کوئلہ کی وزارت اپنے تمام  سرکاری سیکٹر کے اداروں اور فیلڈ دفاتر کے ساتھ 02 اکتوبر سے 31 اکتوبر  ، 2023 ء تک سووچھتا خصوصی مہم 3.0 منا رہی ہے۔ مہم کا آغاز  15 ستمبر  کو کیا گیا  ، جس کا مقصد مہم کے دوران حاصل کیے جانے والے اہداف کی نشاندہی کرنا ہے۔ مہم  کی  کا مرکزی مرحلہ باضابطہ طور پر 2 اکتوبر سے شروع ہوا اور یہ 31 اکتوبر  ، 2023 تک جاری رہے گا۔ مہم  میں ، جن شعبوں پر توجہ مرکوز کی گئی ، اُن میں عوامی شکایات کا موثر  طور پر ازالہ، ممبران پارلیمنٹ کے حوالہ جات، پارلیمنٹ کی یقین دہانی، صفائی ستھرائی مہم، کچرے کو ٹھکانے لگانا اور فائلوں  کو ختم کرنا اور دیگر سووچھتا سے متعلق سرگرمیاں شامل ہیں ۔

مہم کے کامیاب نفاذ اور خصوصی مہم کے مختلف زمروں کے تحت اہداف کے حصول کے لیے وزارت کے دائرہ اختیار کے اندر تمام  متعلقہ فریقوں کو حکمت عملی بنانے، بیداری پیدا کرنے اور تیاری کرنے کے لیے تمام  متعلقہ فریقین کے ساتھ ایڈیشنل سیکرٹری کی سطح پر ایک تیاری میٹنگ کی گئی۔ 3.0  کو تمام  متعلقہ فریقین کے ساتھ مشاورت سے طے کیا گیا ہے ۔

تیاری کے مرحلے میں، کوئلے کی وزارت نے صفائی ستھرائی مہم کے لیے 763 مقامات کی نشاندہی کی ہے اور ریکارڈ کے بہتر بندوبست کے لیے 129,301  دستاویزی شکل میں فائلوں کا اور 59,213 ای فائلوں کا جائزہ لینے کا  نشانہ مقرر کیا  گیا ہے۔ مجموعی طور پر 5218 ایم ٹی کچرے کو ٹھکانے لگانے کے لیے  نشاندہی کی گئی ہے ۔

کوئلے کی وزارت بہترین طریقوں کے طور پر مختلف سرگرمیاں شروع کر رہی ہے اور مہم کے اختتام سے پہلے  ، اُن کاموں کو پورا کرنے کی خواہش رکھتی ہے  ، جو صفائی ستھرائی کو فروغ دیں اور کام کی جگہ کے تجربات  کو بہتر بناکر  ، ایسا ماحول  قائم کرے ، جو دیرپا تبدیلی کو متاثر کرتا ہو ۔

*************

ش ح۔ ش م ۔ع ا

U. No.10604