Hadien ka jingkyntu u Myntri Rangbah Duh, u Narendra Modi ia ka jingpynkhuid ha kylleng ka ri ha ka 1 tarik u Risaw, u Hardeep Singh Puri, Myntri Sorkar Pdeng ba dei khmih ia ki tnat Housing & Urban Affairs bad Petroleum and Natural Gas u la iashim bynta ha ka prokram ‘Shramdaan for Cleanliness’ kum shi bynta ka ‘Swachhata Hi Seva’ campaign hangne mynta ka sngi. U Myntri u la ialam ia ka jingpynkhuid ha Princess Park ha Copernicus Marg, New Delhi. Ki nongpynkhuid shnong, ki khynnah pule, ki briew kiba sah ha kane ka jaka ha ryngkat ki ophisar na ka tnat Housing & Urban Affairs ki la iashim bynta ha kane ka jingpynkhuid.

Ha ka post ha ka rynsan social media, ka ‘X’, u Myntri u la ong “Da ka jingioh mynsiem na ka jingkyntu u Myntri Rangbah Duh, u Narendra Modi Ji na ka bynta ka Swachhata Hi Seva, nga la iadon lang bad kiba sah ha ka jaka sah kaba shipor ha Princess Park ha Copernicus Marg kumba shi kynta ka Shramdaan na ka bynta ka India kaba lait na ka jingbret niut pathar.”

Ha une u bnai ba la dep, ha ka bynta kaba 105 jong ka Mann ki Baat, u Myntri Rangbah Duh, u Narendra Modi u la kyntu ia ki briew jong ka ri ba kin iashim bynta ha ka “shi kynta ka shramdaan na ka bynta ka swachhata” ha ka 1 tarik u Risaw, bad u la ong ba kane ka dei ka jingpynkup burom (‘swachhanjali’) ia u Mahatma Gandhi ha ka sngi shuwa ka lyngkhuh sngi kha jong u.

Katto katne ki dur na ka jingpynkhuid ha Copernicus Marg, New Delhi:

*****