সিয়া বর রামচন্দ্রগী জয়

সিয়া বর রামচন্দ্রগী জয়

ঐহাক্না শক্তি লাৎপগী কুমহৈ নভরাত্রি অমসুং মায় পাকপগী কুমহৈ বিজয়দাশমিগী নুমিৎ অসিদা ভারত মচা ইরৈচা খুদিংমক্কী মফমদা য়াইফ পাউজেল পীজরি। বিজয়দাশমিগী কুমহৈ অসি অরানবদগী অচুম্বনা জয় ওইবা, নাপল কাবদগী নোলুকপনা মায় পাকপা অমসুং খাঙবা কনবনা অশাওবদগী মায় পাকপগী কুমহৈনি। মসি ইশ্বর ইবুংঙো শ্রী রাম্না ফত্ত্রবা রাবনবু মায়থিবা পীখিবগী কুমহৈনি। ঐখোয়না মসিগী ইথিল অসিগা ইরোইননা চহি খুদিংগী রাবন দহন পাঙথোক্লি। অদুবু মসি খক্তনা লোইবা নত্তে। ঐখোয়গীদি কুমহৈ অসি ঐখোয়গী ৱারেপকী কুমহৈ অমসুনি অমসুং মসি ঐখোয়গী ৱারেপ অদুবু হন্না নীংশিংবগী কুমহৈ অমসুনি।

ঐহাক্কী নুংশিরবা ঈরৈচাশিং,

ঐখোয়না বিজয়দাশমি অসি ঐখোয়না থা লৈবাকপু খুদুম চল্লুরবা মতুং থা অনি লৈরগা পাঙথোক্লি। বিজয়দাশমি নুমিৎতা খুৎশু খুৎলাই খুরুম্বগী চৎনবী অমসু লৈরি। ভারতকী লৈহাওদা, খুৎশু খুৎলাই হায়বসি লম অমহেক্তবু লৌশিন্নবা নত্তে, মদুবু ঙাক্নবগীদমক্তনি। নবরাত্রিগী শক্তি পুজা তৌবা হৌবা মতমদা ঐখোয়না হায়রি – য়া দেবী সর্ভভুতেশু, শক্তিরুপেনা শনস্থীতা, নমস্তেস্যাই, নমস্তেস্যাই, নমস্তেস্যাই নমো নমহ। পুজা লোইরবা মতুংদনা ঐখোয়না হায়রি – দেহি সৌবগয়া আরোগ্যাম, দেহি মে পরম সুখম, রুপম দেহি, জয়ন দেহি, য়শো দেহি, দ্বিশোজাহি! ঐখোয়গী শক্তি পুজা অসি ঐখোয় ইশাগীতা তৌবা নত্তে, অপুনবা লৈশেম্লোনগী লনথুম, হকশেল, নুংঙাই য়াইফবা, মায় পাকপগীসুনি। মসি ভারতকী ৱাখল্লোন অমসুং ফিলোসোফীনি। ঐখোয়না গীতাগী লৌশিংসু খঙলে অমসুং INS ভিক্রান্ত অমসুং তেজাস শাবসু ঙম্লে। ঐখোয়না শ্রী রামগী ইকাইখুম্নসু খঙই অমসুং ঐখোয়গী ঙমখৈ করম্না ঙাক্কনি হায়বসু খঙই। ঐখোয়না শক্তি পুজা লাৎপসু খঙই অমসুং কোরোনাগী মতমদা 'সর্ভে সন্তু নির্মায়া'গী মন্ত্রসু ইল্লি। মসিনি ভারত হায়রিবসি। ভারতকী বিজয়দাশমি অসি মসিগী ৱাখল্লোন অসিগী খুদম অমনি।

মরুপশিং,

ঙসিদি ইশ্বর ইবুংঙো রামগী অচৌবা লাইশঙ অমা শাবা উবা ফংলিবসি য়াম্না লাইবক ফরে। মথংগী অয়োধ্যাগী রামনবমিদদি, রাম্লালাগী লাইশঙদা নিল্লিবা খোঞ্জেল খুদিংনা মালেম পুম্বদা নুংঙাইবা পুরক্লগনি। খোঞ্জেল অসি মফম অসিদা চহি চা কয়া তাদুনা লাক্লি – ভয়া প্রগত ক্রিপালা, দীনদয়াল… কৌশ্ল্যা হিতকারি। প্রভু রামগী পোক্নফমদা শারিবা লাইশঙ অসিনা চহি কয়া ঙাইদুনা লাকপা ভারত মচাশিংগী খাঙবা কনবগী খুদম অমা ওইরি। প্রভু রাম্না রাম লাইশঙদা ফমগদবা মতম অসি থা খরা খক্তা ঙাইশিল্লক্লে। প্রভু রাম লাক্লগনি। অদুগা মরুপশিং, প্রভু রামগী মুর্তিনা রাম লাইশঙদা লেঙশিনবা উবদা নুংঙাইগদবদু ভাপনা শাগৎতুনা য়েংবীয়ু। রাম লাকপগী নুংঙাইবা ফোংদোকপগী থৌরম অসি বিজয়দাশমিদগী হৌরে। তুলসি বাবানা রামচরিত মনস্তা ইবীরম্মি – সগুন হোহিন সুন্দর সকল মন প্রসান্ন সব কীর। প্রভু অগৱন জানব জানু নাগর রাম্যা চাহু ফের। হায়বদি, প্রভু রাম্না লাক্কদৌবা মতম অদুদা অয়ধ্যা পুম্বদা শাখিনা পীবা হৌখি। অদুদগী মীপুম খুদিংমক্না হরাওবা পোক্নখি অমসুং শহর পুম্বা নীংথিজখি। মদুগা মান্নবা শাখিনা কয়া অমা ঙসিদি উররে। ঙসিদি ভারতনা থা লৈবাক লোম্লুরে। ঐখৈয়না মালেমদা খ্বাইদগী চাউবা শেন্মিৎলোন অহুমশুবা ওইরগনি। ঐখোয়না চয়োল খরগী মমাংদা অনৌবা পার্লিয়ামেন্ত বিল্দিংদা চঙখ্রে। মীহুৎ খনবদা নুপীগী শক্তি পীনবা পার্লিয়ামেন্ততা নারি শক্তি বন্দন এক্ত পাস তৌখ্রে।

ঙসিদি ভারতনা মালেমদা খ্বাইদগী চাউবা শেন্মিৎলোন অমা ওইনা চাউখৎলক্লি অমসুং খ্বাইদগী থাজনরিবা গনতন্ত্র অমা ওইরি। অমসুং মালেম অসিনা গন্তন্ত্রগী মমা অমা ওইনা উনরি। অসিগুম্বা নুংঙাইবা মীকুপ কয়া অসিগা ইরোইননা প্রভু রামনা অয়োধ্যাগী রাম লাইশঙদা লেঙশিনবীরগনি। মসিগা মান্ননা, নীংতম্বগী চহি ৭৫গী মতুংদা, ভারতকী লন হেনগৎলক্লগনি। অদু্বু মীকুপ অসে ভারতনা হৈ শিংনা চৎকদবা অমসু ওইরি। ঐখোয়না ৱাখলদা থমগদবনি মদুদি ঙসি রাবন মৈ থাবা হায়দুনা চত্থরিবা অসি অশাবা মুর্তি অদুখক থাবা নত্তনা খুন্নাই অসিবু মরাই চাইথহল্লিবা ফত্তবা মশক পুম্বা থাবা ওইহনগদবনি। মসিনা ভারত ইমাবু কাস্ত অমসুং ধর্মগী নামাদা খায়বুং তানবা হোৎনরিবা শাফুশিং অসিবুসু মরু ফংনা মুত্থৎকদবনি। মসিনা মশাগীতা খনবা অমসুং ভারত চাউখৎনবগী নত্তবা ৱাখল্লোনশিং থাদোকপা ওইহনগদবনি। বিজয়দাশমিগী কুমহৈ অসি রামনা রাবনবু মায়থিবা পীখিবগী কুমহৈ খক্তা নত্তনা লৈবাক অসিগী মাঙনবা হোৎনরিবশিংদগী ইমা লৈবাক নুংশিবনা মায় পাকপগী কুমহৈ অমসু ওইহনগদবনি। ঐখোয়না খুন্নাই অসিবু মাঙহল্লবা ফত্তবশিংবু লোইশিন্নবা ৱাশক্কদবনি।

মরুপশিং,

লাক্কদবা চহি ২৫ অসি ভারতকী ওইনদি অদুক্কী মতীক মরুওই। ঙসিদি মালেম অসিদা ভারত তম্না য়েংনরি অমসুং ঐখোয়দা লৈরিবা শক্তিশিং অসি খঙনরি। ঐখোয়না পোথাদুনা লৈরোইদবনি। মসি রামচরিত মনসতসু ইদুনা লৈরি – রাম কজ কিনহেন বিনু, মোহিন কহা বিশ্রাম। ঐখোয়না প্রভু রামগী ৱাখলনা শেমখিবা ভারত অদুমক শেমগৎকদবনি। ইরোমদোম লেপচবা ঙম্বা চাউখৎলবা ভারত, মীপুম খুদিংমক্না মশাগী মঙলান মঙফাওনবা ঙম্লবা ভারত, মীপুম খুদিংদা নুংঙাই য়াইফবা অমসুং অপেনবা পোকচরবা ভারত অমা। রাজ রাজগী ৱাখল্লোন্দি মসিনি, রাম রাজ বৈথে ত্রেলোকা, হরশিত ভয়ে গয়ে সব শৌকা, হায়বদি, রাম্না মহাক্কী খুভমদা ফমখিবা মতমদা, মালেম পুম্বদা নুংঙাই য়াইফবা পুরক্কনি অমসুং মীপুম খুদিংমক্কী অৱাবা কোক্কনি। অদুবু মসি মতৌ করম্না ওইথোক্কনি? মরম অসিনা, ঙসি বিজয় দাশমি নুমিৎ অসিদা ঐহাক্না মীপুম খুদিংদা ৱারেপ ১০ খক লৌবীনবা আপিল তৌজরি।

অহানবা ৱারেপ – লাক্কদবা মীরোলগীদমক ৱাখলদা থমদুনা ঐখোয়না ঈশিংবু ঙম্লিবা মখৈ কন্নবা হোৎনগদবনি।

অনিশুবা ৱারেপ – ঐখোয়না মী কয়া দিজিতেল ত্রাঞ্জেক্সনদা পুক্নিং চিংশিনগনি।

অহুমশুবা ৱারেপ – ঐখোয়না ঐখোয়গী খুঙ্গং অমসুং শহরশিংবু লু নানবগী মমাংদা চিংখৎকনি।

মরিশুবা ৱারেপ – ঐখোয়না ভোকেল ফোর লোকেলগী মন্ত্র ঙম্লিবা মখৈ ইনগনি অমসুং ভারত্তা শাবা পোত্থোকশিং শীজিন্নগনি।

মঙাশুবা ৱারেপ – ঐখোয়না অফবা মখলগী থবকশিং তৌগনি অমসুং অফবা পোত্থোকশিং পুথোক্কনি, ঐখোয়না লৈবাক অসিগী ইকাইখুম্নববু চিংথনবা হোৎনরোই।

তরুকশুবা ৱারেপ – ঐখোয়না ঐখোয়গী লৈবাক অসিবু হান্না মপুং ওইনা য়েংগনি, চৎকনি, কোইগনি অমসুং লৈবাক অসিবু অপুনবা ওইনা উরবা মতুংদা ঐখোয়দা মতম লৈরবদি মপান্দা চৎপগী খনগনি।

তরেৎশুবা ৱারেপ –ঐখোয়না লৌমীশিংবু হেন্না হেন্না মহৌশাগী মওংদা লৌউশিংউ তৌনবা ভাপ তাহনগনি।

নিপালশুবা ৱারেপ – ঐখোয়না খ্বাইদগী ফবা চীঞ্জাক মিলেতপু ঐখোয়গী পুন্সিদা হাপচিনগনি। মসিনা অপীকপা লৌমীশিং অমসুং ঐখোয়গী হকচাংদা কান্নগনি।

মাপনশুবা ৱারেপ – ঐখোয়না ইশাগী হকশেলদা হান্না খনগনি, য়োগাবু ওইরো, শান্নখোৎনবা নৎত্রগা ফিতনেস।

তরাশুবা ৱারেপ – ঐখোয়না লাইরবা ইমুং অমখক্তং ওইরবসু মখোয়গী সমাজদা লৈরিবা থাকপু মখোয়গী ইমুং মনুং ওইদুনা ৱাংখৎনবা হোৎনগনি।

লৈবাক অসিদা য়ুম, মৈ, গ্যাস, ঈশিং, অনা লাইয়েংগী খুদোংচাবা তঙাইফদবা পোৎচৈ লৈজদবা লাইরবা ইমুং অমখক্তং ওইরবসু লৈরিবা মখৈ ঐখোয়না শান্তি লৈনা ফম্বা ঙম্লোই। ঐখোয়না মহাকপু মতেং পাংনবগীদমক কান্নবা ফংবা য়াবা খুদিংমক ফংহন্নবা হোৎনগদবনি। মসিখক্তংদা লৈবাক অসিদগী লাইরবা মুত্থৎপা ঙমগনি অমসুং মীপুম খুদিংমক্না চাউখৎকনি। মসিখক্তংদা ভারতনা চাউখৎপা লৈবাক অমা ওইগনি। ঐখোয়না ৱারেপশিগ অসিবু প্রভু রামগী মিংদা মঙফাওনবা ঙমহল্লসি। অসিগুম্বা শেংলবা বিজয়দাশমিগী কুমহৈ অসিদা, ঐহাক্না ইরৈচা খুদিংদা য়াইফ পাউজেল পীজরি। রাম চরিত মনস্তা অসুম্না হায়রি – বিসি নগর কী জয় সব কাজা, রিদে রখি কোসাল্পুর রাজা হায়বদি, ঐখোয়না অপাম্বা ৱারেপ অমহেক্তা ওইজসনু, করিগুম্বা প্রভু রামগী মিংখৈ শোল্লবদি শোইদনা মায় পাক্কনি। ঐখোয় পুম্নমক্না ভারতকী ৱারেপ পুদুনা চাউখৎপগী মায়কৈদা চঙশিল্লসি, ঐখোয় পুম্নমক্না ভারতপু হেন্না ফবা ভারত অমগী পান্দমদা পুশিল্লসি। য়াইফ পাউজেল অসিগা লোইননা, ঐহাক্না পুম্নমকপু বিজয়দাশমিগী কুমহৈ অসিদা য়াইফবা ওইমিন্ননবা মঙ্গোল পীজরি।

সিয়া বর রামচন্দ্রগী জয়

সিয়া বর রামচন্দ্রগী জয়

 ***