وزارت سیاحت  وزارت ، ہندوستانی سیاحت کے گھریلو دفاتر، ہوٹل منیجمنٹ کے ادارہ وغیرہ کے اندر  خصوصی مہم 3.0 چلا رہی ہے۔ خصوصی مہم 3.0 کی تیاری کا مرحلہ 15 ستمبر 2023 کو شروع ہوا تھا، جس کے تحت اس مہم کی مختلف سرگرمیوں کے اہداف کی نشاندہی کی جانی تھی۔ اصل مہم کی شروعات 2 اکتوبر 2023 کو ہوئی جو کہ 31 اکتوبر 2023 تک جاری رہے گی۔  اس مہم کے بنیادی فوکس میں عوامی شکایات، ممبران پارلیمنٹ کے حوالہ جات کا نپٹارہ، صفائی کی مہم اور فائلوں وغیرہ کو نمٹانے کا کام شامل ہے۔

تمام اہداف کی نشاندہی کی جاچکی ہے اور وزارت سیاحت کی اس مہم کی مدت کے دوران ان اہداف کو حاصل کرنے کی کوششیں کی جارہی ہیں۔ مہم کی پیش رفت کی نگرانی کی جارہی ہے اور تازہ ترین صورت حال کو انتظامی اصلاحات اور عوامی شکایات کے محکمہ کے ذریعہ چلائے جارہے ایس سی پی ڈی ایم پورٹل پر اپ لوڈ کیا جارہا ہے۔ تمام خود مختار ادارے / ذیلی دفاتر ، زیر التوا معاملوں کو نمٹانے اور صفائی مہم میں بڑھ چڑھ کر حصہ لے رہے ہیں۔

آئی ایچ ایم کے طلبا، یووا ٹورزم کلب اور سیاحتی شعبے سے منسلک تمام متعلقین صفائی مہم میں شامل ہوکر نہ صرف دفتر اور ادارے کے احاطے کے اندر بلکہ سیاحتی مقامات پر صفائی کو یقینی بنانے کے کام میں مصروف ہیں اور عوام کے ساتھ مل کر اسے کامیاب بنانے کی پوری کوشش کررہے ہیں۔ عوام کے درمیان خصوصی مہم 3.0 کے بارے میں بیداری پیدا کرنے کے لئے سوشل میڈیا پر بھی صفائی کی مہم کو نمایاں کیا جارہا ہے۔

۔۔۔۔۔۔۔۔۔۔۔

ش ح۔ق ت۔ ن ا۔

U-10908