শিপ্পিং মন্ত্রালয়
প্রধান মন্ত্রী, শ্রী নরেন্দ্র মোদীনা ওক্তোবর 17দা মেরিতাইমগী খ্বাইদগী চাউবা থৌরম, গ্লোবেল মেরিতাইম ইন্দিয়া সম্মিত 2023 হৌদোক্কনি
থৌরম অসি পোর্ত, শিপ্পিং অমসুং ৱাতরৱে মন্ত্রালয়না শিন-লাঙদুনা ওক্তোবর 17-19, 2023দা মুম্বাইগী BKCগী MMRDA লম্পাক্তা পাংথোক্কনি
মহারাস্ত্রগী মুখ্য মন্ত্রী, শ্রী একনাথ শিন্দে অমসুং গোৱাগী মুখ্য মন্ত্রী, দাঃ প্রমোদ সাৱন্তনা MoPSWগী কেন্দ্র মন্ত্রী, শ্রী সর্বানন্দ সোনোৱাল; MoPSWগী MoS, শ্রী শ্রীপদ ৱাই. নায়ক, শ্রী শান্তনু থাকুর অমসুং মহারাস্ত্রগী ইকায় খুম্ননীংঙাই ওইরবা রাজ্যপাল, শ্রী রমেশ বাইসকা লোয়ননা হৌদোকপগী থৌরমদা শরুক য়াগনি
শ্রীমতি নির্মলা সিতারমন; শ্রী পিয়ুশ গোয়ল, শ্রী নিতিন গদকরী, শ্রী নরায়ন রানে, দাঃ মনশুখ মন্দাবিয়া, শ্রী ধর্মেন্দ্র প্রধান, শ্রীমতি মীনাক্ষি লেখী অমসুং শ্রী অশ্বিনি কুমার চৌবে য়াওনা মন্ত্রী কয়ানা নুমিৎ হুম্নিগী মনুংদা থৌরমসিদা শরুক য়াগনি
লৈবাক 12কী মন্ত্রীশিংনা GMIS 2023 হৌদোকপগী থৌরমদা শরুক য়াগনি
Posted On:
16 OCT 2023 6:13PM by PIB Imphal
প্রধান মন্তী, শ্রী নরেন্দ্র মোদীনা ওক্তোবর 17-19, 2023দা মুম্বাইগী MMRDA লম্পাক্তা পাংথোক্কদৌরিবা গ্লোবেল মেরিতাইম ইন্দিয়া সম্মিত (GMIS) 2023গী অহুমশুবা মীফম অসিবু ভর্চুএলগী খুত্থাংদা হৌদোক্কনি। খ্বাইদগী চাউবা মেরিতাইমগী থৌরম অসি পোর্ত, শিপ্পিং অমসুং ৱাতরৱেজ মন্ত্রালয়না শিনবনি।
সম্মিত অসিনা তুংগী মতমগী হিথাংফম; দিকার্বোনাইজেসন; কোস্তেল শিপ্পিং অমসুং ইনলেন্দ ৱাতর ত্রান্সপোর্তেসন; জহাজ শাবা; শেমজিন শাজিনবা অমসুং রিসাইক্লিং তৌবা; ফাইনান্স, ইন্স্যুরেন্স অমসুং আর্ব্রিতেসন; মেরিতাইম ক্লস্তর; ইন্নোভেসন অমসুং তেক্নোলোজী; মেরিতাইম সেফতী অমসুং সেক্যুরিতী; অমসুং মেরিতাইম তুরিজম য়াওনা মখল কয়াগী হীরমশিংদা মিৎয়েং চঙদুনা হীরমশিং অসিগী মতাংদা খন্ন-নৈনগনি।
থৌরম হৌদোকপগী সেসন্দা মহারাস্ত্র অমসুং গোৱাগী মুখ্য মন্ত্রী, মথংশিৎনা শ্রী একনাথ শিন্দে অমসুং দাঃ প্রমোদ সাৱন্তনা শরুক য়াগনি। সেসন অসিদা অর্মেনিয়া, বাঙ্গলাদেশ, বেলারুস, কোমোরোস, ইরান, ইতালী, শ্রী লঙ্কা, তাঞ্জানিয়া, তুর্কেমেনিস্তান, উজবেকিস্তান, স্পেন অমসুং নেপাল য়াওনা লৈবাক 12কী মন্ত্রীশিংনা শরুক য়াগনি। মসিগী মথক্তা, রাজ্যগী মন্ত্রী 16 অমসুং ভারতকী রাজ্য অমসুং য়ুনিয়ন তেরিতোরীশিংগী ইকায় খুম্ননীংঙাই ওইরবা রাজ্যপাল 11সু মসিদা শরুক য়াগনি।
“মসিদি ভারতখক্কী নত্তনা মালেমগী মেরিতাইম খুন্নাইগী য়াম্না মশক নাইবা থৌরম অমনি। মীফমসিদা হৌদোক্নখিবা ৱাফম খুদিংনা মেরিতাইম পোলিসী অমসুং স্ত্রেতজীশিংদা মালেমগী থাক্তা শাফু পীগনি”, পোর্ত, শিপ্পিং অমসুং ৱাতরৱেজ অমদি আয়ুশকী কেন্দ্র মন্ত্রী, শ্রী সর্বানন্দ সোনোৱালনা হায়খ্রে।
মশিং য়াম্লবা মালেম অমসুং লৈবাক্কী মীহুৎশিংনা শরুক য়াবা
বেলারুস, বেলজিয়ম, ভুতান, দেনমার্ক, ফ্রান্স, ইতালী, ইরান, নেদর্লেন্দ, রসিয়া, সাউদী অরাবিয়া, শ্রী লঙ্কা, সাউথ অফ্রিকা, স্পেন, নোর্ৱে, মেক্সিকো, UAE, UK, USA অমসুং অতোপ্পা লৈবাক কয়া য়াওনা লৈবাক 28গী ওফিসিএল 115না শোইদনা শরুক য়াগদৌরিবা অসিনা সম্মিত অসিবু য়াম্না পাক চাউহনগদৌরি।
‘অমৃত কাল ভিজন 2047' লাউথোকপা
সম্মিত অসিনা ভারতকী মেরিতাইম ব্লু ইকোনোমীগী চহি 25কী ব্লুপ্রিন্ত ওইরিবা ‘অমৃত কাল ভিজন 2047’ লাউথোকপগী ফম্বাক অমা ওইনা তেংবাংগনি। ব্লুপ্রিন্ত অসিনা হিথাংফমশিংগী ফেসিলিতী হেন্না ফগৎহনবা, সস্তেনেবল ওইবা থৌওংশিংগী পুক্নিং থৌগৎপা, অমসুং ইন্তর্নেস্নেল কোলাবোরেসন লৈহন্নবা তেংবাংবগী পান্দম থম্বা স্ত্রেতজিক ওইবা থৌওং কয়া য়াওরি। পান্দম অসিগা মরী লৈনবা লুপা করোর 23,364গী প্রোজেক্ত কয়াসু সম্মিত মনুংদা শঙ্গাবগা লোয়ননা উরেপ উয়ুংসু তমগনি।
ইন্দস্ত্রী অমসুং ইনভেস্তমেন্তকী মমাংদা লৈখিদ্রিবা খুদোংচাবা কয়া
লৈবাক 27 অমসুং ভারতকী কাউন্তর্পার্ত 100 হেনবদগী ৱাঙাংলোই 81 হেনবগা লোয়ননা সম্মিত অসিনা ইন্দস্ত্রীগী অখঙ-অহৈশিংগী হব অমা ওইগদৌরি। মশক নাইবা গ্লোবেল CEO 31 য়াওনা, রেজিস্তর তৌরবা দেলিগেত 3,000 হেনবনা খন্ন-নৈনবগী থৌরমদা শরুক য়াগনি। ইনভেস্তমেন্তকা মরী লৈনবা থৌওং অমা ওইনা, সম্মিত অসিদা চাউরাক্না লুপা করোর লাখ 1.7মুক থাদবা য়াগদবা প্রোজেক্ত 86 উৎপগা লোয়ননা INR করোর লাখ 7.18 হেনবগী মেমোরেন্দম ওফ অন্দর্স্তেন্দিং (MoU) 316কী খুৎয়েকসু পীনগনি।
পাক চাউরবা একজিবিসন অমসুং কনফরেন্সগী পরিং
একজিবিতর 150 অমসুং তেক্নিকেল খন্ন-নৈনবা, স্তেত সেসন অমসুং ইন্তর্নেস্নেল রাউন্দ তেবল য়াওনা সেসন 31গী কনফরেন্স পাংথোক্নবা থৌরাং য়াৎলিবশিংনা মেরিতাইম ইন্দস্ত্রীগী তুংদা ওইরক্কদবা মতমগী য়াম্না কুপথবা শক্তম অমা উহনবা ঙমগনি।
অপদেতকীদমক্তা চঙবীয়ুঃ
* * *
(Release ID: 1968260)
Visitor Counter : 93