ইন্দিয়ন পারা-এথেলেতশিংনা পারা এসিয়ান গেম্সতা গোল্দ মেদল 29 য়াওনা মেদল 111গা লোয়ননা ভারতকী হৌজিক ফাওবগী খ্বাইদগী ৱাংবা মেদল তেল্লীগা লোয়ননা পুৱারী শেমখ্রে। মসিগী মমাংদা ভারতনা 2010 এদিসনদা মেদল 14, 2014দা 33 অমসুং 2018দা 72 লৌখি। গেম্স অসি হৌদোকখিবা মতুংদগী মসি ভারতকী হৌজিক ফাওবগী ফবা পর্ফোমেন্সনি, মসিদা ভারতনা ওবরওল মেদল তেল্লীদা 5শুবা রেঙ্কদা লৈখি। ভারতনা চহি অসিদা মশাগী খ্বাইদগী চাউবা কন্তিঞ্জেন্ত থাখি মদুদা এথেলেত 303 (নুপা 191 অমসুং নুপী 112) য়াওখি। মেদল 111গী মনুংদা নুপী এথেলেতশিংনা মেদল 40 লৌখি মদু মেদল তেল্লীগী চাদা 36নি।

রেকোর্দ থমখিবা পর্ফোমেন্সকী মতাংদা ঙাংলদুনা য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা হায়খি, “পর্ফোমেন্স অসি ঐখোয়গী এথেলেতশিংগী অকনবা হোৎনজমন অমসুং ইকায় খুম্নরিবা প্রধান মন্ত্রী শ্রী নরেন্দ্র মোদীগী লুচিং মখাদা শান্ন-খোৎনবদা অচুম্বা পোলিসী হৌদোকপদু মমি তারি। গ্রাসরুত লেবেলদা খেলো ইন্দিয়া স্কিম ওইগেরা নত্রগা এলাইত এথেলেতশিংগীদমক তার্গেৎ ওলেম্পিক পোদিয়ম স্কিম ওইগেরা, স্কিমশিং অসিগী খুত্থাংদা পীখিবা তেংবাংশিং অদু হৌজিক মহৈ পীবা হৌরে। অদোম্না মসি খংবদা নুংঙাইবা ফাওগনি মদুদি খেলো ইন্দিয়া এথেলেত 8 অমসুং তোপস এথেলেত 46না গেম্স অসিদা শরুক য়াখি অমসুং অপুনবা মেদল 111গী মনুংদা মেদল 38 ফংলকখি। লোয়ননা, 2014গা চাংদম্নবদা স্পোর্তস বজেত্তা শরুক অহুম হেনগৎপনা ঐখোয়না ঐখোয়গী এথেলেত পুম্নমকপু কোচশিং, ত্রেনিং, ফোরেন এক্সপোজর, দাইত, ইনফ্রাস্ত্রকচরগী তর্মশিংদা ওইগেরা হেন্না ফবা তেংবাং ফংহনবসু ঙমখি।”

মহাক্না মসিমসু হায়খি, “হন্দক্তা লোইশিনখিবা এসিয়ান গেম্সকা লোয়ননা পারা এসিয়ান গেম্স,  অমসুং হৌখিবা ওলেম্পিক, পারালেম্পিক, সি.দবল্যু.জি., দিফলিম্পিকদা এথেলেতশিংগী ফজরবা পর্ফোমেন্সনা স্পোর্তসতা ভারতকী হেনগৎলক্লিবা শক্তিবু উৎলি। অমদি ইকায় খুম্নরিবা প্রধান মন্ত্রীনা হন্দক্তা আই.ও.সি. মীফমদা হায়খিবদুনি, ভারত পর্ফোমেন্স ফজনা তৌবা খক্তা নত্তনা 2030দা য়ুথ ওলেম্পিক নত্রগা 2036দা সম্মর ওলেম্পিকগুম্বা অচৌবা ইভেন্তশিং হোস্ত তৌনবসু থৌরাং তৌদুনা লৈরি।”

******