কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা ত্রাইবেল য়ুথ একচেঞ্জ প্রোগ্রাম (TYEP)গী মখাদা ত্রাইবেল নহারোল 200গা লোয়ননা ৱারী-ৱাতাই শাখ্রে।

ত্রাইবেল নহারোলগা লোয়ননা মহাক্না ৱারী শাখিবা অদু কেন্দ্রগী গৃহ মন্ত্রীনা হায়খি, ঙসি ত্রাইবেল ফুরুপকী মীয়ামগীদমক খুদোংচাবা কয়া ফংলে। মহাক্না হায়খি মদুদি ত্রাইবেল নুপী, শ্রীমতি দ্রৌপদি মুর্মুনা ভারতকী রাস্ত্রপতি ওইবা অসি চাউথোকচনীংঙাই ওইবা ৱাফম অমনি। শ্রী শাহনা হায়খি মদুদি প্রধান মন্ত্রী শ্রী নরেন্দ্র মোদীনা লৈবাক্কী নীংতম ইহৌদা পুম্নমক কত্থোখ্রবা ত্রাইবেল নীংতম লান্মীশিংবু নীংশিংবা ওইনা লুপা করোর 200গী শেনফম চংনা লৈবাক শিনবা থুংবদা ত্রাইবেল ম্যুজিয়ম 10 শানবা ৱারেপ লৌখ্রে।

কেন্দ্রগী গৃহ অমসুং কোওপরেসন মন্ত্রীনা হায়খি লেফ ৱিং একস্ত্রিমিস্তশিং অমসুং মখোয়গী ৱাখল্লোন অসি লৈবাক্কী চাউখৎ-থৌরাং অমসুং অফবা তুংলমচৎকী মায়োক্তনি। মহাক্না হায়, লেফ ৱিং এক্সত্রিমিজমনা শোকহল্লবা মফমশিংদা মোবাইল তাৱরশিং, লম্বী-থোং অমদি অতোপ্পা তঙাই ফদবা খুদোংচাদবশিং পামদবা মীওইশিংনা নহারোলগী অফবা তুংলমচৎকী লম্বেলদা অপনবশিং ওইরি। শ্রী শাহনা হায়খি হিংসানা থবক পীবা ঙমলোই, চাউখৎ-থৌরাং অমসুং তঙাই ফদবা ইনফ্রাস্ত্রকচর শেমগৎনবগীদমক খুন্নাই অসিগী মেনস্ত্রীমদা চংবা মথৌ তাই। মহাক্না মখা তারদুনা হায়, লৈবাক অসিদগী লেফ ৱিং এক্সত্রিমিজমগী ৱাখল্লোন মুত্থৎপদা ত্রাইবেল নহারোলনা মরু ওইবা থৌদাং অমা লৌগদবনি। কেন্দ্রগী গৃহ মন্ত্রীনা হায়, অরানবা লম্বীদা চৎহনদবা নত্ত্রগা অরানবা তৌহনদবা হায়বা অসি ত্রাইবেল নহারোলগী থৌদাংনি।

শ্রী অমিত শাহনা হায়খি মদুদি ত্রাইবেল নহারোলনা লমদম অদুদা লৈহৌরিবা মীপুম খুদিংমক্তা ঙসি লৈবাক অসিনা লম খুদিংমক্তা খুমাং চাউশিল্লি অমসুং লম খুদিংমক্তা ত্রাইবেল নহারোলগীদমক খুদোংচাবশিং মরাং কাইনা লৈ হায়না পাউদমবীয়ু। মহাক্না হায় পোক্নফম হায়বা অসি মরু ওইদে, অদুবু মীওই অমনা পুন্সিদা তৌবা থবক অসি মরু ওই। লন, লৌশিং অমসুং ইকাই খুম্নবা হায়বা অসি কন্না হোৎনরবা খক্তদা ফংবা ঙমগনি হায়না মহাক্না ফোঙদোকখি।

প্রধান মন্ত্রী শ্রী নরেন্দ্র মোদীজীগী লুচিং মখাদা ভারত সরকারনা লেফ ৱিং এক্সত্রিমিজমগী মায়োক্তা 2014দগী হৌদুনা জিরো তোলরেন্সকী পোলিসী অমা পাইখৎখি। কেন্দ্রগী জিরো তোলরেন্স পোলিসীগী ফল ওইনা হৌখিবা দিকেদ 4দা 2022দা হিংসা অমসুং মীশি-মীনাগী চাং খ্বাইদগী হন্থহনা রেকোর্দ তৌখি। 2005 দগী 2014গী মতমগা 2014 অমসুং 2023গা চাংদম্নবদা লেফ ৱিং এক্সত্রিমিজমগা মরী লৈনবা হিংসাদা চাদা 52 হেন্না, মীশি-মীনাদা চাদা 69, সেক্যুরিতী ফোর্সশিংগী মীশি-মীনাদা চাদা 72 অমসুং মীচম শীবদা চাদা 68 হন্থহনবা ঙমখ্রে।

ভারত সরকারনা লেফ ৱিং এক্সত্রিমিজমনা শোকহল্লবা রাজ্যশিংদা চাউখৎ-থৌরাংগী খোঙজেল য়াংখৎহন্নবা খোঙথাং কয়ামরুম লৌখৎলি। লম্বী-থোং শেম্বা, তেলিকম্ম্যুনিকেসন, ফাইনান্সিএল ইনক্লুজন, স্কিল দিবেলপমেন্ত অমসুং এজুকেসনগুম্বা লমশিংদা অখন্নবা মীৎয়েং চংলি। কেন্দ্র সকরনা লেফ ৱিং এক্সত্রিমিজমনা শোকহল্লবা জিলাশিংদা চাউখৎ-থৌরাংগী খোঙজেল য়াংশিনহন্নবা স্পেসিএল সেন্ত্রেল এসিস্তেন্স (SCA) স্কিমগী মখাদা প্রোজেক্ত 14,000 হেন্না হৌদোকখ্রে, প্রোজেক্তশিং অসিগী 80% হেন্না লোইশিনবা ঙমখ্রে। স্কিম অসিগী মখাদা লেফ ৱিং এক্সত্রিমিজমনা শোকহল্লবা রাজ্যশিংদা লুপা করোর 3,296 কাইথখ্রে। স্পেসিএল ইনফ্রাস্ত্রকচর স্কিম (SIS)কী মখাদা লুপা করোর 992রোমগী প্রোজেক্তশিং লেফ ৱিং এক্সত্রিমিজমনা শোকহল্লবা রাজ্যশিংদা ফোর্তিফাইদ পুলিস স্তেসনশিং শানবা, স্তেৎ ইন্তেলিজেন্স ব্রাঞ্চশিং অমসুং স্পেসিএল ফোর্সশিং মপাঙ্গল কনখৎহন্নবা সেঙ্কসন তৌখ্রে। পি.এম. মোদীগী লুচিং মখাদা হৌখিবা চহি 9দা কেন্দ্র সরকারনা মমাংগী মতমগা চাংদম্নবদা সেক্যুরিতী রিলেতেদ এক্সপেন্দিচর (SRE) অসি শরুক অনি হেন্না হেনগৎহনখি।

2005 অমসুং 2014গা চাংদম্নবদা 2014 অমসুং 2023গী মনুংদা লেফ ৱিং এক্সত্রিমিজমগী হিংসাগী থৌদোকশিংদা চাউনা হন্থরকখিবগী দেতা য়েংমিন্নসি-

লেফ ৱিং এক্সত্রিমিজমগা মরী লৈনবা সেক্যুরিতীগী মাইপাকপশিং

গৃহ মন্ত্রালয়না হৌখিবা চহি 15দা ত্রাইবেল য়ুথ একচেঞ্জ প্রোগ্রাম (TYEP) পাঙথোক্তুনা লাকখি। প্রোগ্রাম অসি য়ুথ এফিয়র্স এন্দ স্পোর্তস মন্ত্রালয়গী মখাদা নেহরু য়ুব কেন্দ্র সঙ্গাথন (NYKS)কী খুত্থাংদা পাঙথোক্লি। প্রোগ্রাম অসিগী মখাদা লেফ ৱিং এক্সত্রিমিজমনা খ্বাইদগী শোকহল্লবা মনুং হঞ্জিনবা মফমশিংদগী ত্রাইবেল ফুরুপকী নহা ওইরিবা নুপা-নুপীশিংবু লৈবাক্কী অচৌবা সহর অমসুং মেত্রোশিংদা লম কোইবা পুরি। প্রোগ্রাম অসিগী মপুং ওইবা পান্দমদি:

1. লেফ ৱিং এক্সত্রিমিজমনা শোকহল্লবা মফমশিংদা লৈরিবা নহারোলগী অনীংবা অপাম্বা থৌগৎপা।
2. CPI মাৱিস্তশিংনা সরকারগী মায়োক্তা শন্দোকপা প্রোপেগন্দা থেংনবা।
3. ত্রাইবেলগী মফমশিংগী নহারোলদা চাউখৎ-থৌরাংগী থবক-থৌরমশিং অমসুং ইন্দস্ত্রীনা খুমাং চাউশিল্লবশিংগী মরমদা খঙহনবা অমসুং ভারতকী ইনাক খুল্লবা কলা-সংস্কৃতিগী মরমদা সেন্সিতাইজ তৌবা।
4. মফমশিং অসিদা দেমোক্রেতিক সিস্তেমদা থাজবা হেনগৎহনবা।
5. ত্রাইবেল ফুরুপকী নহারোলগী মরক্তা মরু ওইবা চাউখৎ-থৌরাং অমসুং য়াইফ থৌরাংগী স্কিমশিংগী মরমদা এৱের্নেস শন্দোকপা।
6. ত্রাইবেল ফুরুপকী নহারোল অমসুং লৈবাক্কী অতোপ্পা শরুকশিংদা লৈরিবা মখোয়গী পিয়র গ্রুপশিংগী মরক্তা ইমোস্নেল বোন্দিং লৈহনবা।

ত্রাইবেল য়ুথ একচেঞ্জ প্রোগ্রামদা ত্রাইবেল ফুরুপকী নহারোল 25,880না 2006-07 অমসুং 2022-23গী মনুংদা শরুক য়াখি। মসিগী মনুংদা 2006-07 অমসুং 2022-23দা হৌখিবা চহি 9দা নহা 20,700 অমসুং 2019-20 অমসুং 2022-23দা হোখিবা চহি 4দা নহা 10,200নস শরুক য়াখি। চহি অসিদা TYEPদা নহা নুপা-নুপী 5000না শরুক য়াখি। মমাংদা চহি খুদিংগী প্রোগ্রাম অসিদা পার্তিসিপেন্ত 2000না শরুক য়াখি মসি ওগস্ত 2019দগী 4000 হেনগৎলকপনি অমসুং 2022দা চহিদা 5000দা হেনগৎলকখি।

প্রোগ্রাম অসিদা কনস্তিত্যুস্নেল ওথোরিতীশিং, মকোক থংবা সরকারগী ওফিসিএলশিং, স্পোর্তস, ইন্দস্ত্রী, আর্তসকী মশক নাইবা মীওইশিংগা লোয়ননা নহারোলগা ৱারী-ৱাতাই শাখি। মসিগী মথক্তা ইন্দস্ত্রী এক্সপোজর ত্রিপশিং, আজাদী কা অমৃত মহোৎসবগী মখাদা এক্তিবিতীশিং, স্পীচ কম্পিতিসনশিং, স্কিল দিবেলপমেন্ত, কেরিয়র গাইদেন্স, স্পোর্তস ইভেন্তশিংগী এক্সপোজর, সেক্যুরিতী ফোর্সশিংগী কেম্পশিংদা বিজিৎশিং, অমসুং কলচরেল প্রোগ্রামশিংসু পাঙথোকখি। মখা তানা নহারোলশিংনা মখোয়গী পোক্নফমদা হনখিবা মফম অদুদা লৈরিবা নহারোলশিংদা মখোয়গী এক্সপরিয়েন্স শিয়র তৌরগনি।

TYEPগী মখাদা চহি অসিদা নহারোলনা গ্রুপ 25দা লৈবাক শিনবা থুংবদা লৈরিবা অচৌবা সহরশিং অমসুং মেত্রোশিংদা তুর চৎলি। গ্রুপ অমমমদা লেফ ৱিং এক্সত্রিমিজমনা খ্বাইদগী শোকহল্লবা মনুং হঞ্জিনবা মফমডিংদগী নহা নুপা-নুপী 200 য়াওগনি।

গ্রুপশিং অসিনা চহি অসিদা লৈবাক্কী কোনুং নই দিল্লীদা চৎলি। অহানবা গ্রুপনা দিল্লীদা ওক্তোবর 15-21 ফাওবা চৎলি অমসুং ছত্তিসগরদগী বিজাপুর, সুকমা, বাস্তর, দন্তেৱাদা, কানকের, নারায়নপুর অমসুং রাজনন্দগাওদগী পার্তিসিপেন্ত 140 অমসুং মধ্য প্রদেশকী বালাঘাত্তগী পার্তিসিপেন্ত 60না শরুক য়াখি।

*****