কেন্দ্রগী কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়লনা ঙরাং নই দিল্লীদা পি.এম. গতিশক্তীনা চহি মপুং ফারকপগী পুঙফম শকখঙবা ওইনা “কম্পেন্দিয়ম ওফ পি.এম. গতিশক্তী” ফোঙখ্রে। কম্পেন্দিয়ম অসিদা পি.এম. গতিশক্তীবু লৈবাক পুম্বদা শিজিন্নখিবা অমসুং মসিদগী ফংখিবা কান্নবগী মশক নাইরবা ৱাফম খরা তাক্লি। কম্পেন্দিয়ম অসি কম্মর্স অমসুং ইন্দস্ত্রীগী কেন্দ্রগী রাজ্য মন্ত্রী, শ্রী সোম প্রকাশ, প্রোমোসন ওফ ইন্দস্ত্রী অমসুং ইন্তর্নেল ত্রেদ বিভাগকী স্পিসিএল সেক্রেতরী (লোজিস্তিক্স), শ্রীমতি সুমিতা দাউরা অমসুং অতোপ্পা সেনিয়র ওফিসরশিং য়াওবা থৌরম অমদা ফোঙখিবনি।

হৌখিবা চহি অনিসিদা GIS মেপশিংনা ফিল্দ সর্ভে পাংথোক্তুনা দিজিতেল সর্ভে কয়া পাংথোকখিবগা লোয়ননা পি.এম. গতিশক্তীনা এক্সপ্রেসৱে কিলোমীতর 7000 হেনবগী থৌরাং য়াৎপদা মরু ওইবা থৌদাং য়াখি। ইং 2022-23দা মমাংগী চহিগী শুপ্নগী প্রোজেক্ত 57গা চাংদম্নবদা প্রোজেক্ত 400 হেন্না পায়খৎখিবগা লোয়ননা অনৌবা রেলৱে লাইনগী ফাইনেল লোকেসন সর্ভে (FLS)গী মশিংদা মশক থোক্না হেনগৎপগী ফিভম উবা ফংখি, মসিনা মরম ওইরগা য়াম্লবা কিলোমীতর 13,500গী রেলৱে লাইনগী থৌরাং য়াৎপা ঙমহনখি। প্লেতফোর্ম অসিনা পেত্রোলিয়ম অমসুং নেচরেল গ্যাস পাইপ্লাইনগী অকুপ্পা সর্ভে য়াৎপগী থৌওংদা মপুং ফাবা অওনবা পুরকপা ঙমখি, থা 6-9 চঙগদবা থবক থৌরমশিংগী মতম্বু শুপ্নগী পুং খরদা তেনশিলহনখি, দিফোরেস্তেসন হন্থহন্দুনা অকোয়বগী ফিভম ঙাক শেনবগীদমক্তা খোঙফম চেৎলিবা অসিবুসু মশক থোক্না শক্তাকখি।

কম্পেন্দিয়ম অসিদা য়াওরিবা য়ুজ কেস নিপান অসিনা লৈবাক শিনবা থুংবদা পি.এম. গতিশক্তী শিজিন্নবা অমসুং মসিনা পীখিবা কান্নবা কয়া ময়েক শেংনা উৎখি। কেসশিং অসিনা রোদ অমসুং ত্রান্সপোর্ত মন্ত্রালয়না এক্সপ্রেসৱে অমসুং মলতিমোদেল লোজিস্তিক্স পার্ক্কী থৌরাং য়াৎখিবা; রেল মন্ত্রালয়না রেল কন্নেক্তিবিতীগী থৌরাং য়াৎখিবা; ন্যু অমসুং রিন্যুএবল ইনর্জী মন্ত্রালয়না গ্রীন ইনর্জী কোরিদোরগী থৌরাং য়াৎখিবা; অমসুং উত্তর প্রদেশকী অনসর্ব এরিয়াশিংদা স্কুল শাবগী খোঙথাংনচিংবা কয়াগী পাক চাউরবা প্রোজেক্ত কয়া মনুং চল্লি। কম্পেন্দিয়ম অসিনা পি.এম. গতিশক্তীগী কান্নবশিংবু স্তেকহোলদরশিংদা উৎপা অমসুং মসিবু পাকথোক চাউথোক্না শিজিন্নহনবগী মরু ওইবা রিসোর্স অমসু ওইগনি।

প্রধান মন্ত্রী, শ্রী নরেন্দ্র মোদীগী লমজিং মখাদা, পি.এম. গতিশক্তী শিজিন্নবগী থৌওংনা অনৌবা থাক্তা য়ৌবা ঙম্লি। মসিনা নেক্স জেন ইনফ্রাস্ত্রকচর, ইজ ওফ দুইং বিজনেস অমসুং ইজ ওগ লিভিংবু তেংবাংলি।

মরী লৈনবা ৱাফমশিং নীংথিনা খঙদুনা ৱারেপ লৌনবগীদমক্তা দেতা শিজিন্নদুনা ইনফ্রাস্ত্রকচর শেমগৎ শাগৎপগী থৌরাং য়াৎপগী নীংথিরবা থৌওং অমা পি.এম. গতিশক্তীনা মহুৎ শিল্লি। মসিগী থৌওং অসিদা দেতাগী মরোল কয়া শিজিন্নরি, হায়রিবা দেতাশিং অসি GIS মেপশিংগী মনুং চলহন্দুনা দিজিতেল সর্ভে পাংথোকপদা মওং মরিল হেন্না তাহনবা ঙম্মি, মসিনা ইনফ্রাস্ত্রকচর শেমগৎনবা থৌরাং য়াৎপদা অচৌবা অহোংবা পুরকহল্লি অমসুং ফিল্দ সর্ভে তৌবা অমসুং প্রোজেক্ত লোইশিনবগী মতম্বুসু মশক থোক্না হন্থহল্লি। মসিনা কন্নেক্তিবিতী পোইন্ত ময়েক শেংনা উবা ফংহল্লি, ইনভেস্তমেন্ত রিস্ক হন্থহল্লি, মিলিয়ন দোল্লর কয়াগী প্রোজেক্ত য়েংশিনবদা লাইথোকহল্লি অমসুং ইকোনোমিক অমসুং সোসিএল কন্নেক্তিবিতীবুসু খুমাং চাউশিনহল্লি।

***