ভারত সরকারগী তুরিজম মন্ত্রালয়না নই দিল্লীগী প্রগতী মৈদানগী নীংথিরবা ইন্তর্নেস্নেল একজিবিসন-কম-কনভেন্সন সেন্তর (IECC)দা পাংথোক্কদৌরিবা পেসিফিক এসিয়া ত্রাভেল এসোসিএসন (PATA) ত্রাভেল মার্ত 2023গী য়ুম্বু ওইগনি হায়না চাউথোকচনা লাওথোক্লি।

মার্ত অসি ইং 2023গী ওক্তোবর 4দগী 6 ফাওবদা পাংথোক্কনি, মসিনা মালেম পুম্বগী তুরিজম প্রোফেস্নেল অমসুং কারবারগী স্তেকহোলদরশিংবু অমত্তা ওইনা পুরক্কনি। ত্রাভেল মার্ত অসিগী ফিজিকেল ভর্জন অসি লাইচৎ লৈবনা মরম ওইরগা চহি অহুম লেপ্লুরবা মতুংদা অমুক হন্না পাংথোকপা হৌরকপনি।

পেসিফিক এসিয়া ত্রাভেল এসসিএসন (PATA) অসি বেঙ্কোক্তা ময়াই লোইশঙ ওইদুনা ইং 1951দা হৌদোকখিবনি অমসুং এসিয়া পেসিফিক লমদমদা ত্রাভেল অমসুং তুরিজম্বু থৌদাং খঙনা চাউখৎহনবদা খোঙজেল য়াঙশিনহনবগী থৌদাং য়াখিবা মালেমগী নন-প্রোফিত লুপ অমনি হায়না মখোয়বু মীয়াম্না খঙনৈ। PATA ত্রাভেল মার্ত অসি তুরিজম সেক্তরগীদমক্তা থবক তৌবা মালেমগী ওইবা মরু ওইবা ত্রেদ একজিবিসনশিংগী মনুংদা অমা ওইরি অমসুং মসিনা অয়াম্বনা এসিয়া পেসিফিক লমদমগী ওইবা গ্লোবেল বাইয়র অমসুং সেল্লরশিংগী মরক্তা লল্লোন ইতিক তৌনবগী ফম্বাক অমা ওইনসু তেংবাংই। মার্ত অসিনা তোঙান-তোঙানবা সেক্তরশিংগী একজিবিতর অমসুং এতেন্দী কয়া অমত্তা ওইনা পুরক্কনি, অমসুং মখোয়গী মফমদা নেতৱর্কিং, লর্নিং অমসুং কোলাবোরেসন তৌবগী তোপ-তোপ্পা ফম্বাক অমসু পীগনি।

হন্দক্কী চহিগী থৌরমসিদা তোঙান-তোঙানবা খোঙথাং কয়া য়াওগনি, মসিগী মনুংদা PATA গোল্দ এৱার্দ, PATA য়ুথ সিম্পোজিয়ম, PATA ফোরম ওন সস্তেনেবিলিতীগা লোয়ননা B2B মার্তসু য়াওগনি। থৌরম অসি সেপ্তেম্বরদা শঙ্গাখিবা অমসুং ভারতকী খ্বাইদগী নৌবা অমদি মশক নাইবা একজিবিসন পাংথোকফম ওইরিবা প্রগতী মৈদানগী ইন্তর্নেস্নেল একজিবিসন-কম-কনভেন্সন সেন্তরদা পাংথোক্কনি। G20গী লুচিংবশিংগী সম্মিত পাংথোকফম অমা ওইনা মসিনা মালেম পুম্বগী লুচিংবশিংগী য়ুম্বু ওইখিবনি। হন্দক্কী চহিদা G20 সম্মিত মায় পাক্না পাংথোকখিবনা ভারতপু পাম্নরবা অচৌবা থৌরম অমসুং কনভেন্সন পাংথোকফম ওইহনখ্রে। সস্তেনেবল অমসুং ইনক্লুসিব ওইবা তুরিজমগী থবকশিং লৈবনা, ভারতনা MICE থৌরম শিনবগী পাম্নরবা মফম অমা ওইহল্লে। G20 নই দিল্লী লীদর্স দিক্লারেসন (NDLD)না SDG ফংনবা নৌহৌননা খোঙফম চেৎপগা লোয়ননা, তুরিজম অমসুং কলচরগী মরু ওইবা থৌদাংশিংবু সস্তেনেবল ওইবা সোসিও ইকোনোমিক দিভেলপমেন্ত অমসুং ইকোনোমিক প্রোস্পেরিতী পুরকপগী পাম্বৈ অমনি হায়না শক্তাকখিবগা লোয়ননা, গোৱা রোদমেপ ফোর তুরিজম অসিবু SDG ফংবগী পাম্বৈ অমনি হায়নসু শক্তাকখি। তুরিজম মন্ত্রালয়না মালেমগী তুরিজম নুমিৎ, সেপ্তেম্বর 27দা মিসন লাইফকী লমজিং মখাদা ত্রাভেল ফোর LiFEকী সস্তেনেবল ওইবা প্রোগ্রাম অমসু ইকুই কুইদনা মালেমগী ওইনা হৌদোকখি। মসিনা তুরিজম সেক্তর, তুরিস্তশিংনা লমকোয়বা মতমদা থৌদাং খঙনা মরী লৈনবা কাঙলোন ইলহনবগী ৱাফম্বু খোঙথাং অসিগী পান্দম ওইনা থম্লি।

PATA ত্রাভেল মার্ত অসিদা ভারতসু মশক থোকপা মওংদা শরুক য়াগনি। মার্ত অসিদা লৈগদৌরিবা ভারতকীদমক্তা অখন্ননা খাক্লবা পেভিলিয়ন অমনা ভারতকী লমকোয়ফম খুদিংগী অপুনবা ইমর্সিব এক্সপেরিএন্স অমা পীগনি। হায়রিবা লমকোয়ফমশিং অসিদা মীয়াম্না হান্নদগী খঙনরবা অমসুং খঙনদ্রিবা মফমশিংসু য়াওগনি। রাজস্থান, গুজরাত, দিল্লী, করনাতকা, তেলঙ্গানা, উত্তরাখন্দ অমসুং মধ্য প্রদেশকুম্বা অতোপ্পা রাজ্য অমসুং হেন্দলুম দিভেলপমেন্ত কম্মিস্নরগুম্বা মরী লৈনবা মন্ত্রালয়সু মখোয়গী পোত্থোক উৎনবা স্তেন্দ অমসুং স্তোল শেম্লি। মার্ত অসি B2B মার্তখক্কী মপুং ওইরবসু, মসিনা তোঙান-তোঙানবা রাজ্যশিংগী ৱেলনেস, এদভেঞ্চর, হেরিতেজ, ক্যুলিনরী অমসুং আর্ত অমদি ক্রাফকুম্বা মখল কয়াগী থীমেতিক পোত্থোকশিংবু মালেমগী মাঙদা পুথোক্কনি।

***