"2022-23 ರ ತಾತ್ಕಾಲಿಕ ಕಲ್ಲಿದ್ದಲು ಅಂಕಿಅಂಶಗಳು" ಅಂಕಿಅಂಶಗಳ ಪ್ರಕಟಣೆಯನ್ನು ಕೇಂದ್ರ ಕಲ್ಲಿದ್ದಲು ಸಚಿವಾಲಯದ ಕಾರ್ಯದರ್ಶಿ ಶ್ರೀ ಅಮೃತ್ ಲಾಲ್ ಮೀನಾ ಅವರು ಇಂದು ಬಿಡುಗಡೆ ಮಾಡಿದರು. ಹೆಚ್ಚುವರಿ ಕಾರ್ಯದರ್ಶಿ ಶ್ರೀ ಎಂ. ನಾಗರಾಜು, ಹೆಚ್ಚುವರಿ ಕಾರ್ಯದರ್ಶಿ ಶ್ರೀಮತಿ ವಿಸ್ಮಿತಾ ತೇಜ್, ಡಿ.ಡಿ.ಜಿ. ಶ್ರೀಮತಿ ಸಂತೋಷ್ ಮತ್ತು ಸಚಿವಾಲಯದ ಇತರ ಹಿರಿಯ ಅಧಿಕಾರಿಗಳು ಬಿಡುಗಡೆ ಸಮಾರಂಭದಲ್ಲಿ ಉಪಸ್ಥಿತರಿದ್ದರು. ಸಂಶೋಧಕರು, ನೀತಿ ನಿರೂಪಕರು ಮತ್ತು ವಿವಿಧ ಪಾಲುದಾರರ ಅಂಕಿಅಂಶ(ಡೇಟಾ)-ಸಂಬಂಧಿತ ಅಗತ್ಯತೆಗಳನ್ನು ಪೂರೈಸಲು ಕಲ್ಲಿದ್ದಲು ನಿಯಂತ್ರಕ ಸಂಸ್ಥೆ (ಸಿಸಿಒ) ಈ ವಾರ್ಷಿಕ ಪ್ರಕಟಣೆಯನ್ನು ನಿಖರವಾಗಿ ಬಿಡುಗಡೆ ಮಾಡುತ್ತದೆ.

ಕಲ್ಲಿದ್ದಲು ನಮ್ಮ ದೇಶದ ಆರ್ಥಿಕತೆಯ ಅನಿವಾರ್ಯ ಮತ್ತು ನಿರ್ಣಾಯಕ ಸ್ತಂಭವಾಗಿ ಉಳಿದಿದೆ. ಇದು ದೇಶದ ಬೆಳವಣಿಗೆ ಮತ್ತು ಅಭಿವೃದ್ಧಿಯನ್ನು ಪ್ರೇರೇಪಿಸುವ ಶಕ್ತಿಯಾಗಿ ಕಾರ್ಯನಿರ್ವಹಿಸುತ್ತದೆ. ಭಾರತದಲ್ಲಿ ವಾಣಿಜ್ಯ ಶಕ್ತಿಯ ಪ್ರಾಥಮಿಕ ಮೂಲವಾಗಿ, ಕಲ್ಲಿದ್ದಲು ನಮ್ಮ ಶಕ್ತಿಯ ಬಳಕೆಯ ಅರ್ಧದಷ್ಟು ಭಾಗವನ್ನು ಹೊಂದಿದೆ. ಇತರ ನವೀಕರಿಸಬಹುದಾದ ಇಂಧನ ಮೂಲಗಳಿಗೆ ಹೋಲಿಸಿದರೆ ಕಲ್ಲಿದ್ದಲ್ಲಿನ ವಿಶ್ವಾಸಾರ್ಹತೆಯಿಂದಾಗಿ ವಿದ್ಯುತ್ ಉತ್ಪಾದನೆಗೆ ಪ್ರಬಲ ಇಂಧನವಾಗಿ ನಮ್ಮಲ್ಲಿ ಇದು ಹೇರಳ ಬಳಕೆಯಲ್ಲಿದೆ. ಕಲ್ಲಿದ್ದಲು ಮತ್ತು ಲಿಗ್ನೈಟ್‌ಗೆ ಸಂಬಂಧಿಸಿದ ನಿಖರವಾದ ಮತ್ತು ಉತ್ತಮ-ಗುಣಮಟ್ಟದ ಅಂಕಿಅಂಶಗಳ ಲಭ್ಯತೆಯು ಪರಿಣಾಮಕಾರಿ ದತ್ತಾಂಶ ವಿಶ್ಲೇಷಣೆ ಮತ್ತು ತಿಳುವಳಿಕೆಯುಳ್ಳ ನಿರ್ಧಾರ ತೆಗೆದುಕೊಳ್ಳಲು ಈ "ತಾತ್ಕಾಲಿಕ ಕಲ್ಲಿದ್ದಲು ಅಂಕಿಅಂಶಗಳು 2022-23" ಅತ್ಯಂತ ಮಹತ್ವದ್ದಾಗಿದೆ. 2022-23 ವರ್ಷಕ್ಕೆ ಕಲ್ಲಿದ್ದಲು ಮತ್ತು ಲಿಗ್ನೈಟ್ ವಲಯಕ್ಕೆ ಸಂಬಂಧಿಸಿದ ಪ್ರಮುಖ ಡೇಟಾಗಳ ಸಂಪೂರ್ಣ ಮಾಹಿತಿ ನೀಡುವ  ಏಕಗವಾಕ್ಷ ವೇದಿಕೆಯಾಗಿ ಈ "ತಾತ್ಕಾಲಿಕ ಕಲ್ಲಿದ್ದಲು ಅಂಕಿಅಂಶಗಳು 2022-23" ಕಾರ್ಯನಿರ್ವಹಿಸುತ್ತದೆ.  

ಕಲ್ಲಿದ್ದಲು ನಿಕ್ಷೇಪಗಳು, ಉತ್ಪಾದನೆ, ಕಲ್ಲಿದ್ದಲು ಉತ್ಪಾದನೆ ಮತ್ತು ಉತ್ಪಾದಕತೆ, ಪಿಟ್-ಹೆಡ್ ಕ್ಲೋಸಿಂಗ್ ಸ್ಟಾಕ್, ಕ್ಯಾಪ್ಟಿವ್ ಬ್ಲಾಕ್‌ಗಳು ಮತ್ತು ವಾಣಿಜ್ಯ ಬ್ಲಾಕ್‌ಗಳ ಕಾರ್ಯಕ್ಷಮತೆ, ರವಾನೆಗಳು, ಆಮದು, ರಫ್ತು, ಕಲ್ಲಿದ್ದಲು ತೊಳೆಯುವ ಯಂತ್ರಗಳು ಸೇರಿದಂತೆ, ರಾಯಲ್ಟಿ, ಹಾಗೂ ಡಿ.ಎಂ.ಎಫ್. ಎನ್.ಎಂ.ಇ.ಟಿ. ಇತ್ಯಾದಿ ವಿವಿಧ ಅಂಶಗಳ ಕುರಿತು ಸಮಗ್ರ ಮತ್ತು ವಿವರವಾದ ಮಾಹಿತಿಯನ್ನು ಈ “ತಾತ್ಕಾಲಿಕ ಕಲ್ಲಿದ್ದಲು ಅಂಕಿಅಂಶಗಳು 2022-23” ಒದಗಿಸುತ್ತದೆ. ಇದು ಕಲ್ಲಿದ್ದಲು ಮತ್ತು ಲಿಗ್ನೈಟ್ ವಲಯದ ವೈವಿಧ್ಯಮಯ ಚೌಕಟ್ಟಿನ ಅಮೂಲ್ಯವಾದ ಒಳನೋಟಗಳನ್ನು ನೀಡುತ್ತದೆ, ಹಾಗೂ ವಿಶ್ವಾಸಾರ್ಹ ದತ್ತಾಂಶದ ಆಧಾರದ ಮೇಲೆ ಮಾಹಿತಿಯುಕ್ತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಮಧ್ಯಸ್ಥಗಾರರಿಗೆ ಅನುವು ಮಾಡಿಕೊಡುತ್ತದೆ.

ವಿವರವಾದ ವರದಿಯನ್ನು ಈ ಕೆಳಗಿನ ಕೊಂಡಿಯ ಮೂಲಕ ಪಡೆಯಬಹುದು- https://coal.gov.in/sites/default/files/2023-10/17-10-2023a-wn.pdf

****