অনাবশিং লায়য়েংবগী লমদা লাক্লিবা অহোংবশিং থেংননবা অমসুং খ্বাইদগী নৌবা দাইগ্নোস্তিক অমসুং লায়য়েংবগী পাম্বৈশিং শীজিন্নবা ঙম্নবা মেদিকোশিং এ.আই, ক্বান্তম অমসুং অতোপ্পা অনৌবা তেক্নোলোজিশিং শীজিন্ননবা য়ুনিয়ন মিনিস্তর দোক্তর জিতেন্দ্র সিংহনা তকশিনখ্রে।

বেঙ্গালুরুদা রমাইয়া মেদিকেল কলেজদা দোক্তর জিতেন্দ্র সিংহনা নেসনেল একাদেমি ওফ মেদিকেল সাইন্সেস(ইন্দিয়া)গী ৬৩শুবা চহিগী মীফমদা ৱা ঙাংখ্রে।

মশামক দোক্তর অমা ওইনা অমসুং দাইবেতোলোজিস্ত অমা ওইনা শকখঙনরিবা দোক্তর জিতেন্দ্র সিংহনা হায়খি মেদিকেলগী শীনফমদা লৈরিবা নহা ওইরিবশিং  মখা তানা লেপ্তনা স্কিল হেনগৎহনবা তঙাইফদে। প্রধান মন্ত্রী মোদীগী লমজিং মখাদা প্রিভেন্তিপ অমসুং ইন্তেগ্রেতেদ হেল্থকিয়ারদা ভারত মাংজিল থারে। লৈবাক অসিগী নাগরিক খুদিংমক্তা প্রিভেন্তিপ হেল্থকিয়ারগী খুদোংচাবা পীনবা নেসনেল একাদেমি ওফ মেদিকেল সাইন্সেসগুম্বা প্রোফেসনেল মেদিকেল বোদিশিং অমসুং ভারত সরকারনা পুন্না থবক তৌমিন্নগদবনি।

য়ুনিয়ন মিনিস্তরনা হায়খি ঐখোয়না অফবা অনা-লায়য়েংগী খুদোংচাবা পীবা ঙমদবা মফমশিংদা, অনৌবা তেক্নোলোজিশিংগী পাম্বৈনা লায়নাশিং মাঙজৌননা ঙাকথোক্নবা ঐখোয়না মীৎয়েং চঙগদবনি। করিগুম্বা ঐখোয়না ঙম্লবদি প্রিভেন্তিপ হেল্থকিয়ারদা দোক্তরশিং স্পিসিএলাইজ তৌনবা হিরম অসিদা নেসনেল একাদেমি ওফ মেদিকেল সাইন্সেসনা থবক পায়খৎকদবনি, মসিনা ঐখোয়না অনা-লায়য়েংগীথবক তৌবা নত্তনা, প্রিভেন্তিপ হেল্থ কিয়ারনা India@2047 শেমগৎকদৌরিবা য়াম্লবা নহারোলশিংগী থৌনা-পাঙ্গল য়োক্তুনা থম্বদা ঐখোয়না মতেং পাংগনি।

দোক্তর জিতেন্দ্র সিংহনা হায়খি হৌখিবা চহি ৯দা ভারত অসি শেন য়াম্না তিংদনা লায়য়েংবা য়ারবা মফম অমা ওইরে অমসুং মসি ২০১৪দগী শ্রী মোদীনা প্রধান মন্ত্রী ওইরকপদগী অনা-লায়য়েংগী লমদা অচৌবা অওনবা কয়া পুরকপা অমসুং প্রোভিজন কয়া থবক ওইনা পাংথোকপদগী ঙমখিবনি। মমাঙদা ভারত প্রিভেন্তিপ হেল্থকিয়ারগী লমদা মালেম্না খঙনরমদে, অদুবু ঙসিদি দি.এন.এ কোবিদ ভেক্সিন, মালেমদা অহানবা ইন্ত্রা-নেসাল কোবিদ ভেক্সিন, সর্ভাইকল কেন্দর ঙাকথোক্নবা ভারত মশানা অহানবা ওইনা পুথোকপা তিকা “সেরভাভেক” অমসুং অতোপ্পা লায়নাশিংগী অতোপ্পা ভেক্সিনশিং পুথোক্তুনা মালেমদা ভেক্সিনগী মফম অমা ওইনা খঙনরে।

দোক্তর জিতেন্দ্রনা হায়খি মোদী সরকারনা অনা-লায়য়েংগী থবক অসি মরুওইনা লৌরি। ২০১৪দা মেদিকেল কলেজ ১৪৫ লৈরম্বদগী, কলেজ ২৬০দা হেনগৎলে, মসিগী মথক্তা এ.আই.আই.এম.এস ১৯ তম্বা হৌঋএ। ২০১৪দা এম.বি.বি.এস য়ু.তি সিত ৫১,৩৪৮ লৈরম্বদগী চাদা ৭৯ হেনগত্তুনা সিত ৯১,৯২৭ য়ৌরে। ২০১৪দা পি.জি সিত ৩১,১৮৫ লৈরম্বদগী চাদা ৯৩ হেনগত্তুনা হৌজিক সিত ৬০,২০২ য়ৌরে।

মহাক্না হায়খি অয়ুস্মান ভারত অসি মালেমদা খ্বাইদগী চাউবা হেল্থ ইন্সুরেন্স স্কিম ওইরে অমসুং মসি প্রধান মন্ত্রী মোদীনা হৌদোকখিবনি। মসি হৌজিক নাদ্রিবা অনাবা অমা ফাওবা কোনশিনবা মালেমদা অমতা ঙাইরবা হেল্থ ইন্সুরন্স স্কিম্নি।

য়ুনিয়ন মিনিস্তরনা হায়খি পুন্সি শাংবা হেনগৎলকপগা লোয়ননা, অমৃত কাল মনুংদা ভারতনা নাকল অনি চিংখায়নবা খুদোংচাদবা অমা মায়োক্নগনি। অপুনবা মীশিংগী চাদা ৭০ হেন্না চহি ৪০গী মখাদা লৈবা মীওইশিংনি। অতোপ্পা অমদা, নহা ওইরিবা মীওই মশিং য়াম্না লৈরি, অতোপ্পা অমদা, ঐখোয়গী অহল ওইরবা মীওই মশিং হেনগৎলক্লি। মরম অদুনা, লায়না শন্দোরকপা ঙাকথোক্নবা অমসুং মপাঙ্গল শোন্থরকপা ঙাকথোক্নবা ঐখোয়না খুদোংচাদবা অনি ময়োক্নরি।

দোক্তর জিতেন্দ্র সিংহনা হায়খি ভারতনা স্তার্দঅপ ইকোসিস্তেম, স্পেস তেক্নোলোজি, ক্বান্তম তেক্নোলোজিগী লমদা য়াম্না চাউনা খুমাঙচাউশিল্লে। হন্দক নিউ দিল্লিদা মাইপাক্না পাংথোকখিবা জি-২০ মীফমগী নাকলদা ইন্তরনেসনেল বাইওফুয়েল এল্লাইন্স লাউথোকখ্রে অমসুং মসিনা মেদিকেলগী লমদসু য়াম্না চাউনা কান্নবা পীগনি। প্রধান মন্ত্রী নরেন্দ্র মোদী মালেমদা খ্বাইদগী মমিং চৎপা লুচিংবা অমা ওইরি।

সাইন্স অমসুং তেক্নোলোজিগী মিনিস্তরনা হায়খি চন্দ্রয়ান-৩ অমসুং ভারতকী ভেক্সিনগী ৱারি অসি হৌখিবা চহি ৪-৫দা ভারতকী অচৌবা মাইপাকপনি। ঐখোয়গী খুদিংমক লৈরে, অদুবু থবক ওইনা পাংথোকপা চহিচা অমগীদমক ঐখোয়না ঙাইরি। থবক ওইনা পাংথোকপা চহিচা অদু থৌশিল শেম্বশিংগী থাকশিং, রাজনিতিগী লুচিংবশিংগী থাকশিং অমসুং প্রধান মন্ত্রী মোদী লাক্লবা মতুংদা ওইরকপনি।  অপুনবা মীশিংগী চাদা ৭০ চহি ৪০গী মখাদা লৈবা মীওইশিং লৈবা লৈবাক অমদা, ঙসিগী নহারোলশিং India@2047 গী মরুওইবা নাগরিকশিং ওইরগনি, প্রধান মন্ত্রীনা পান্দম থম্লিবা ঐখোয়গী শেন্মিৎলোন চাউখৎলকপগী পান্দম অসি প্রিভেন্তিপ হেল্থকিয়ার অমসুং পাক-শন্না স্কৃন্নিং তৌবনা মতেং পাংগনি।

****