প্রধান মন্ত্রী, শ্রী নরেন্দ্র মোদীনা সেপ্তেম্বর 30, 2023গী অয়ুক্কী পুং 10 তাবা মতমদা নই দিল্লীগী ভারত মন্দপমদা ‘সঙ্কল্প সপ্তাহ’ কৌবা চয়োল অমা চুপ্না চত্থগদবা লৈবাক অসিগী এস্পিরেস্নেল ব্লোকশিংগী চাউখৎ থৌরাংগী তোপ-তোপ্পা থৌরম অমা হৌদোক্কনি।

‘সঙ্কল্প সপ্তাহ’ হায়বসি এস্পিরেস্নেল ব্লোক প্রোগ্রাম (ABP)শিংবু নীংথিনা চত্থবগী থৌওংগা মরী লৈনৈ। লৈবাক শিনবা থুংবগী প্রোগ্রাম অসি প্রধান মন্ত্রীনা জনুৱারী 7, 2023দা হৌদোকখিবনি। মসিনা মীয়ামগী পুন্সি মহিং ফগৎহন্নবগীদমক্তা লৈঙাকপগী থৌওংবু ব্লোক লেভেলদা হেন্না ফগৎহনবগী পান্দম থম্মি। মসিদি লৈবাক্কী জিলা 329 শিনবা থুংবগী অপুনবা এস্পিরেস্নেল ব্লোক 500তা চলায়বনি। এস্পিরেস্নেল ব্লোক প্রোগ্রাম চত্থনবা অমসুং ব্লোকপু চাউখৎহনবগী চুনবা থৌরাং য়াৎনবগীদমক্তা লৈবাক শিনবা থুংবগী খুঙ্গং অমসুং ব্লোক্কী থাক্তা চিন্তন শিবির কয়া অমসু পাংথোকখ্রবনি। ‘সঙ্কল্প সপ্তাহ’ হায়বসি হায়রিবা শিবিরশিংগী পুন্না লোইশিনবগী থৌরম অমনি।

‘সঙ্কল্প সপ্তাহ’ অসি লৈবাক্কী জিলা 329 শিনবা থুংবগী অপুনবা এস্পিরেস্নেল ব্লোক 500তা পাংথোক্কনি। ওক্তোবর 3দগী 9, 2023 ফাওবা চত্থগদবা ‘সঙ্কল্প সপ্তাহ’গী নুমিৎ খুদিংনা এস্পিরেস্নেল ব্লোকশিংনা থবক তৌগদবা চাউখৎ থৌরাংগী অখন্নবা হীরম অমমমদা মিৎয়েং চঙগনি। অহানবা নুমিৎ তরুক্নিগী থীমশিংদা ‘সম্পুর্না স্বস্থ্য’, ‘সুপোশিৎ পরিবার’, ‘স্বচ্ছতা’, ‘কৃষি’, ‘শিক্ষা’ অমসুং ‘স্মৃধী দিবস’ য়াওরি। চয়োল অসিগী অরোইবা নুমিৎ, হায়বদি, ওক্তোবর 9, 2023 অসিবু ‘সঙ্কল্প সপ্তাহ – সমাবেশ সমারোহ’ হায়না অপুনবা চয়োল অসিদা পাংথোকখিবা থবকশিংগী নুংঙাইবা ফোংদোক্কনি।

ভারত মন্দপমদা পাংথোক্কদৌরিবা থৌরম অসি হৌদোকপদা লৈবাক শিনবা থুংবগী চাউরাকপা পঞ্চায়ত 3000, ব্লোক লেভেলগী মীয়ামগী মীহুৎ অমসুং থৌমীশিংনা শরুক য়াগনি। হায়রিবশিং অসিগী মথক্তা, ব্লোক অমসুং পঞ্চায়ত লেভেলগী থৌমী, লৌমী অমসুং পুন্সিগী থেংখাং কয়াগী মীওই চাউরাকপা লাখ অনিমুক্না থৌরম অসিদা ভর্চুএলগী খুত্থাংদসু শরুক য়াগনি।

***