ফুদ প্রোসেসিং ইন্দস্ত্রীজ মন্ত্রালয়
ফুদ প্রোসেসিং সেক্তর য়াওনা শেন থাদবা য়াবা খুদোংচাবা কয়া লৈদুনা ভারতনা য়াংনা চাউখৎলক্লিবা ইকোনোমিশিংগী মনুংদা অমনি হায়না শ্রী প্রাহলাদ সিংহ পতেলনা ফোঙদোকখ্রে
ৱার্ল্দ ফুদ ইন্দিয়া অসি মালেমগী মরী লৈনবশিংগী মমাঙদা সেক্তর অসিগী খুদোংচাবশিং উৎথোক্নবা থবক অমনি: শ্রী পতেল
নিউ দিল্লিদা নবেম্বর ৩দগী নবেম্বর ৫ ফাওবদা ৱার্ল্দ ফুদ ইন্দিয়া ২০২৩গী অনিশুবা ইদিসন পাংথোক্কনি
গিনেস রিকোর্দ অমা থম্নবা ফিত ১০০ হেন্না শাংবা মালেমদা খ্বাইদগী শাংবা মিল্লেত দোসা শানবা চেফ ৬০দগী ৮০ ফাওবনা পুন্না থবক তৌগনি
Posted On:
18 OCT 2023 12:24PM by PIB Imphal
ফুদ প্রোসেসিং ইন্দস্ত্রিজ অমসুং জল শক্তিগী রাজ্য মন্ত্রী শ্রী প্রাহলাদ সিংহ পতেলনা হায়খ্রে ফুদ প্রোসেসিং সেক্তর য়াওনা শেন থাদবা য়াবা খুদোংচাবা কয়া লৈদুনা ভারতনা য়াংনা চাউখৎলক্লিবা ইকোনোমিশিংগী মনুংদা অমনি। ঙসি নিউ দিল্লিদা ৱার্ল্দ ফুদ ইন্দিয়া ২০২৩গী অনিশুবা ইদিসনগী মতাংদা মেদিয়াদা ৱা ঙাংবদা মহাক্না হায়খি ৱার্ল্দ ফুদ ইন্দিয়া অসি মালেমগী মরী লৈনবশিংগী মমাঙদা সেক্তর অসিগী খুদোংচাবশিং উৎথোক্নবা থবক অমনি। থৌরম অসিদা কেন্দ্রগী মিনিস্ত্রি/দিপার্তমেন্ত ১১ অমসুং মখোয়গা লোয়নরিবা ওতোনোমস বোদিশিং শরুক য়াদুনা সরকারনা পুন্না থবক তৌমিন্নবগী খুদম অমা ওইগনি।
শ্রী পতেলনা হায়খি থৌরম অসিদা লৈবাক ১৬ অমসুং রাজ্য/য়ু.তি ২৩গী একজিবিতরশিং শরুক য়াগনি অমসুং থৌরমগী অতৈ নুমিৎশিংদা অহেনবা মরী লৈনবশিং শরুক য়াগনি।
মিনিস্তরনা মখা তানা হায়খি মপান লৈবাকশিংগী মিনিস্ত্ররিয়েল অমসুং ওফিসিএল দেলিগেসন ১০ হেন্না থৌরম অসিদা শরুক য়াগনি। থৌরম অসিগী শরুক অমা ওইনা বয়র সেল্লর মিত অমসু পাংথোক্কনি অমসুং মসিদা লৈবাক ৭৫ হেনবগী বয়র ১০০০ হেন্না শরুক য়ারবা য়ারি। থৌরম অসিদা একজিবিতর ৯০০ হেন্না শরুক য়ারবা য়ারি।
ফুদ প্রোসেসিং ইন্দস্ত্রি মিনিস্ত্রিগী এদিসনেল সেক্রেতরি শ্রী মিনহাজ অলাম্না হায়খি প্রগাতি মৈদান অমসুং ভারত মন্দপামগী অহাংবা মফমশিংদা তোঙান-তোঙানবা থৌরমশিং পাংথোকপগী মথক্তা হোল নম্বর ১,২,৩,৪,৫,৬ অমসুং ১৪দা একজিবিসন পাংথোকখ্রে। থৌরম মফমদা একজিবিসনশিং, B2B, B2G অমসুং G2G মীফমশিং পাংথোক্কনি।
নিউ দিল্লিদা প্রগাতি মৈদান্দা নবেম্বর ৩-নবেম্বর ৫,২০২৩ ফাওবদা ফুদ প্রোসেসিং ইন্দস্ত্রিনা শীন্দুনা ২শুবা মালেমগী অচৌবা চীঞ্জাক্কী থৌরম ৱার্ল্দ ফুদ ইন্দিয়া ২০২৩ পাংথোক্কনি। থৌরম অসি নবেম্বর ৩,২০২৩ দা ভারত মন্দপামদা প্রধান মন্ত্রী শ্রী নরেন্দ্র মোদীনা হৌদোক্কনি। নবেম্বর ৫,২০২৩দা থৌরম লোইশিনবদা রাস্ত্রপতি শ্রীমতি দ্রৌপতি মুর্মু ৱা ঙাংগনি। ৱার্ল্দ ফুদ ইন্দিয়াগী ইদিসন অসিদা নেদরলেন্দনা পার্তনর কন্ত্রি ওইগনি অমসুং জপান অমসুং ভিয়েতনামনা ফোকস কন্ত্রি ওইগনি।
মমিং লৈরবা চেফ রনবির ব্রারনা লমজিংবা এক্সপেরিমেন্তেল ফুদ স্ত্রিৎনা চীঞ্জাক পামজবশিং অমসুং ইন্দস্ত্রিগী প্রোফেসনেলশিংগী পুক্নিং চিংশিনগনি। জোন অহুম থোক্না খায়দোক্তুনা শ্রী অন্ন নত্ত্রগা মিল্লেতশিংগী চীঞ্জাকশিং উৎকনি, লৈবাক্কী মফম কয়াগী লমদম-লমদমশিংগী মথেলশিং উৎকনি, ভারতকী লম্বী মতাইগী অচা-অথকশিং অমসুং নিংথৌকোলগী মথেলশিং উৎকনি।
গিনেস রিকোর্দ অমা থম্নবা ফিত ১০০ হেন্না শাংবা মালেমদা খ্বাইদগী শাংবা মিল্লেত দোসা শানবা চেফ ৬০দগী ৮০ ফাওবনা পুন্না থবক তৌগনি।
ইন্তরনেসনেল ইয়র ওফ মিল্লেতস ২০২৩ পাংথোকপা ওইনা, মিল্লেত বেভেরেজশিংগী ত্রেত্রা-পেক কন্তেন্নর ৫০,০০০ খিনগনি অমসুং লায়রবা অঙাংশিংদা য়েন্থোক্কনি। নুমিৎ হুম্নিগী থৌরম অসিদা মীওই ৭৫,০০০ হেন্না য়েংবা লাক্কনি হায়না পানরি অমসুং জগোয় অমসুং ঈশৈ য়াওনা নাৎকী থৌরমশিং পাংথোক্কনি। ৱার্ল্দ ফুদ ইন্দিয়া ২০২৩ মাইপাকপা অসিনা মালেম শীনবা থুংনা পাংথোক্নরিবা অসিগুম্বা মালেমগী অচৌবা চীঞ্জাক্কী থৌরম অমা লৈবাক অসিদা পাংথোকপা ঙমহনগনি।
****
(Release ID: 1968723)
Visitor Counter : 95