হকশেল অমদি য়াইফ য়ুম্বাল মন্ত্রালয়গী ফ্লেগসিপ রুতিন ইম্ম্যুনাইজেসন কেম্পেন ইন্তেন্সিফাইদ মিসন ইন্দ্রধনুশ (আই.এম.আই. ৫.০)গী রাউন্দ ৩ মক ওক্তোবর ১৪, ২০২৩দা লোইশিল্লগনি‍। আই.এম.আই. ৫.০না লৈবাক শিনবা থুংনা চিত্থ-নান্থহৌবা অঙাং অমদি মীরোন্বী নুপীশিংদা রুতিন ইম্ম্যুনাইজেসন সর্ভিসশিং য়ৌহল্লি‍। চহি অসিদা, অহানবা ওইনা কেম্পেন অসি লৈবাকসিগী দিস্ত্রিক্ত পুম্নমক্তা পাঙথোক্লি অমদি চহি ৫ ফাওবগী মনুংদা লৈবা অঙাংশিং কোনশিল্লি (মমাঙগী কেম্পেনশিংদা চহি ২ ফাওবগী মনুংদা লৈবা অঙাংশিং কোনশিনবনি‍)‍।

আই.এম.আই. ৫.০ কেম্পেন অসিনা নেস্নেল ইম্ম্যুনাইজেসন সিদ্যুল (এন.আই.এস.)গী মতুং ইন্না য়ুনিভর্সেল ইম্ম্যুনাইজেসন প্রোগ্রাম (য়ু.আই.পি.)গী মখাদা ফংহল্লিবা ভেক্সিন পুম্নমক্কী ইম্ম্যুনাইজেসন কভরেজ হেনগৎহন্নবা পান্দম থম্লি‍। ২০২৩ ফাওবদা মীজল্স অমদি রুবেলা মুত্থৎনবা পান্দমগা লোয়ননা অমদি লৈবাকসিগী দিস্ত্রিক্ত পুম্নমক্তা পাইলোৎ মোদতা রুতিন ইম্ম্যুনাইজেসনগী য়ু.ৱিন দিজিতেল প্লেৎফোর্ম শীজিন্নদুনা মীজল্স অমদি রুবেলা ভেক্সিনেসন কভরেজ হেনগৎহন্নবা অখন্নবা মীৎয়েঙ থম্লি‍।

আই.এম.আই. ৫.০ রাউন্দ অহুম থোক্না হায়বদি ওগস্ত ৭ – ১২, সেপ্তেম্বর ১১ – ১৬, অমদি ওক্তোবর ৯ – ১৪ দা, হায়বদি রুতিন ইম্ম্যুনাইজেসন নুমিৎ য়াওনা থা অমদা নুমিৎ ৬নি পাঙথোক্লি‍। বিহার, ওরিসা অমদি পঞ্জাব নত্তনা স্তেত/য়ু.তি. পুম্নমক্তা আই.এম.আই. ৫.০ কেম্পেনগী রাউন্দ অহুম্মক ওক্তোবর ১৪, ২০২৩দা লোইশিল্লগনি‍। হায়রিবা স্তেত মরি অসি তঙায়ফদবা ফীভম খরদগী ওগস্ততা আই.এম.আই. ৫.০ হৌবা ঙমখিদে‍। হায়রিবা স্তেতশিং অসিনা ১বা রাউন্দ লোইশিনখ্রে অমদি হৌজি্ ২শুবা রাউন্দ পায়খৎলি‍। মখোয়না আই.এম.আই. ৫.০ কেম্পেনগী ৩শুবা রাউন্দ নবেম্বর ২০২৩ মনুংদা লোইশিন্নবা থৌরাং তৌরি‍।

সেপ্তেম্বর ৩০, ২০২৩ ফাওবদা, লৈবাক শিনবা থুংনা আই.এম.আই. ৫.০ কেম্পেনগী অহানবগী রাউন্দ ২ দা অঙাং ৩৪,৬৯,৭০৫ অমদি মীরোনবী নুপী ৬,৫৫,৪৮০দা ভেক্সিন কাপখ্রে‍।

দাইরেক্তর, (দি.ঐচ.এস. এফ.দব্লিউ.), এস.আই.ও. অসাম্না দিস্ত্রিক্ত ওফিসিএলশিংগা লোয়ননা অসামগী দরং দিস্ত্রিক্তকী সিফাঝার বি.পি.ঐচ.সি. মনুং চন্না লৈবা ঐচ.আর.এ. ব্রিকলিন্দা চৎপা‍।

সিক্কিমদা অঙাং, পোকপা কুইদ্রিবা অঙাং অমদি মীরোন্বী নুপীশিংগী ইম্ম্যুনাইজেসনগী ফীভম য়েংশিন্নবা সেসন মফমশিং অমদি রিলীফ কেম্প মফমশিংদা শেন্নবা অমদি য়েংশিনবা‍।

মনিপুরদা আই.এম.আই. সেসন অমদা ভেক্সিন কাপ্লবা মতুংদা এ.এন.এম. কম ভেক্সিনেতরনা অঙাং মচা অমা থেম্বা‍।

হিমাচল প্রদেশকী, কুল্লুগী ব্লোক নগরদা লৈবা ঐচ.এস.সি. বহাংদা আই.এম.আই. সেসন চত্থবা‍।

আই.এম.আই. ৫.০গী শেম শাবগী ফীভম য়েংশিনবগী থবক নেস্নেল মোনিতরশিংনা জুলাই ১৯ দগী জুলাই ২৩, ২০২৩ ফাওবদা পাঙথোকখি‍। মখোয়না স্তেত/য়ু.তি. ২৭তা লৈবা হায়-প্রাইওরিতী দিস্ত্রিক্ত ১৫৪ শিনবা থুংনা পাক শন্না শেম শাবগী ফীভম য়েংশিনখি‍। শেম শাবগী ফীভম য়েংশিনবদা ফংলকপশিং রিকম্মেন্দেসনগা লোয়ননা স্তেত/য়ু.তি. পুম্নমক্তা ফংহনখি‍।

আই.এম.আই. ৫.০গী মতাংদা নেস্নেল ৱর্কসোপ অমা কেম্পেন অসিগী মতাঙদা স্তেত/য়ু.তি. পুম্নমক্তা মমুৎ তানা খঙহন্নবগীদমক লৈবাক্কী কোনুংদা জুন ২৩, ২০২৩দা পাঙথোকখি‍।

স্তেত/য়ু.তি. পুম্নমক্তা ওপরেস্নেল গাইদলাইনশিং অমদি কম্ম্যুনিকেসন স্তেতেজী পীখি‍। কম্ম্যুনিকেসন স্ত্রেতেজীদা এদভোকেসী, ভেক্সন কাপ্নিংদবগী ৱাফম লৈহন্দনবা অমদি লম-লমগী মচিন চৎপা মীওইশিং অমদি লুচিংবশিং য়াওহনবা য়াওনা ৩৬০-দিগ্রী কম্ম্যুনিকেসনগী থৌওং য়াওরি‍। তোঙান তোঙানবা আই.ই.সি. মচাকশিং স্তেত/য়ু.তি. পুম্নমক্তা লম লমদুগী লোলদা ওন্থোক্নবা অমদি মরুওইবা পাউদমশিংগা লোয়ননা মীয়ামদা মপুং ফানা য়ৌহন্নবগীদমক ফংহনখি‍।

আই.এম.আই. ৫.০দা মীয়ামগী মীহুৎশিং শরুক য়াবা থেংনখি অমদি সোসিএল মিদিয়া ইন্ফ্লুএন্সরশিংসু মশিং য়াম্না থোরক্তুনা স্তেত/য়ু.তি. পুম্নক্তা মীয়ামদা মনাক নকপা ভেক্সিনেসন সেন্তরশিংদা চৎনবা অমদি ইমুং অমদি লৈকায়দা লৈরিবা অঙাংশিং অমদি মীরোন্বী নুপীশিংগী চিত্থ-নান্থহৌবা দোজশিং কাপথোকহৌনবা পাউজেনখি‍।

২০১৪দগী হৌরগা, মিসন ইন্দ্রধনুশকী ফেজ ১১ লৈবাক শিনবা থুংনা লোইশিনখ্রে‍। ১২শুবা ফেজ হৌজিক চঙশিল্লি, কেম্পেন অসিগী মখাদা হৌজিক ফাওবদা পুন্না অঙাং করোর ৫.০৬ অমদি মীরোন্বী নুপী করোর ১.২৫ ভেক্সিন কাপথোকখ্রে‍।

*****