কেন্দ্ৰীয় গৃহমন্ত্ৰী তথা সমবায় মন্ত্ৰী শ্ৰী অমিত শ্বাহে আজি নতুন দিল্লীত ৰাষ্ট্ৰীয় সমবায় উন্নয়ন নিগমৰ ৮৯ সংখ্যক সাধাৰণ পৰিষদৰ বৈঠক সম্বোধন কৰে।

ভাষণত শ্ৰী অমিত শ্বাহে কয় যে প্ৰধানমন্ত্ৰী শ্ৰী নৰেন্দ্ৰ মোদীৰ ‘সহকৰ সে সমৃদ্ধি’ দৃষ্টিভংগী পৰিপূৰণৰ ক্ষেত্ৰত এনচিডিচিয়ে এটি গুৰুত্বপূৰ্ণ ভূমিকা পালন কৰি আছে। দেশৰ ৬০ কোটি জনসংখ্যাৰ অৰ্থনৈতিক উন্নয়নৰ একমাত্ৰ মাধ্যম সমবায়, যাৰ মূলধন নাই। তেওঁ কয় যে প্ৰধানমন্ত্ৰী মোদীৰ দূৰদৰ্শী নেতৃত্বত গঠন হোৱাৰ পিছৰেপৰা সমবায় মন্ত্ৰালয়ে দেশখনত সমবায় আন্দোলন সুদৃঢ়কৰণৰ লগতে জিডিপিত সমবায়ৰ অংশীদাৰিত্ব বৃদ্ধিৰ বাবে বিগত ২৭ মাহত ৫৪টা পদক্ষেপ গ্ৰহণ কৰিছে। এই পদক্ষেপসমূহে প্ৰাথমিক কৃষি ঋণ সমিতিসমূহ (PACS) সুদৃঢ়কৰণত বিশেষ গুৰুত্ব আৰোপ কৰিছে। ইজ অৱ ডুয়িং বিজনেছৰ দিশত লোৱা পদক্ষেপসমূহৰ ভিতৰত আছে পেকছৰ কম্পিউটাৰাইজেচন, মডেল উপ-বিধি, দুগ্ধ উদ্যোগৰ দৰে ৩০ ৰোধিক ব্যৱসায়িক কাৰ্য্যকলাপ গ্ৰহণ কৰিবলৈ পেকছৰ কাৰ্য্যকলাপৰ বিস্তৃতকৰণ, গুদাউন স্থাপন, এলপিজি/পেট্ৰল/সেউজ শক্তি বিতৰণ সংস্থা, বেংকিং কৰেছপণ্ডেন্ট, সাধাৰণ সেৱা কেন্দ্ৰ (CSC) হিচাপে ৩০০ ৰোধিক সেৱা প্ৰদানকাৰী পেকছ আৰু সমবায়সমূহৰ এটা আপডেট কৰা তথ্য ভঁৰাল স্থাপন।

সমবায় মন্ত্ৰীজনে কয় যে গ্ৰামাঞ্চলত পাইপেৰে পানী যোগান আঁচনিৰ পৰিচালনা আৰু ৰক্ষণাবেক্ষণৰ কাম, জন ঔষধি কেন্দ্ৰ, প্ৰধানমন্ত্ৰী কিষাণ সমৃদ্ধি কেন্দ্ৰৰ দৰে উল্লেখযোগ্য পদক্ষেপে গ্ৰাম্য অঞ্চলৰ যুৱক-যুৱতীসকলক বহনক্ষম আয় আৰু কৰ্মসংস্থাপনৰ সুযোগ প্ৰদান কৰিব পাৰে। তেওঁ লগতে কয় যে ৰাজ্য চৰকাৰসমূহৰ সহায়ত ৰাষ্ট্ৰীয় সমবায় তথ্যকোষ প্ৰস্তুত কৰা হৈছে, য’ত ৮.০০ লাখৰো অধিক সমবায় সমিতিৰ বিস্তৃত, প্ৰামাণিক আৰু নবীকৃত তথ্য আছে।

শ্ৰী অমিত শ্বাহে কয় যে এনচিডিচি হৈছে ভাৰত চৰকাৰৰ ভিন্ন আঁচনিৰ ৰূপায়ণকাৰী সংস্থা। তেওঁ কয় যে এনচিডিচিয়ে ২০২২-২৩ বিত্তীয় বৰ্ষত গ্ৰাম্য অঞ্চলকে ধৰি সমগ্ৰ দেশতে ৪১,০০০ কোটি টকাৰো অধিক আৰ্থিক সাহায্য প্ৰদান কৰিছে। সমবায় মন্ত্ৰীজনে কয় যে চলিত বিত্তীয় বৰ্ষত এনচিডিচিয়ে আৰ্থিক সাহায্য প্ৰদানৰ ক্ষেত্ৰত ১০গুণ বৃদ্ধি কৰিবলৈ সাজু হৈছে। ২০১৩-১৪ত এয়া আছিল ৫,৩০০ কোটি টকা। শ্ৰী শ্বাহে কয় যে এনে আকৰ্ষণীয় প্ৰদৰ্শনেৰে মই নিশ্চিত যে এনচিডিচিয়ে ৫০,০০০ কোটি টকাৰ লক্ষ্যত উপনীত হ’বলৈ সক্ষম হ’ব। তেওঁ লগতে কয় যে ২০২২-২৩ৰ বাবে ঋণ আদায়ৰ হাৰ ৯৯% ৰোধিকৰে নিগমৰ নেট এনপিএ ‘শূন্য’ ৰখাটো গৌৰৱৰ বিষয়।

কেন্দ্ৰীয় সমবায় মন্ত্ৰীজনে কয় যে এনচিডিচিয়ে প্ৰতি ত্ৰৈমাসিকৰ বাবে লক্ষ্যৰ লগতে অহা ৩ বছৰত বছৰি ১ লাখ কোটি টকা প্ৰদানৰ লক্ষ্য নিৰ্ধাৰণ কৰিব লাগে। মন্ত্ৰীজনে কামনা কৰে যে এনচিডিচিয়ে কম হাৰত ঋণ লোৱাৰ পথ বিচাৰি উলিয়াব আৰু সুতৰ হাৰ কম ৰাখি সমবায় খণ্ডক ঋণ প্ৰদান কৰিব। এনচিডিচিৰ উদ্দেশ্য কেৱল লাভ কৰাই নহয়, বৰঞ্চ সমবায় খণ্ডৰ সামগ্ৰিক উন্নয়ন সাধন কৰিব লাগিব।

শ্ৰী অমিত শ্বাহে দেশৰ সমবায় উন্নয়নত সহায়ৰ ক্ষেত্ৰত এনচিডিচিৰ ভূমিকাক প্ৰশংসা কৰি কয় যে কৃষি বিপণন আৰু ইনপুটৰপৰা আৰম্ভ কৰি সংসাধন, সংৰক্ষণ আৰু শীতল শৃংখললৈকে এনচিডিচিৰ পৰিসৰ বহল হৈ সমাজৰ প্ৰয়োজন অনুসৰি অঞ্চলসমূহ অন্তৰ্ভুক্ত কৰা হৈছে। তেওঁ কয় যে দেশত ২৯ কোটি কৃষকক সদস্য হিচাপে লৈ ৮.০০ লাখৰো অধিক সমবায় আছে। ১৯৬৩ত আৰম্ভ হোৱাৰপৰাই এনচিডিচিয়ে কৃষি আৰু উদ্যান শস্য সমবায় সমিতিকে ধৰি সমবায়সমূহক সঞ্চিতভাৱে ২,৭৮,৩৭৮ কোটি টকাৰ আৰ্থিক সাহায্য আগবঢ়াইছে।

সমবায় মন্ত্ৰীজনে লগতে কয় যে দেশত বিভিন্ন উপ-বিধি থকা পেকছৰ কাম-কাজত সাম্যতা সাধনৰ কাম অব্যাহত আছে। তেওঁ লগতে কয় যে প্ৰায়বোৰ ৰাজ্য/কেন্দ্ৰীয় শাসিত অঞ্চলে সহযোগিতা মন্ত্ৰালয়ে প্ৰস্তুত কৰা পেকছৰ আৰ্হি উপ-বিধি গ্ৰহণ কৰিছে। শ্ৰী শ্বাহে কয় যে পেকছৰ কামৰ পৰিসৰ এতিয়া বহল কৰা হৈছে, যিয়ে দুগ্ধ আৰু মীন পালনৰ দৰে ২৫টা ভিন্ন ক্ষেত্ৰত কাম কৰিব পাৰে আৰু কমন চাৰ্ভিচ চেন্টাৰ (CSC) হিচাপেও কাম কৰিব পাৰে। চিএছচি হৈ পেকছে গ্ৰাম্য লোকক ৩০০ ৰোধিক সেৱা আগবঢ়াব পাৰে।

শ্ৰী অমিত শ্বাহে কয় যে এনচিডিচিৰ সম্ভাৱনাক স্বীকৃতি জনায় সমবায় খণ্ডত বিশ্বৰ সৰ্ববৃহৎ খাদ্য সংৰক্ষণ আঁচনিৰ অধীনত ইয়াক প্ৰকল্প ৰূপায়ণ সংস্থা হিচাপে দায়িত্ব দিয়া হৈছে। এনচিডিচি হৈছে ভাৰত চৰকাৰৰ অভিলাষী আঁচনি যেনে ১০,০০০ কৃষক উৎপাদক সংস্থা (FPO) গঠন আৰু প্ৰচাৰৰ অন্যতম কাৰ্য্যকৰী সংস্থা যিয়ে নতুন সমবায়সমূহক এফপিঅ’ হিচাপে পঞ্জীয়ন আৰু সমৰ্থনৰ ব্যৱস্থা কৰে। এনচিডিচি প্ৰধানমন্ত্ৰী মৎস্য সম্পদ যোজনাৰ অধীনত মীনপালক উৎপাদক সংস্থা গঠন আৰু প্ৰসাৰৰ বাবেও এক কাৰ্য্যকৰী সংস্থা।

কেন্দ্ৰীয় সমবায় মন্ত্ৰীজনে এই কথাত গুৰুত্ব আৰোপ কৰে যে এনচিডিচিয়ে ৰপ্তানি, জৈৱিক আৰু বীজ উৎপাদনৰ ক্ষেত্ৰত ৰাষ্ট্ৰীয় পৰ্য্যায়ৰ নতুন তিনি সমবায় সমিতিৰ প্ৰচাৰত গুৰুত্ব আৰোপ কৰিব লাগে, যাতে এই সমাজসমূহে সমবায় খণ্ডৰ বহু ডাঙৰ ব্ৰেণ্ডৰ দৰে ব্যৱসায়ত বৃদ্ধি অৰ্জন কৰে। নগৰ সমবায় বেংকৰ প্ৰস্তাৱিত একত্ৰ সংগঠনতো এনচিডিচি ইকুইটিৰ প্ৰথম অৱদানকাৰী হ’ব লাগে।

******

SB/BM