এক ভারত, শ্রেস্থ ভারত (EBSB)কী মখাদা লৈবা য়ুবা শঙ্গমগী ফেজ-IIIগী ওনলাইন রেজিস্ত্রেসন ঙসিদগী হৌদোকখ্রে। য়ুবা শঙ্গম হায়বসি ভারতকী তোঙান-তোঙানবা রাজ্য/য়ুনিয়ন তেরিতোরীশিংগী নহাশিংগী মরক্তা নক্নবা মরী শেমগৎনবগীদমক্তা ভারত সরকারনা হৌদোকপা খোঙথাং অমনি। মসিগী মনুং চঞ্জনিংবা চহি 18-30গী মরক্তা লৈবা মীওইশিং, মরু ওইনা, মহৈরোই, NSS/NYKS ভলন্তিয়র, থবক তৌবা/মশানা থবক পীজবা মীওইশিংনা য়ুব শঙ্গম পোর্তেলদা চঙদুনা লাক্কদৌরিবা ফেজশিংগীদমক্তা রেজিস্তর তৌবা য়াগনি।

অকুপ্পা ৱারোল খুদিংমক https://ebsb.aicte-india.org/ তগী লৌবা য়াগনি।

তোঙান-তোঙানবা মফমশিংগী মীয়ামগী মরক্তা তুং কোইনা চৎকদবা অমসুং মওং-মরিল চুম্না মরী লৈনবগী ৱাখল্লোন অসি প্রধান মন্ত্রী, শ্রী নরেন্দ্র মোদীনা সর্দার বল্লবভাই পতেলগী মপোক কুমওন পাংথোক্নবগীদমক্তা ওক্তোবর 31, 2023দা পাংথোকপা রাস্ত্রিয় এক্তা দিবস্তা লাকখিবনি। ৱাখল্লোন অসিবু মঙফাওনহন্নবগীদমক্তা, ওক্তোবর 31, 2016দা EBSB হৌদোকখি।

EBSBগী মখাদা পায়খৎলিবা য়ুবা শঙ্গম্না নেস্নেল এজুকেসন পোলিসী 2020দগী ইথিল লৌবনি অমসুং এক্সপেরিমেন্ত তৌদুনা মহৈ তম্বা অমসুং ফর্স্ত-হেন্দ বেসিস্তা ভারতকী মশিং য়াম্লবা দাইবর্সিতীগী লৌশিং শাগোন্নবদা অহেনবা মিৎয়েং চঙই। মসিদি মতম পুম্বদা চত্থদুনা লৈবা কলচরেল এক্সচেঞ্জ অমনি অমসুং মসিনা দাইবর্সিতীদা ময়োল ওইবা মিৎয়েং থমদুনা মসিদা শরুক য়ারিবা মীওইশিংদা পুন্সিগী তোঙানবা থেংখাং, মহৌশানা শেম্বা লম্মিত-তুম্মিত, চাউখৎপগী মশক নাইবা খুদম, ইকুই কুইদনা ফংখিবা মায় পাকপা, অমসুং য়ুম্বু ওইরিবা রাজ্যদা নহাশিংগা লৈনরিবা মরীশিংবু ইমর্সিব ওইনা খঙহল্লি। য়ুবা শঙ্গমগী ফেজ IIIগীদমক্তা ভারত শিনবা থুংবগী মশক নাইবা ইন্সতিত্যুসন কুন মশক খঙদোকখ্রে। য়ুবা শঙ্গমগী ফেজ-III মনুংদা, হাইয়র এজুকেস্নেল ইন্সতিত্যুসন 20দগী শরুক য়ারকপশিংনা রাজ্য অমসুং UT 22দা চৎকনি।

য়ুবা শঙ্গম হায়বসিদি ওন-কেম্পস অমসুং ওফ-কেম্পস মহৈরোইশিং য়াওনা নহাশিংগীদমক্তা রাজ্য অমদগী রাজ্য অমদা চৎপগী এক্সপোজর তুর শিনবদা মিৎয়েং থম্বা ভারত সরকারগী খোঙথাং অমনি। মখোয়গী মফমদা পাক চাউরবা হীরম মঙাগী মনুং চনবা মলতি-দাইমেন্স এক্সপোজর পীগনি, অমসুং হায়রিবা হীরম মঙা অসিদি পর্য়তন (তুরিজম), পরম্পরা (চৎনবী), প্রগতী (চাউখৎ থৌরাং), পারস্পর সম্পর্ক (মীওই মশেলগী মরী) অমসুং প্রদ্যোগিকী (তেক্নোলোজী)নি। তোঙান-তোঙানবা রাজ্যশিংগী নহাশিংনা অতোপ্পা রাজ্যশিংদা নুমিৎ 5-7গী খোঙচৎ চৎকনি, মসিদা মখোয়না চৎলিবা রাজ্যশিংগী তোঙান-তোঙানবা থবক থৌরমশিংগী ইমর্সিব এক্সপেরিএন্স ফংগনি অমসুং মফমদুগী নহাশিংগা ৱারি ৱাতাই শাবগী খুদোংচাবসু ফংগনি।

EBSBদা শরুক য়ারিবা মন্ত্রালয়শিংগী মনুংদা মশাগী পান্দমশিং ফংনবা থবক পায়খৎপদা ময়েক শেংবা থৌদাং য়ারিবা এজুকেসন, হোম এফিয়র্স, কলচর, তুরিজম, য়ুথ এফিয়র্স অমসুং স্পোর্ত অমসুং রেলৱেজ মন্ত্রালয় য়াওরি। এজুকেসন মন্ত্রালয়না নহাশিং খনবা অমসুং হাইয়র এজুকেসন ইন্সতিত্যুসনশিংগী খুত্থাংদগী তুর শিনবগী থৌদাং পায়রি।

য়ুবা শঙ্গম অসি কাশি তমিল শঙ্গমম (KTS)গী মোদেলদা য়ুম্ফম ওইদুনা পুম্নমক্না অমত্তা ওইনা তেংবাংনদুনা শিন-লাঙবনি অমসুং ভারতকী মফম খুদিংদগী মসিবু শৌগৎনরক্লি, অমসুং মসিদা শরুক য়ানরক্লি। EBSBগী মখাদা পাংথোকখিবা পাইলোত তুর য়াওনা য়ুবা শঙ্গমগী তোঙান-তোঙানবা ফেজশিংদা পাংথোকখিবা তুর 73দা ভারত শিনবা থুংবদগী মীওই 3,240না শরুক য়ারকখি। মসিনা লৈবাক্কী মহাশিংগী মফমদা ভলন্তিয়র তৌনিংবগী ইথিল লৈহল্লি। মসিদা য়ুবা শঙ্গমগী দেলিগেতশিংনা জুলাই 2023দা পাংথোকখিবা NEPগী নুংঙাইবা ফোংদোকপা অমসুং অখিল ভারতিয় শিক্ষা সামগম, নিংতম্বগী অমৃত মহোতসবকীদমক্তা হরাও-নুংঙাইবা ফোংদোকখিবশিং, মেরি মাতী মেরা দেশ কেম্পেন অমসুং লৈবাক শেমগৎ শাগৎপগী থবক থৌরম কয়াদা থৱাই য়াওনা ভলন্তিয়র তৌনরকখি।

***