কেন্দ্র মন্ত্রী শ্রী অনুরাগ সিংহ থাকুরনা ঙসি নুমিদাংৱাইরম মুম্বাইদা মশক নাইবা স্পোর্তস পর্সেনেলিতীশিং অমসুং ইন্তরনেস্নেল স্পোর্তস ফেদরেসনগী মীহুৎশিংগা লোয়ননা নাকল অনিগী ওইবা মীফম অনি পাংথোকখ্রে। মীফমশিং অসি হয়েং শহর অসিদা পাংথোক্কদৌরিবা ১৪১শুবা ইন্তরনেস্নেল ওলেম্পীক কমিতী (আই.ও.সি.)গী নোংমা মাংওইননা পাংথোকখি।

কেন্দ্রগী য়ুথ এফিয়ার্স অমসুং স্পোর্তস (য়াস) অমসুং আই&বি মন্ত্রী শ্রী অনুরাগ সিংহ থাকুরনা ৱার্ল্দ রোৱিং ফেদরেসনগী প্রসিদেন্ত জীন-ক্রিস্তোফ রোলেন্দগা লোয়ননা নাকল অনিগী ওইবা অহানবা মীফম পাংথোকখি, অদুগা অনিশুবা নাকল অনিগী ওইবা মীফমনা ইন্তরনেস্নেল এসোসিয়েসন ওফ এথেলেতিক্স ফেদরেসনগী প্রসিদেন্ত লোর্দ সেবেস্তিয়ন কোয়েগা লোয়ননা পাংথোকখি।

নাকল অনিগী ওইবা মীফমশিংদা মীৎয়েং থম্লিবশিং:

1. ইন্দিয়ন এথেলেৎশিংগী ওবরওল হেল্থ অমসুং পর্ফোমেন্স ফগৎহনবদা স্পোর্তস সাইন্স অমসুং মেদিসিনদা এক্সপর্তিজশেয়র তৌবা।
2. ত্রেনিং মেথোদোলোজীশিং অমসুং ইক্বিপমেন্তদা ইনোবেসন পুরক্নবা রিসর্স ইনিসিয়েতিবশিংদা কোলাবোরেসন।
3. অতোপ্পা ফিল্দশিংগুম্না স্পোর্তসদা দিজিতেল কোচিং অমসুং ত্রেনিং শিজিন্নবা।

প্রধান মন্ত্রী শ্রী নরেন্দ্র মোদীনা ২০২৩গী ওক্তোবর ১৪দা মুম্বাইগী জিও ৱার্ল্দ সেন্তরদা ১৪১শুবা ইন্তরনেস্নেল ওলেম্পীক কমিতী (আই.ও.সি.) সেসন হৌদোক্কনি। আই.ও.সি. সেসন অসি ইন্তরনেস্নেল ওলেম্পীক কমিতী (আই.ও.সি.)গী মেম্বরশিংগী মরুওইবা মীফম অমা ওই। আই.ও.সি. সেসনশিংদা ওলেম্পিক গেম্সকী তুংদা ওইরক্কদবগা মরী লৈননা মরুওইবা ৱারেপশিং লৌই।

ভারত্তা পাংথোক্কদৌরিবা ১৪১শুবা আই.ও.সি. সেসনদা গ্লোবেল কোওপরেসন থৌগৎপা, স্পোর্তিং এক্সিলেন্স সেলেব্রেত তৌবা, অমসুং ফ্রেন্দশিপ, রেস্পেক্ত অমসুং এক্সেলেন্সকী ওলেম্পিক আইদিয়েলশিং মাংলোমদা পুখৎপদা জাতিগী কত্থোকপগী খুদমনি। মসিনা তোঙান তোঙানবা স্পোর্তসকা মরী লৈনবা স্তেকহোল্দরশিংগী মরক্তা উনদুনা ৱারী শানবা অমসুং নোলেজ শেয়র তৌবগী খুদোংচাবা অমা পীরি।

সেসন অসিদা ইন্তরনেস্নেল ওলেম্পিক কমিতীগী প্রসিদেন্ত শ্রী থোমাস বাক অমসুং আই.ও.সি.গী অতোপ্পা মেম্বরশিংগা লোয়ননা মশক নায়রবা ইন্দিয়ন স্পোর্তস পর্সেনেলিতীশিং অমসুং ইন্দিয়ন ওলেম্পিক এসোসিয়েসন য়াওনা তোঙান তোঙানবা স্পোর্তস ফেদরেসনশিংদগী মীহুৎশিংসু শরুক য়াগনি।

* * *