শুপ্নগী স্ক্রেপ দিস্পোস তৌবা খক্তনা হৌজিক চত্থরিবা স্বচ্ছরা স্পেসিএল কেম্পেন 3.0গী অহানবা চয়োল অনিদা সরকারনা লুপা করোর 117 হেনবগী চাউরবা রিভেন্যু ফংবা ঙমখ্রে হায়না সাইন্স অমসুং তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), MoS PMO, পর্সনেল, পব্লিক গ্রীভান্সেস, পেসন্স, এতোমিক ইনর্জী অমসুং স্পেস, দা. জিতেন্দ্র সিংহনা কেম্পেন অসিগী অহানবা চয়োল অনি লোইরকপদা মসিগী খোঙজেল হন্না য়েংশিল্লবা মতুংদা ফোঙদোকখ্রে।

মসিগী মথক্তা মসিনা ওফিসকী স্পেস স্ক্বার ফীত লাখ 32.54 চাউবা মফম শেংদোকখ্রে অমসুং অমোৎপা শেংদোক্লবা মতুংদা হাংহনবা ঙমখ্রে হায়না মন্ত্রীনা ফোঙদোকখ্রে।

দা. জিতেন্দ্র সিংহনা ঙসি নই দিল্লীদা স্পেসিএল কেম্পেন 3.0গী চয়োল 2গী থবক্কী খোঙজেল য়েংশিনবদা নোদেল এজেন্সী ওইরিবা দিপার্তমেন্ত ওফ এদমিনিস্ত্রেতিব রিফোর্মস এন্স পব্লিক গ্রীভান্সেস (DARPG)বু থাগৎখ্রে। মহাক্না লৈবাক শিনবা থুংবদা লৈরিবা সরকারগী লোইশঙ পুম্নমক্তা পাইখৎলিবা কেম্পেন মনুংদা ওক্তোবর 2-14, 2023গী মতম অসিদা পেন্দেন্সী হন্থহনবা অমসুং স্বচ্ছতা ইন্সতিত্যুস্নেলাইজ তৌখিববু থাগৎখ্রে।

দা. জিতেন্দ্র সিংহনা হায়খি, মন্ত্রালয়শিং/বিভাগশিং অমসুং মখোয়গী ফিল্দ/আউৎস্তেসন ওফিসশিংদা চাউনা শরুক য়াবা শরুক উবা ফংখি। মহাক্না কেম্পেন অসিনা পব্লিক ইন্তরফেসকা লোয়ননা ওফিসশসিং কবর তৌনবা মীৎয়েং থমখি হায়না নৌহৌননা ফোঙদোকখ্রে। মহাক্না লৈবাক্কী শরুক পুম্বদা লৈরিবা আউৎস্তেসন ওফিসশিং/দিফেন্স এস্তাব্লিশমেন্তশিং অমসুং PSU পুম্নমক কবর তৌনবা কেম্পেন অসি ইমপ্লিমেন্তেসন তৌবদা সেচুরেসন এপ্রোচ পাইখৎনবা মন্ত্রালয়শিং/বিভাগশিংদা খঙহনখ্রে।

স্পেসিএল কেম্পেন 3.0গী অনিশুবা চয়োল অসি সাইজ অমসুং স্কেলদা হোলিস্তিক ওইখি অমসুং লৈবাক শিনবা থুংবদা লৈরিবা ওফিসশিংদগী পাকশন্না শরুক য়াবা উবা ফংখি। মফম লাখ 1.47 হেন্না কবর তৌখি অমসুং লম স্ক্বার ফীত লাখ 32.54 হাংহনবা ঙমখি। ওফিসিএল অমসুং প্রজা লিশিং কয়াগী খোঙথাংনা সরকারগী ওফিসশসিংদা স্বচ্ছতা অসি অচৌবা ইহৌ অমা ওইহনখি।

স্পেসিএল কেম্পেন 3.0 অসি ভারত সরকারগী মন্ত্রী-মন্দলগী মন্ত্রীশিং, রাজ্যগী মন্ত্রীশিং অমসুং সেক্রেতরীশিংনা হন্না য়েংশিন্দুনা ইমপ্লিমেন্তেসন অসিদা লমজিং-লমতাকখি।

মুম্বাইদা লৈবা কেন্দ্র সরকারগী ওফিসশিং – ৱেস্তর্ন নেবেল কম্মান্দ HQ, তেক্সতাইল কম্মিসনর ওফিস, এদিস্নেল DGFT ওফিস, GPO মুম্বাই, CSMT মুম্বাই রেলৱে স্তেসনদা DARPGগী সেক্রেতরী, শ্রী ভি শ্রীনিবাসনা ওক্তোবর 12, 2023দা ফিল্দ বিজিৎশিং চৎখি।

স্পেসিএল কেম্পেন 3.0গী খোঙজেল অসি নুমিৎ খুদিংগী দেদিকেতেদ পোর্তেল (https://scdpm.nic.in/) অমদা মোনিতর তৌখি। কেম্পেন অসিগী খোঙজেল য়েংশিন্নবা নোদেল ওফিসরশিংগা লোয়ননা DARPGগী সেক্রেতরীগী লুচিং মখাদা চাং নাইনা য়েংশিন মীফমশিং পাঙথোকখি। স্পেসিএল কেম্পেন 3.0 অসি মন্ত্রালয়শিং/বিভাগশিংনা ত্বিত 6,000, DARPGগী হেন্দলনা ত্বিত 450, #SpecialCampaign3.0 য়াওবা ইনফোগ্রাফিক্স 450 অমসুং প্রেস রিলিজ 150 হেন্না সোসিএল মেদিয়াদা পোস্ত তৌখি।

স্পেসিএল কেম্পেন 3.0গী 2শুবা চয়োল ফাওবদা ওক্তোবর 2-14, 2023দা মখাদা পীরিবা অসি য়ৌবা ঙমখি: স্বচ্ছতা কেম্পেন সাইৎ - 1,47,757; মেনেজেমেন্ত ফাইলশিং রিভ্যু তৌখিবগী রেকোর্দশিং (ফিজিকেল ফাইলশিং + ই-ফাইলশিং) 17,92,630; হাংহনখিবা স্পেস (লাখ স্ক্বার ফীত) 32.54; তানখিবা রিভেন্যু (লুপা করোরদা) 117.33।

স্পেসিএল কেম্পেন 3.0গী অনিশুবা চয়োলদা পাইখৎখিবা খ্বাইদগী ফবা প্রেক্তিসশিং অদুদি: দিপার্তমেন্ত ওফ পোস্ত: বেঙ্গলুরু পোস্ত ওফিস্তা ৱাল আর্ত; কলচর মন্ত্রালয়: ছত্তিসগরগী জগদলপুরদা ত্রী হাউস; তেলিকম্ম্যুনিকেসন্স বিভাগ: ইন্দিপেন্দেন্ত পব্লিক গ্রীভান্স দেশবোর্দ; লেন্দ রিসোর্সেস বিভাগ: হেল্থ অমসুং ৱেলনেসকী মতাংদা লেকচরশিং।

কেম্পেনগী অহানবা চয়োল অনিগী মনুংদা পব্লিক গ্রীভান্সেস অমসুং অপীল 2,12,459 রিদ্রেস তৌখি অমরোমদা MPশিংগী রিফরেন্স 1,403গী পাউখুমসু পীখি।

দা, জিতেন্দ্র সিংহনা স্পেসিএল কেম্পেন অসি পাইখৎতুনা চহি কয়া পন্দুনা লৈরম্বা অদু হন্থহনখিবদা থাগৎপা ফোঙদোকখ্রে অমসুং ওফিসিএল পুম্নমক্তা চয়োল 3গী অরোইবদা 75%গী তার্গেৎ ফংবা ঙম্নবা মোমেন্তম অসি মখা চত্থনবা হায়খ্রে। স্পেসিএল কেম্পেন 3.0 অসি ওক্তোবর 31, 2023দা লোইশিনগনি লোয়ননা নবেম্বরগী 1শুবা চয়োলদা ইভাল্যুএসন ফেস হৌগনি।

*****