الیکٹرانکس اور انفارمیشن ٹیکنولوجی کی وزارت نے سوشل میڈیا پلیٹ فارمز  ایکس ، یوٹیوب  اور ٹیلی گرام  کو نوٹس جاری کرتے ہوئے خبردار کیا ہے کہ وہ بھارتی  انٹرنیٹ پر اپنے پلیٹ فارم سے بچوں کے جنسی استحصال کے مواد (سی ایس اے ایم ) کو ہٹا دیں۔

ان پلیٹ فارمز کو بھیجے گئے نوٹس ان کے پلیٹ فارمز پر کسی بھی سی ایس اے ایم تک رسائی کو فوری اور مستقل طور پر ہٹانے یا غیر فعال کرنے کی اہمیت پر زور دیتے ہیں۔ وہ مستقبل میں سی ایس اے ایم کے پھیلاؤ کو روکنے کے لیے فعال اقدامات جیسے کہ مواد کی اعتدال پسندی کے الگورتھم اور رپورٹنگ میکانزم کے نفاذ کا بھی مطالبہ کرتے ہیں۔

الیکٹرانکس اور انفارمیشن ٹیکنولوجی کی وزارت کے ان نوٹسز میں کہا گیا ہے کہ ان تقاضوں کی عدم تعمیل کو آئی ٹی  رولز، 2021 کے اصول 3(1)(بی) اور قاعدہ 4(4) کی خلاف ورزی تصور کیا جائے گا۔

وزارت نے تین سوشل میڈیا پلیٹ فارمز  کو خبردار کیا ہے کہ نوٹس کی تعمیل میں کسی بھی تاخیر کا نتیجہ آئی ٹی ایکٹ کی دفعہ 79 کے تحت ان کو دی جانے والی سہولیات  کو واپس لے لیا جائے گا، جو فی الحال انہیں قانونی ذمہ داری سے بچاتی ہیں۔

ہنر مندی کی ترقی اور صنعت کاری  اور الیکٹرانکس اور آئی ٹی کے مرکزی وزیر مملکت جناب راجیو چندر شیکھر کے مطابق، "ہم نے ایکس ، یو ٹیوب اور ٹیلی گرام  کو نوٹس بھیجے ہیں تاکہ یہ یقینی بنایا جا سکے کہ ان کے پلیٹ فارم پر بچوں کے جنسی استحصال کا کوئی مواد موجود نہیں ہے۔ حکومت آئی ٹی قوانین کے تحت ایک محفوظ اور بھروسہ مند انٹرنیٹ بنانے کے لیے پرعزم ہے۔ آئی ٹی ایکٹ کے تحت آئی ٹی قوانین سوشل میڈیا کے ثالثوں  سے سخت توقعات رکھتے ہیں کہ وہ اپنے پلیٹ فارمز پر مجرمانہ یا نقصان دہ پوسٹس کی اجازت نہ دیں۔ اگر وہ اپنا کام صحیح طریقے  سے نہیں کرتے ہیں تو، آئی ٹی ایکٹ کی دفعہ 79 کے تحت ان کو دی جانے والی سہولیات کو واپس لے لیا جائے گا اور بھارتی  قانون کے تحت نتائج برآمد ہوں گے۔

وزیر جناب راجیو چندر شیکھر بھارتی  انٹرنیٹ سے اس طرح کے نقصان دہ مواد کو ہٹانے کے لیے ایک آواز کی وکالت کرتے  رہے ہیں، اس بات کو یقینی بناتے ہوئے کہ یہ نقطہ نظر وزارت کا پالیسی ویژن بن جائے۔

انفارمیشن ٹیکنالوجی (آئی ٹی ) ایکٹ، 2000، سی ایس اے ایم  سمیت فحش مواد سے نمٹنے کے لیے قانونی فریم ورک فراہم کرتا ہے۔ آئی ٹی ایکٹ کی دفعہ ای 66، 67، اے67، اور بی67 فحش یا فحش مواد کی آن لائن ترسیل پر سخت سزائیں اور جرمانے عائد کرتی ہے۔

************

ش ح۔ ا م۔

 (U: 10613)