সাইন্স অমসুং তেক্নোলোজী (ইন্দিপেন্দেন্ত চার্জ), এম.ও.এস. পি.এম.ও., পব্লিক গ্রাইবেন্স, পেন্সন, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী, দাঃ জিতেন্দ্র সিংহনা ভারতকী সরকারগী ওফিসশিংদা চত্থরিবা স্পিসিএল কেম্পেন 3.0গী অহানবা চয়োলগী মায় পাকপশিং হঙ্গৎনা য়েংশিনখ্রে অমসুং ওক্তোবর 2-7, 2023গী মতমগী মনুংদা পেন্দেন্সী হন্থহনবা অমসুং স্বচ্ছতাবু ইন্সতিত্যুস্নেলাইজ তৌবদা ফংবা মায় পাকপশিংবু থাগৎপা ফোংদোকখ্রে।

মন্ত্রালয়/বিভাগ অমসুং মখোয়গী ফিল্দ/আউতস্তেসন ওফিসশিংদা মশিং য়াম্না শরুক য়াবগী মতৌ উবা ফংখি হায়না দাঃ জিতেন্দ্র সিংহনা হায়খ্রে। কেম্পেন অসিগী অহেনবা মিৎয়েংদি পব্লিক ইন্তর্ফেস লৈবা ওফিসশিংবু কেম্পেন অসিগী মনুং চলহনবনি হায়না মহাক্না হায়খি। কেম্পেন অসি চত্থবা মতমদা লৈবাক্কী আউতস্তেসন ওফিস/দিফেন্স ইস্তাব্লিশমেন্ত অমদি PSUশিংবু মনুং চলহন্দুনা সেচ্যুরেসন তৌহন্নবা মহাক্না মন্ত্রালয়/বিভাগশিংগী মফমদা খঙহনখি।

স্পিসিএল কেম্পেন অসিনা মশাগী অহানবা চয়োলদা সাইজ অমসুং স্কেলদা হোলিস্তিক ওইবগী মতৌগা লোয়ননা মসিদা লৈবাক শিনবা থুংবদগী শরুক য়াখি। মফম 42,000 হেনববু মসিগী মখাদা চলহনখি অমসুং ফিল্দ ওফিস/PSU/দিফেন্স ইস্তাব্লিশমেন্ত/মিসন অমসুং পোস্তশিংদা মায় পাকপগী মতৌবু নীংথিনা উৎপা ত্বীত 4000 মন্ত্রালয়/বিভাগকী মাইকৈদগী থাদোকখি।

স্পিসিএল কেম্পেন অসিবু কেবিনেত মন্ত্রী, রাজ্যশিংগী মন্ত্রী অমসুং ভারত সরকারগী সেক্রেতরীশিংনা য়েংশিনখিবগা লোয়ননা মরী লৈনবা থৌওংশিং পাংথোকপদা মখোয়না লমজিং লমতাকখি অমসুং লুচিংখি। ইমপ্লিমেন্তেসন ফেজকী অহানবা চয়োলদা, পোস্ত বিভাগনা মফম 12785, রোদ ত্রান্সপোর্ত অমসুং হাইৱে মন্ত্রালয়না মফম 11588, স্কুল এজুকেসন অমসুং লিতরেসী বিভাগনা মফম 8652, মিলিতরী এফিয়র্স বিভাগনা মফম 3000 অমসুং ফর্তিলাইজর বিভাগনা মফম 1585তা লু-নানবগী কেম্পেন পাংথোকখি।

স্পিসিএল কেম্পেন 3.0গী মায় পাকপশিং অসি মসিগীদমক্তা লৈরিবা পোর্তেল (https://scdpm.nic.in/) অসিদা নুমিৎ খুদিংগী য়েংশিল্লি। DARPG সেক্রেতরীগী লুচিং মখাদা নোদেল ওফিসরশিংগা লোয়ননা চাং নাইনা য়েংশিনবগী মীফম ফম্লি। স্পিসিএল কেম্পেন 3.0 অসিনা সোসিএল মীদিয়াদা মশক থোকপা মিৎয়েং ফংখি অমসুং মন্ত্রালয়/বিভাগশিংনা ত্বীত 4000 হেনবা, DARPG হেন্দলনা ত্বীত 250 তৌবগা লোয়ননা #SpecialCampaign3.0গী ইনফোগ্রাফিক্স 300 অমসুং PIB স্তেতমেন্ত 115সু থোকখি।

স্পিসিএল কেম্পেন 3.0 অসিগী অহানবা চয়োলদা ওক্তোবর 2-7, 2023গী মনুংদা ফংখিবা মায় পাকপশিং মখাদা পীরিঃ

স্পিসিএল কেম্পেন 3.0গী অহানবা চয়োলদা উবা ঙমখিবা খ্বাইদগী ফবা থৌওংশিংগী মরক্তগী মশক থোকপা খরাঃ

1. সেন্ত্রেল বোর্দ ওফ দাইরেক্ত তেক্সঃ ইকায় খুম্ননীংঙাই ওইরবা শেল থুম মন্ত্রীনা CBDTগী CPGRAMSতা I-GoT লোঞ্চ তৌখিবা
2. এদমিনিস্ত্রেতিব রিফোর্ম অমসুং পব্লিক গ্রাইবেন্স বিভাগ – ইকায় খুম্ননীংঙাই ওইরবা MOS PP, দাঃ জিতেন্দ্র সিংহনা সেপ্তেম্বর 29, 2023 ইন্তেল্লিজেন্ত গ্রাইবেন্স মোনিতরিং সীস্তেম (IGMS) 2.0 হৌদোকখিবা
3. লৌউ-শিংউ অমসুং লৌমীশিংগী য়াইফ য়ুম্বাল বিভাগ – কৃষি ভবন্দা ভর্তিকেল গার্দেন
4. স্কিল দিভেলপমেন্ত অমসুং ওন্তোপ্রিনর্শিপ মন্ত্রালয় – ITI বেরহাম্পুরদা প্লাস্তিক বোত্তলশিংনা শমুগী মীতম শাখিবা
5. এজুকেসন মন্ত্রালয়গী হাইয়র এজুকেসন বিভাগ – নাগপুরগী VNITনা প্লাস্তিক্কী ফত্ত-হৌদীদগী চেক দাম শাবা
6. সাইন্তিফিক অমসুং ইদস্ত্রীএল রিসর্চ বিভাগ – মচেৎ-মচেৎ তাহল্লবা ই-ৱেস্ততগী মমল নাইবা ধাতু নীংথিনা লৌথোক্নবা রিসাইক্লিং তৌবা
7. তেলিকোম বিভাগ – “নোংমগী পুন্সিদা স্বচ্ছতা” হায়বা থীমদা অঙাশিংগী লাই য়েকপগী চাংয়েংনবগী থৌরম পাংথোকপা
8. স্তেত বেঙ্ক ওফ ইন্দিয়া (ফাইনেন্সিএল সর্ভিস বিভাগ) – হরিয়ানাগী পঞ্চকুলা, PBB সেক্তর 14দা লৈবা SBIদা স্পিসিএল কেম্পেন 3.0গী বেন্নর উৎপা
9. এজুকেসন মন্ত্রালয়গী স্কুল এজুকেসন অমসুং লিতরেসী বিভাগ – CBSE স্কুলগী মহৈরোইশিংনা মখয়গী স্কুলগী মনাক নকপশিং শেংদোক্তুনা লু-নান্না লৈবা অমসুং সস্তেনেবল ওইবগী পাউজেল শন্দোকপগা লোয়ননা স্বচ্ছতা কেম্পেনগী শ্রামদান পাংথোকপা

চহি কয়া অসিদা লৈরক্লিবা পেন্দেন্সী হন্থহনখিবা অসিবু দাঃ জিতেন্দ্র সিংহনা থাগৎখি অমসুং থবকশিং অসিগী খোঙজেল হন্থহন্দনা অনিশুবা চয়োলগী অরোইবা ফাওবদা কেম্পেন অসিগী পান্দমগী 50% ফংনবা হোৎনসি হায়বা ৱাফম থমখি। স্পিসিএল কেম্পেন 3.0 অসি ওক্তোবর 31, 2023দা লোইশিনগদবনি অমসুং নবেম্বরগী অহানবা চয়োলদা ইভালুএসন ফেজ অমুক হৌগদবনি।

***