی کے ڈویژنوں کے کئی اچانک دورے کئے۔ انہوں نے عہدیداروں کی کوششوں کی ستائش کی اور ان کی حوصلہ افزائی کی کہ وہ کام کی جگہ پر صفائی کو برقرار رکھنے کے لئے اپنی بہترین کوششوں کو بروئے کار لائیں ۔

صفائی کے ساتھ ساتھ، صحت مند طرز زندگی کو فروغ دینے کے لیے مختلف سرگرمیاں بھی سی پی ایس ایز اور اے بیز کے ذریعے ایم ایچ آئی کے تحت شروع کی گئیں:

(اے وائی سی ایل، آسام کے ٹی گارڈن میں "خواتین حفظان صحت سیمینار" کا انعقاد)

(اے وائی سی ایل، آسام میں ذاتی حفظان صحت کے بارے میں بیداری پھیلانے کے لیے مقامی لڑکیوں میں سینیٹری پیڈ اور آئرن ٹیبلٹس کی تقسیم)

( آئی سی اے ٹی  مانیسر میں خصوصی صفائی مہم 3.0 کے تحت خون کے عطیہ کیمپ کا انعقاد)

(ایچ ایم ٹی اور جی ایس ٹی کے تمام ملازمین کے لیے ایچ ایم ٹی  بلڈنگ میں میڈیکل کیمپ کا انعقاد)

(این ای پی اے  لمیٹڈ کے انتظامی دفتر میں رنگولی بنا کر دیا گیا صفائی کا پیغام)

تمام مرکزی پبلک سیکٹر انٹرپرائزز اور خود مختار اداروں نے مہم میں جوش و خروش سے حصہ لیا اور اسے 781 مہم کے مقامات پر صفائی کے تہوار کے طور پر منایا۔ اس سال ایک قابل ذکر طور پر 21 لاکھ مربع فٹ جگہ اسکریپ اور دیگر بے کار مواد کو ٹھکانے لگانے کے بعد خالی کر دی گئی ہے۔ مہم کے دوران 78,155 فزیکل فائلوں کا جائزہ لیا گیا اور 21,256 فزیکل فائلوں کو ختم کیا گیا۔ 41,776 الیکٹرانک فائلیں بھی بند کر دی گئی ہیں۔ اسکریپ کو ٹھکانے لگانے سے حاصل ہونے والی کل آمدنی 4.66 کروڑ روپے سے زیادہ ہے۔

********

ش ح۔ ج ق۔ رض

U. No.527