কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা নেস্নেল কোওপরেতিব দিবেলপমেন্ত কোওপরেসন (NCDC)গী 89শুবা জেনরেল কাউন্সিলগী মীফমদা ৱা ঙাংখ্রে।

মহাক্কী ৱারিলদা শ্রী অমিত শাহনা হায়খি, NCDCনা প্রধান মন্ত্রী শ্রী নরেন্দ্র মোদীগী ‘সহকার সে সমৃধি’গী বিজন থুংহন্নবা মরু ওইবা থৌদাং লৌরি। কোওপরেতিবশিং অসিনা কেপিতেল লৈজদবা লৈবাক্কী মীশিং করোর 60গী শেন্মীৎলোন খুমাং চাউশিনহন্নবা অমত্তা ঙাইরবা পাম্বৈ ওইরি। মহাক্না হায়খি প্রধান মন্ত্রী মোদীগী মীৎয়েং শান্না য়েংবা ঙম্বা লীচিং মখাদা কোওপরেসন মন্ত্রালয় অসি হেক শেমখিবদগী লৈবাক অসিদা কোওপরেতিব মুফমেন্ত মপাঙ্গল কনখৎহন্নবা অমসুং GDPদা কোওপরেতিব শিয়র হেনগৎহন্নবা হৌখিবা থা 27 অসিদা ইনিসিএতিব 54 পাইখৎখ্রে। ইনিসিএতিবশিং অসিনা প্রাইমারী এগ্রিকলচর ক্রেদিৎ সোসাইতীজ (PACS) মপাঙ্গল কনখৎহন্নবা অখন্নবা মীৎয়েং থম্মি। ইনিসিএতিবশিং অসিনা ইজ ওফ দুইং বিজিনেস হেনগৎহন্নবা মাইকৈদা পান্দম থম্মি, মসিদা য়াওরিবশিং অদুদি PACS কম্প্যুতরাইজেসন তৌবা, মোদেল বাইলোশিং, দাইরীগুম্বা বিজিনেস এক্তিবিতী 30 হেন্না পাইখৎনবা PACSকী ফঙ্কসনিং পাকথোক-চাউথোকহনবা, গোদাউনশিং হাংদোকপা, LPG/পেত্রোল/গ্রীন ইনর্জী দিস্ত্রিব্যুসন এজেন্সী, বেঙ্কিং কোরেস্পোন্দেন্তশিং, PACSনা কম্মন সর্ভিস সেন্তর (CSC) ওইনা অমসুং কোওপরেতিবশিংগী অপদেৎ তৌরবা দেতা রিপোজিতরী অমা শেম্নবা সর্ভিস 300 হেন্না ফংহনবা ঙমগনি।

কোওপরেসন মন্ত্রালয়না জন ঔশাধি কেন্দ্রশিং, প্রধান মন্ত্রী কিসান সমৃধি কেন্দ্রগুম্বা PACS অমসুং খুঙ্গংগী মফমশিংদা তোতি ঈশিংগী সপ্লাই স্কিমশিংগী ওপরেসন অমসুং মেন্তেনেন্সকী থবক পাইখৎনবা পানি সমিতিগুম্বা PACS হায়রিবা মরু ওইবা থৌশিলশিং অসিনা PACSতা লেপ্পা লৈতনা ইনকম লাকহনবা অমসুং খুঙ্গংগী মফমশিংদা লৈরিবা নহারোলশিংদা থবক্কী খুদোংচাবশিং পীবা ঙমহনগনি। মহাক্না মখা তারদুনা হায় নেস্নেল কোওপরেতিব দেতাবেজ অসি রাজ্য সরকারশিংগী তেংবাংগা লোয়ননা দিবেলপ তৌখি, হায়রিবা অসিদা কোওপরেতিব সোসাইতী লাখ 8.00 হেনবগী পুম্নমক শুনা য়াওরবা, মরিক চুম্বা অমসুং অপদেৎ তৌরবা দেতা য়াওরি।

শ্রী অমিত শাহনা হায়খি NCDCনা ভারত সরকারগী তোঙান-তোঙানবা স্কিমশিংগীদমক ইমপ্লিমেন্তিং এজেন্সী ওইরি অমসুং কোওপরেতিব সোসাইতীশিংদা কান্নবা পীনবা মাগী লোনশিংগী সবসিদী কম্পোনেন্তগা পুনশিনহনখি। মহাক্না হায়খি মদুদি NCDCনা খুঙ্গংগী মফমশিং য়াওনা লৈবাক শিনবা থুংবদা শেনবা চহি 2022-23দা লুপা করোর 41,000 হেনবগী শেলথুমগী তেংবাং ফংহনখি। কোওপরেসন মন্ত্রীনা হায়খি NCDCনা 2013-14দা লুপা করোর 5,300 ওইরম্বদগী শেনবা চহি অসিদা শেলগী তেংবাং কাইথবদা শরুক 10গী গ্রোথ লৈনবা পান্দম থম্মি। শ্রী শাহনা হায়খি অসিগুম্বা শীংথানীংঙাই ওইবা পরফোর্মেন্সকা লোয়ননা ঐহাক্না থাজৈ মদুদি NCDCনা 2023-2024দা লুপা করোর 50,000গী পান্দম শোইদনা ফংবা ঙমগনি। মহাক্না মখা তারদুনা হায়, কোওপরেসনগী নেৎ NPA অসি 2022-23গী ওইনা লোন রিকবরী রেৎ অসি 99% হেনবগা লোয়ননা ‘জিরো’ থম্বা ঙম্বা অসি চাউথোকচনীংঙাই ওইবা ৱাফম অমনি।

কোওপরেসনগী কেন্দ্র মন্ত্রীনা হায়খি মদুদি NCDCনা ক্বাতর খুদিংদা পান্দমশিং থম্বগা লোয়ননা মথংগী চহি 3 অসিদা চহিগী ওইনা লুপা করোর লাখ 1 কাইথবা ঙম্নবগী পান্দম থমগদবনি। মন্ত্রীনা হায়খি NCDCনা অতাবা রেৎশিংদা বোরোৱিং তৌনবগী এভেন্যুশিং থীদোক্কদবা অমসুং অতাবা শেন্দোইগী চাংদা কোওপরেতিব সেক্তরদা পুবা য়াহনগদবনি। NCDCগী পান্দম অসি শেন্দোং লৈহনবা খক্তা নত্তনা কোওপরেতিব সেক্তরগী ওভরওল দিবেলপমেন্ত লাকহনবনি।

শ্রী অমিত শাহনা লৈবাক অসিদা কোওপরেতিব দিবেলপমেন্তদা মতেং পাংবদা NCDCগী থৌদাংবু থাগৎলদুনা মহাক্না হায়খি এগ্রিকলচরেল মার্কেতিংদগী হৌরগা প্রোসেসিংগী ইনপুতশিং, স্তোরেজ অমসুং কোল্দ চেন য়াওনা NCDCগী লম অসি খুন্নাইগী মথৌ থাবশিং খঙনবা অমসুং লৈবাক অসিদা লৈরিবা নহাশিংগী শেন্থোক হেনগৎহন্নবা হীরম কয়া য়াওহন্নবা পাকথোক চাউথোকহনখি। মহাক্না হায়খি লৌমী করোর 29না মখোয়গী মেম্বরশিং ওইবগা লোয়ননা লৈবাক অসিদা কোওপরেতিব লাখ 8.00 হেন্না লৈ। NCDC অসি 1963দা লিংখৎখিবদগী হৌনা এগ্রিকলচরেল অমসুং হোর্তিকলচর কোওপরেতিব সোসাইতীশিং য়াওনা কোওপরেতিবশিংদা পুন্না শেলগী তেংবাং লুপা করোর 2,78,378 ফংহনখ্রে।

কোওপরেস মন্ত্রীনা হায়খি লৈবাক অসিদা তোঙান-তোঙানবা বাই-লোশিং লৈবা PACSতা য়ুনিফোর্মিতী পুরক্নবা থবক পাইখৎলি। মহাক্না মখা তারদুনা হায়খি রাজ্য/UT কয়ানা কোওপরেসন মন্ত্রালয়না শেমখিবা PACSকী মোদেল বাই-লোশিং এদোপ্ত তৌখি। শ্রী শাহনা হায়খি মদুদি PACSকী থবক্কী স্কোপ অসি হৌজিক্তি পাকথোক চাউথোকহনখ্রে, মখোয়না দাইরী অমসুং ফিশরীগুম্বা তোঙান-তোঙানবা লম 25দা থবক তৌরি অমসুং কম্মন সর্ভিস সেন্তরশিং (CSC) ওইনসু থবক তৌবা য়াই। PACSনা CSCশিং ওইদুনা খুঙ্গংগী মীশিংদা সর্ভিস 300 হেন্না ফংহনবা য়াই।

শ্রী অমিত শাহনা হায়খি NCDC গী পোতেন্সিএল অদুবু খঙলদুনা মখোয়া মালেমগী খ্বাইদগী চাউবা ফুদ স্তোরেজ স্কিমগী মখাদা কোওপরেতিব সেক্তরদা প্রোজেক্ত ইমপ্লিমেন্তিং এজেন্সী অআ ওইনা মথৌ তৌখি। NCDC অসি অনৌবা কোওপরেতিবশিংবু FPOশিং ওইনা রেজিস্ত্রেসন তৌনবা অমসুং সপ্পোর্ত পীনবগীদমক ফার্মর্স প্রদ্যুসর ওর্গনাইজেসন (FPO) 10,000 শেম্বা অমসুং প্রমোৎ তৌবা অসিগুম্বা ভারত সরকারগী অচৌবা স্কিমশিং অসি প্রমোৎ তৌবা ইমপ্লিমেন্তিং এজেন্সী অমনি। NCDCনা প্রধান মন্ত্রী মতস্যা সম্পদা য়োজনাগী মখাদা ফিশ ফার্মর্স প্রদ্যুসর ওর্গনাইজেসন (FFPO) শেমনবা অমসুং প্রমোৎ তৌনবা ইমপ্লিমেন্তিং এজেন্সী অমসু ওইরি।

কেন্দ্রগী কোওপরেন মন্ত্রীনা NCDCনা এক্সপোর্তশিং, ওর্গানিক অমসুং সীদ প্রদক্তশিংদা লৈরিবা অনৌবা নেস্নেল লেবেল কোওপরেতিব সোসাইতী অহুম অসিনা কোওপরেতিব সেক্তরদা অচৌবা ব্রান্দ কয়াগুম্না মখোয়গী বিজিনেস খুমাং চাউশিনহন্নবা মখোয়বু প্রমোৎ তৌবদা মীৎয়েং থম্নবা হায়খ্রে। NCDCনা অর্বান কোওপরেতিব বেঙ্ককী প্রপোজ তৌখিবা অমব্রেল্লা ওর্গনাইজেসনগী ইক্বিতীগী অহানবা কন্ত্রিব্যুতরসু ওইগদবনি।

******