কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন, অমসুং তেক্সতাইলগী কেন্দ্র মন্ত্রী, শ্রী পিয়ুশ গোয়লনা ওক্তোবর 24-25, 2023দা সাউদী অরাবিয়াগী রিয়াধতা পাংথোক্কদৌরিবা ‘ফ্যুচর ইনভেস্তমেন্ত ইনিসিএতিব’তা শরুক য়াগনি। থৌরম পরেংগী মনুংদা, মন্ত্রীনা কিংদম ওফ সাউদী অরাবিয়া (KSA)গী ইনর্জী মন্ত্রী; হিস রোয়ল হাইনেস (HRH) প্রিন্স অবদুল অজিজ বিন সলমান অল-সাউদ; কম্মর্স মন্ত্রী, হিস এক্সেলেন্সী (H.E.), মাজিদ বিন অবদুল্লাহ অল কসাবী; ইনভেস্তমেন্ত মন্ত্রী, H.E. বন্দার বিন ইব্রাহিম অল খোরায়েফ; অমসুং গবর্নর পব্লিক ফন্দ (PIF), H.E. য়াসির রুমায়য়ন য়াওনা KSAগী দিগ্নিতরীশিংগা উন্নগনি।

শ্রী পিয়ুশ গোয়লনা KSAগী ইনভেস্তমেন্ত মন্ত্রীগা লোয়ননা লুচিংমিন্নদুনা ‘ফ্রোম রিস্ক তু ওপোর্চুনিতী” স্ত্রেতজী ফোর ইমর্জিং ইকোনোমী ইন দি ন্যু ইন্দস্ত্রীএল পোলিসী ইরা’ হায়বা থীমদা কনক্লেব সেসন অমসু পাংথোক্কনি। সাউদী শেন্মিৎলোনগী মশক থোকপা শরুক অমা ওইরিবা ভারতকী কম্ম্যুনিতীগসু মহাক্না উন্নগনি। মহাক্না মালেম শিনবা থুংবগী কারবারগী লুচিংবা অমসুং মমিং লৈবা CEOশিংগসু উন্নগনি হায়বগী থাজবা লৈ।

FII ইন্সতিত্যুত অসি KSAনা হৌদোকপা মালেমগী ওইবা নন প্রোফিত ফাউন্দেসন অমনি। মসিনা মালেমগী ওইনা “ইম্পেক্ত ওন হ্যুমেনিতী” হায়বা অমা শেমগৎপগী পান্দমগা লোয়ননা ইনভেস্তমেন্তকী অনৌবা লম্বী য়াৎপগী মতাংদা খন্ন-নৈননবা মালেমগী সরকার অমসুং কারবারগী লুচিংবশিংবু অমত্তা ওইনা পুরকপগী পান্দম থম্লি। মখোয়না মিৎয়েং চঙলিবা মরু ওইবা হীরম মরিদি আর্তিফিসিএল ইন্তেল্লিজেন্স (AI) অমসুং রোবোতিক্স, এজুকেসন, হেল্থকেয়র অমসুং সস্তেনেবিলিতীনি।

FIIগী &শুবা মীফম অসিগী থীম্না অনৌবা গ্লোবেল ওর্দরদা মিৎয়েং চঙবা “দি ন্যু কম্পাস” হায়বসিনা ওইরি। থৌরম অসিদা মালেমগী মকোক থোংবা ইনভেস্তর, ব্যুজিনেস লীদর, পোলিসী শেম্বা, ইনভেন্তর অমসুং এক্সপ্লোরর কয়ানা শরুক য়াগনি হায়বগী থাজবা থম্লি। মখোয়না অমত্তা ওইনা পুন্দুনা অনৌবা মার্কেতকী মতাংদা খন্ন-নৈনদুনা শেন্মিৎলোনগী শাহৌ অমসুং নুংঙাই য়াইফবগীদমক্তা অনৌবা খুদোংচাবশিংসু মখা তানা পাংথোকপা মীফমশিংদা খন্ন-নৈনগনি।

KSA অসি ভারতকী খ্বাইদগী মরু ওইবা স্ত্রেতজিক পার্ত্নরশিংগী মনুংদা অমনি। লৈবাক অনিগী মরক্কী ত্রেদনা FY 2022-23দা রেকোর্দ ওইনা খ্বাইদগী ৱাংবা USD বিলিয়ন 52.75 য়ৌখি। লৈবাক অনিনা তেংবাংমিন্নবগী মতৌশিং অসি ভারত-সাউদী অরাবিয়া স্ত্রেতজিক পার্ত্নরশিপ কাউন্সিল (SPC) শেমখিবা অদুদা উবা ফংগনি। ইং 2019দা লিংখৎখিবা SPC অসিনা লৈবাক অনিগী মরী চেৎশিলহনবগী পান্দম থম্লি অমসুং মসিগী মরু ওইবা য়ুম্বী অনি লৈঃ ‘পোলিতিকেল, সেক্যুরিতী, সোসিএল অমসুং কলচরেল কোওপরেসনগী কম্মিত্তী’ অমসুং ‘ইকোনোমী অমসুং ইনভেস্তমেন্তকী কম্মিত্তী’। রিয়াধনা মসিগুম্বা পার্ত্নরশিপ অসি UK, ফ্রান্স অমসুং চাইনাগী শেমখ্রবা মতুংদা ভারতনা মসিগুম্বা মরী লৈনবা মরিশুবা লৈবাক ওইরি।

ভারতকী প্রধান মন্ত্রী, শ্রী নরেন্দ্র মোদী অমসুং KSAগী ক্রাউন প্রিন্স, HRH মোহম্মদ বিন সলমান অল সাউদনা সেপ্তেম্বর 2023দা SPCগী অহানবা সম্মিত-লেভেল মীফম লুচিংদুনা ফম্মিন্নখি। মীফম অসিনা ইনর্জী সেক্যুরিতী, ত্রেদ অমসুং ইনভেস্তমেন্ত, দিফেন্স অমসুং সেক্যুরিতী, হেল্থকেয়র অমসুং ফুদ সেক্যুরিতীগুম্বা মরু অইবা হীরমশিংদা মিৎয়েং চঙখি। মালেমগী খ্বাইদগী খোঙজেল য়াঙনা শাহৌ লৌরিবা শেন্মিৎলোন অনিগী মরীবু ভারতকী প্রধান মন্ত্রীনা লমদম অসিগী শান্তি অমসুং তংদু লৈতাবগী মতাংদা য়াম্না মরু ওইবা থৌওং অমনি হায়না উরি।

কেন্দ্রগী কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়লনা ৱাফম অসিগা মরী লৈননা, 7শুবা FII অসিদা স্ত্রেতজিক পার্ত্নর অসিবু মখা তানা চেৎশিলহনবগা লোয়ননা লৈবাক অনিগী মরক্তা লৈনরিবা মখল কয়াগী জোইন্ত কোওপরেসন অসিবুসু হেন্না ফগৎহনগনি হায়বগী থাজবা থম্লি।

***