পি.এম. মোদীনা ইথিল পীখিবা ‘স্বচ্ছতা’ কেম্পেন্না ‘ৱেস্ত তু ৱেল্থ’কী ৱাখল্লোনগী মতাংদা এৱের্নেস পীখ্রে। হৌজিক্তি ৱেস্ত মেতরিএলশিং রিসাইকল অমসুং রিয়ুজ তৌদুনা কান্নরবা পাম্বৈশিংদা ওন্থোক্নবা ইন্নোবেসন অমসুং তেক্নোলোজীগী এপ্লিকেসনগী মতাংদা নীংথিনা খঙলে।

ৱাফম অসি সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), MoS PMO, পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা ভারত সরকারগী ওফিসশিংদা হৌজিক চত্থরিবা স্বচ্ছতা স্পেসিএল কেম্পেন 3.0গী ৱীক-3গী খোঙজেল হন্না য়েংশিল্লবা মতুং ঙসি নই দিল্লীদা পাঙথোকখিবা প্রেস কনফরেন্স অমদা ফোঙদোকখি।

দা. জিতেন্দ্র সিংহনা ৱেস্ত হৈশিংনা সেগ্রিগেৎ তৌনবা অমসুং রিজলতেন্ত মেতরিএলশিং লাইনা দিস্পোজ তৌনবগীদমক আর্তিফিসিএল ইন্তেলিজেন্স, রোবোতিক্স  অমসুং দ্রোনশিংগী ত্রিনিতীগী মতাংদা পুখৎখ্রে।

“হৌজিক করিগুম্বা ঐখোয়দা মপাং অমসুং লিক্বিদ ৱেস্ত সেগ্রিগেৎ তৌবা ঙম্বা আর্তিফিসিএল ইন্তেলিজেন্স দ্রিবন মোদ্যুল লৈরবদি ঐখোয়দা মসি পাঙথোক্নবা অমসুং দ্রোন্দা লোদ তৌনবা রোবোৎ লৈগনি অমসুং দ্রোন অসিনা মশানা পাইজদুনা মশাগী লমথুংফম য়ৌনবা পুগনি,” হায়না মহাক্না ফোঙদোকখ্রে।

অমোৎ-অকাই খুদিংমক অসি মমল লৈ হায়না ফোঙদোক্লদুনা দা. জিতেন্দ্র সিংহনা হায়খি দিপার্তমেন্ত ওফ সাইন্স এন্দ তেক্নোলোজী, তেক্নোলোজী দিবেলপমেন্ত বোর্দ অমসুং CSIRনা হন্দক্ত ‘রিসাইক্লিং ওন হ্বীলস’বস লোঞ্চ তৌখি, মসিনা মাগী মোবিলিতীনা মরম ওইরগা তোঙান-তোঙানবা মফমশিংদা ৱেস্ত তু ৱেল্থ ওলহনবা ঙম্মি।

দা. জিতেন্দ্র সিংহনা হায়খি দেহরা দুন্দা বেজ তৌবা ইন্দিয়ন ইন্সতিত্যুত ওফ পেত্রোলিয়ম (CSIR-IIP)না শীজিন্নরবা অচা থাও অদু খোমজিন্দুনা মদুবু বাইওফ্যুলদা ওন্থোকপা রিপর্পজ য়ুজ কুলিং ওইল (RUCO) ভেন অমা পুন্না দিবেলপ তৌখি।

দা. জিতেন্দ্র সিংহনা হায়খি সরকারনা হৌখিবা চহি অহুমদা লৈবাক শিনবা থুংবদা লৈরিবা সরকারগী লোইশঙ পুম্নমক্তা চত্থরিবা স্পেসিএল কেম্পেনশিংদগী স্ক্রেপ দিস্পোজ তৌদুনা পুন্না রিভেন্যু লুপা করোর 776 তানখি; রিভেন্যু অসিগী অচৌবা শরুক ওইরিবা লুপা করোর 176 অসি হৌজিক চত্থরিবা স্পেসিএল কেম্পেন 3.0গী হৌখিবা নুমিৎ 20দা তানবা ঙমখি।

“ঐখোয়না রিভেন্যু লাকহনবগী খোঙজেল অসিসু য়েংশিল্লক্লি। মসিনা তাকপদি হৌজিক ঐখোয়না মসিগী ৱেল্থ ওন্থোক্নবা স্কিলসু হৈরে হায়বনি… হায়বদি ঐখোয়গী স্কেল অসি হেনগৎলক্লি অমসুং হৌজিক ঐখোয়না সেচুরেসন পোইন্তগী মাইকৈদা মীৎয়েং থম্লক্লি”, হায়না মহাক্না ফোঙদোকখ্রে।

দা. জিতেন্দ্র সিংহনা হায়খি প্রধান মন্ত্রী শ্রী নরেন্দ্র মোদীনা ওগস্ত 15, 2014দা লাল কিলাগী লানবনদগী মহাক্কী অহানবা নীংতম নুমিৎকী ৱারোল পীবদা মহাক্না স্বচ্ছতাগী ৱাখল্লোন হৌদোকখিবদগী হৌদুনা মরম ওইদুনা স্বচ্ছতা কেম্পেন অসি অচৌবা ইহৌ অমা ওইরকখি।

 “স্বচ্ছতা কেম্পেনগী অহানবগী চহিদা তোইলেৎ লাখ 4 হেন্না শাখি, ‘সুবিধা, স্বস্থ্যা অমসুং সম্মান’গা লোয়ননা নুপীশিংদা শক্তি পীখি। অনিশুবা চহিদা জঙ্ক ফাইলশিংগী দিস্পোজেলদা মীৎয়েং চংখিবা স্পেসিএল কেম্পেন্না কান্নবদা শীজিন্নবগীদমক ওফিস স্পেস হাংহনখি অমসুং ই-স্ক্রেপ শেংদোকখি। অমসুং স্পেসিএল কেম্পেন 3.0না হৌজিক ৱেস্ততগী ৱেল্থ ওন্থোকপদা মীৎয়েং চংলি,” হায়না মহাক্না ফোঙদোকখি।

দা. জিতেন্দ্র সিংহনা হায়খি স্পেসিএল কেম্পেন 3.0গী অহুম শুবা চয়োলদা ওফিস স্পেস স্ক্বার ফীত লাখ 86কী ময়া নক্না হাংহনবা ঙমখি।

দা. জিতেন্দ্র সিহনা নোদেল এজেন্সী ওইরিবা দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্স (DARPG)বু স্পেসিএল কেম্পেন 3.0গী ৱীক-3গী খোঙজেল য়েংশিনবদা থাগৎখি।

দা. জিতেন্দ্র সিংহনা হায়খি মন্ত্রালয়শিং/বিভাগশিংদা অমসুং মখোয়গী ফিল্দ/লমদা চাউনা শরুক য়াবা উবা ফংখি। মহাক্না মন্ত্রালয়শিং/বিভাগশিংদা লৈবাক্কী আউৎস্তেসন ওফিস/দিফেন্স এস্তাব্লিশমেন্ত অমসুং PSU পুম্নমক কোনশিন্নবা কেম্পেন অসি ইমপ্লিমেন্ত তৌবদা সেচুরেসন এপ্রোচ অমা পাইখৎনবসু হায়খি।

স্পেসিএল কেম্পেন 3.0গী খোঙজেল অসি নুমিৎ খুদিংগী দেদিকেতেদ পোর্তেল (https://scdpm.nic.in/) অমদা য়েংশিনখি। কেম্পেন অসিগী খোঙজেল য়েংশিন্নবা নোদেল ওফিসরশিংগা লোয়ননা DARPGগী সেক্রেতরীনা চিয়রমেন ওইদুনা চাং নাইনা য়েংশিন মীফমশিং পাঙথোকখি। স্পেসিএল কেম্পেন 3.0 অসি নবেম্বরগী অহানবা চয়োলদা ইভাল্যুএসন ফেস হৌবগা লোয়ননা ওক্তোবর 31, 2023দা লোইশিনগনি।/

*****