కేంద్ర పర్యాటక మంత్రిత్వశాఖ, తమ మంత్రిత్వశాఖ  పరిధిలో  ప్రత్యేక  స్వచ్ఛతా ప్రచార కార్యక్రమం 3.0 ను ప్రారంభించింది. దీనిని పర్యాటక మంత్రిత్వశాఖ, పర్యాటక విభాగం దేశీయ కార్యాలయాలు, ఇన్ స్టిట్యూట్ ఆఫ్ హోటల్ మేనేజ్ మెంట్ వంటి వాటిలో  ఈ ప్రత్యేక ప్రచార కార్యక్రమాన్ని చేపడుతున్నారు.ఈ ప్రత్యేక ప్రచార కార్యక్రమం 3.0కు ముందస్తు ప్రచార ఏర్పాట్లు 2023 సెప్టెంబర్ 15నుంచి  ప్రారంభమయ్యాయి. ఇందుకు సంబంధించి  వివిధ  కార్యకలాపాల లక్ష్యాలను గుర్తించారు.

ప్రధాన ప్రచార కార్యక్రమం 2023 అక్టోబర్ 2 న ప్రారంభమైంది. ఇది 31 అక్టోబర్ 2023 వరకు కొనసాగుతుంది.  ఈ ప్రచార కార్యక్రమం ప్రధానంగా ప్రజా ఫిర్యాదులు పరిష్కారం, పార్లమెంటు సభ్యులు పరిశీలనకు  పంపిన అంశాలు, వివిధ ప్రాంగణాలలో పరిశుభ్రతా కార్యక్రమాలు, పాత ఫైళ్ల  తొలగింపు వంటి అంశాలు ఉన్నాయి.

ప్రత్యేక ప్రచార  కార్యక్రమానికి సంబంధించి గుర్తించిన అన్ని లక్ష్యాలను కేంద్రపర్యాటక మంత్రిత్వశాఖ ఈ ప్రచార సమయంలో పూర్తి  చేయనుంది. ఈ ప్రచార పురోగతిని ఎప్పటికప్పుడు అధికారులు పర్యవేక్షిస్తారు. ఇందుకు సంబంధించిన అప్ డేట్లను  ఎస్.సి.పి.డి.ఎం పోర్టల్  లో అప్ లోడ్ చేస్తారు. ఈ పోర్టల్ ను పరిపాలనా సంస్కరణలు,    ప్రజా ఫిర్యాదుల విభాగం హోస్ట్ చేస్తోంది. పర్యాటక మంత్రిత్వశాఖకు చెందిన అన్ని స్వతంత్ర సంస్థలు, సబార్డినేట్ కార్యాలయాలు, ఉత్సాహంగా ఈ పరిశుభ్రతా ప్రచార  కార్యక్రమంలో పాల్గొని పెండింగ్ సమస్యలు లేకుండా చూస్తున్నాయి.

ఐహెచ్ఎంలు, యువ టూరిజం క్లబ్  లు , పర్యాటక రంగానికి సంబంధించిన స్టేక్ హోల్డర్లు ఈ పరిశుభ్రతా ప్రచార కార్యక్రమంలో పాల్గొంటున్నారు. వీరు తమ కార్యాలయాలు, ఇన్ స్టిట్యూట్ ప్రాంగణంలోనే కాక,ప్రజలు, పర్యాటకులు సందర్శించే వివిధ ప్రాంగణాలను పరిశుభ్రంగా  ఉంచేందుకు చర్యలు  తీసుకుంటూ దీనిని విజయవంతం చేస్తున్నారు.ఈ పరిశుభ్రతా కార్యక్రమాలకు సామాజిక మాధ్యమ వేదికలపై విస్త్రుత ప్రచారం సాగిస్తున్నారు.

***