ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী পব্লিকেসন দিবিজন্না ইন্দিয়া নেস্নেল স্তেন্দগী শরুক অমা ওইনা 75শুবা ফ্রেঙ্কফর্ত বুক ফেয়রদা শরুক য়ারি। পব্লিকেসন দিবিজনগী স্তোলগা লোয়ননা ইন্দিয়া নেস্নেল স্তেন্দবু ভারতকী কন্স্যুলেতকী কন্স্যুলেত কম্মর্স, শ্রী বিনোদ কুমারনা ফ্রেঙ্কফর্ত্তা ওক্তোবর 18, 2023দা শঙ্গাখিবনি। জর্মনীগী ফ্রেঙ্কফর্তা ওক্তোবর 18-22, 2023দা পাংথোক্কদবা মালেমগী খ্বাইদগী মমিং লৈবা বুক ফেয়র অমা ওইরিবা, ফ্রেঙ্কফর্ত বুকমীজনা মালেম শিনবা থুংবগী পার্তিসিপেন্ত অমসুং ভিজিতরশিংবু তরাম্না ওক্লি।

মশাগী মমল নাইদ্রবা লিতরেচরগী লন থুম কয়া উৎলিবা পব্লিকেসন দিবিজন্না আর্ত অমসুং কলচর, পুৱারী, সিনেমা, মশক নাইবা মীওই অমসুং মখোয়গী পুন্সি ৱারি, লম অমসুং মীয়াম, গান্ধীগী মতাংগী লিতরেচর অমসুং অঙাংগী লিতরেচর অমদি অতোপ্পা হীরম কয়াগী লাইরিকশিং উৎলি। মখোয়না উৎলিবা লাইরিকশিংনা ভিজিতর অমসুং লাইরিকপু নুংশিজবা মীওইশিংগী পুক্নিং শুমহৎকনি। পব্লিকেসন দিবিজন্না এক্সক্লুসিব ওইনা ফোঙবা রাস্ত্রপতি ভবন, প্রধান মন্ত্রীগী ৱারোলশিং পুনশিনবগী প্রিমিয়ম লাইরিকশিংসু দিবিজন অসিনা পুথোক্লি। ভিজিতরশিংনা লাইরিক খক্তা নত্তনা দিবিজন অসিগী মমিং চৎপা অমসুং মীয়াম্না পাম্নবা য়োজনা, কুরুক্ষেত্রা, আজকল অমসুং বাল ভারতীগুম্বা জর্নেল কয়া অমসু স্তোল অসিদা য়েংবা ফংগনি।

পব্লিকেসন দিবিজন্না মখোয়গী একজিবিসন অসি ফেয়র অসিগী স্তোল নম্বর- B 35/34, হোল নম্বর 6.0দা উৎলি। 

পব্লিকেসন দিবিজনগী মতাংদা ৱাফম খরাঃ

দাইরেক্তোরেত ওফ পব্লিকেসন দিবিজন হায়বসি লৈবাক্তা মরু ওইবা অমসুং ভারতকী ইনাক খুল্লবা কলচরগী হেরিতেজকুম্বা হীরম কয়া তাক্লিবা লাইরিক অমসুং জরনেলশিংগী রিপোজিতরী অমনি। ইং 1941দা হৌদোকখিবা পব্লিকেসন দিবিজন অসিদি চাউখৎ থৌরাং, ভারতকী পুৱারী, কলচর, লিতরেচর, বাইওগ্রাফী, সাইন্স, তেক্নোলোজী, অকোয়বগী ফিভম অমসুং ইমপ্লোয়মেন্তকুম্বা মখল কয়াগী থীমগী লাইরিকশিংবু তোঙান-তোঙানবা লোলদা ফোঙলিবা ভারত সরকারগী পব্লিশিং হাউস অমনি। দিবিজন অসিবু লাইরিক পাবা মীওই অমসুং লাইরিক ফোঙবশিংনা য়াম্না পাম্নৈ অমসুং থাজৈ, মসিগা লোয়ননা, মখোয়গী অচুম্বা কন্তেন্ত অমসুং লাইরিকশিংগী অহোঙবা মমলগীদমক্তা মমিং চৎলি।

দিবিজন অসিগী ফ্লেগশিপ পব্লিকেসনশিংগী মনুংদা য়োজনা, কুরুক্ষেত্রা অমসুং আজকলগুম্বা থাগী চেফোঙগা লোয়ননা ‘ইমপ্লোয়মেন্ত ন্যুজ’ অমসুং ‘রোজগার সমাচার’গুম্বা চয়োলগী ফোঙবা পাউ-চেশিং য়াওরি। মসিগী মথক্তা, পব্লিকেসন দিবিজন্না ভারতকী মমিং লৈরবা চহিগী ওইবা লাইরিক, ‘ইন্দিয়া য়র বুক’ অসিসু ফোঙই।

***