নেস্নেল সেন্তর ফোর কোল্দ চেন দিভেলপমেন্ত (NCCD)না লুচিংদুনা লৌউ-শিংউ অমসুং লৌমীশিংগী য়াইফ থৌরাং মন্ত্রালয়না পুন্না হোৎনমিন্নবগী মতৌবু মশক নাইবা মওংদা উৎপা ওইনা, লৈবাক শিনবা থুংবদা লৈরিবা কোল্দ চেন স্তেকহোলদরশিংবু মরী লৈনবা ই-পাউ খঙহনবগী মখোয়গী খোঙফম চেৎলবা মিসন মখা তানা চত্থরি। য়ুনিয়ন তেরিতোরী জম্মু অমসুং কশ্মিরদা মখোয়না হন্দক্তা শিন্দুনা পাংথোকখিবা ইন্দিয়া কোল্দ চেন কনক্লেবনা মায় পাকখিবা অদুনা মখোয়গী খোঙফম চেৎপগী খুদম অমা ওইরি।

চীফ সেক্রেতরী, দাঃ অরুন কুমার মেহতা অমসুং রাজ্যপালগী এদভাইজর, শ্রী রজীব রাই ভত্নাগরগুম্বা লুমিনারীশিং য়াওনা শক্নাইরবা দেলিগেৎ, চাউরাক্না 400মুক্না শরুক য়াখিবা কনক্লেব অসিনা চাউখৎ থৌরাংদা তেংবাংগদবা ৱারি ৱাতাই অমসুং লৌশিং লান্নবগী ফম্বাক অমা ওইনা মথৌ পাংথোকখি। সেপ্তেম্বর 20দা পাংথোকখিবা অচৌবা মীফম অসিদা ইকায় খুম্ননীংঙাই ওইরবা মীথুংলেনশিং, মিং ওইনা পল্লবদা, লৌউ-শিংউ অমসুং লৌমীশিংগী য়াইফ থৌরাং বিভাগকী জোইন্ত সেক্রেতরী (হোর্তিকলচর), প্রিয়া রঞ্জন ভর্মা; NCCDগী COO, শ্রী আশীশ ফোতেদার; হোর্তিকলচর কশ্মিরগী দাইরেক্তর, শ্রী ঘুলাম রসুল; PHDCCI-কশ্মিরগী চেয়রমেন অমসুং SKUAST-Kগী ভাইস চান্সেল্লর, শ্রী গনাই অমসুং মরী লৈনবা অতোপ্পা ওফিসিএলশিংনা শরুক য়াখি।

চীফ সেক্রেতরী, দাঃ অরুন কুমার মেহতানা মসিগুম্বা মরু ওইবা কনক্লেব অসিবু কশ্মিরদা পুরকপগী থৌওং অসিবু থাগৎখি অমসুং পাম্বী থাবশিংদা কান্নবা ফংহন্নবগীদমক্তা তম্পাক অসিগী CA স্তোরশিংগী কেপাসিতী হেনগৎহন্নবা ৱাফমসু তকশিনখি। রাজ্যপালগী এদভাইজর, শ্রী রজীব রাই ভত্নাগরনা থৌরম অসিগী মরু ওইবশিং তাক্লদুনা লৌমী, পাম্বী থাবা অমসুং CA ইন্তর্প্রাইসশিংদা মপুং ফাবা মতেংসু পাংখি।

জোইন্ত সেক্রেতরী (হোর্তিকলচর), শ্রী প্রিয়া রঞ্জন্না সস্তেনেবল ওইবা কোল্দ চেনগী মরু ওইবা অমসুং NCCDনা ইনর্জী, তেক্নোলোজী, ক্লাইমেত্তা মিৎয়েং চঙদুনা কোল্দ চেন সেক্তরগী চাউখৎ থৌরাংবু মতৌ করম্না খুমাং চাউশিনহল্লি অমসুং মসিনা য়ুনিয়ন তেরিতোরী J&Kদা ইনভেস্তমেন্তকী অহেনবা খুদোংচাবা লৈহল্লক্কনি হায়বগী মতাংদা ৱাফম থমখি।

জোইন্ত সেক্রেতরী, শ্রী প্রিয়া রঞ্জন্না হিমালয় লমদমদা সস্তেনেবল ওইবা কোল্দ চেনশিংগী চাউখৎ থৌরাং লৈবগী তঙাই ফদবশিংগী মতাংদা মীয়ামগী মিৎয়েং চীংশিনখি। পাক চাউরবা চৎন-কাঙলোন শেমখিবা অমসুং মনুং হুৎপা স্তদী, এৱিয়র্নেস কেম্পেন অমসুং কেপাসিতী বিলদিংগী থৌরম কয়া মায় পাক্না পাংথোকখিবা অসিদসু মহাক্না মিৎয়েং চঙখি। মালেমগী মীশিং হেনগৎলক্লিবা অসিনা মরম ওইরগা রিসোর্সস তাঙশিল্লক্লিবা মালেম অসিদা ঐখোয়না মাইয়োক্নরিবা শিংনবশিং অসি খন্নরুরগদি, হায়রিবা অপুনবা থৌওংশিং অসি য়াম্না মরু ওইরক্লি।

শিংনবনা থল্লবদা তুংগী মতম অমগী থোংজিন্দা ঐখোয়না লেপ্লিবা অসিদদি, শেন্মিৎলোনগী চাউখৎ থৌরাং অমসুং অকোয়বগী ফিভম ঙাক শেনবগী মতৌবু খল মান্ননা থম্বগী তঙাই ফদবা অসি হৌজক্তি নীংথিনা ময়েক শেংলে। সস্তেনেবল দিভেলপমেন্তকী মঙলান অসি য়াম্না মনুং হুৎলি, মসিনা চাউখৎ থৌরাং অমসুং ঐখোয়গী তাঙলবা ইকোসীস্তেম ঙাক শেনবগী থৌওংশিং খল ঙাক্না চৎপগী ব্লুপ্রিন্ত অমসু তাক্লি।

তেক্নোলোজীনা খোঙজেল য়াঙনা চাউখৎপা অমসুং কঞ্জ্যুমরশিংগী অপাম্বনা খম থেংনা ৱাংখৎলক্লিবা হৌজিক্কী য়ুগ অসিদা কোল্দ চেন সেক্তরনা মরু ওইবা থৌদাং অমা লৌরি। অকোয়বগী মতাংদা নীংথিনা খঙদুনা অমসুং ইনর্জী য়াম্না চাদবা কুলিং সোল্যুসন শিজিন্নদুনা পত্থ পুমথবদা থুবা পোত্থোকশিং চেকশিন্না থম্বা হায়বসি য়াম্না মরু ওইরক্লি। ক্লাইমেত চেঞ্জকী শিংনবশিংদা অথুবা মতমদা মিৎয়েং চঙবা অমসুং ঐখোয়গী ইনভাইরনমেন্ততা কনভেনস্নেল রেফিরজরেন্তনা পীবা চৈথেং হন্থহনবা হায়বসি হান্নদগী হৌজিক্না হেন্না য়াম্না মরু ওইরে।

NCCDগী COO, শ্রী আশীশ ফোতেদারনা NCCDনা কোল্দ চেন চাউখৎহন্নবা মতৌ করম্না লেপ্তনা হোৎনদুনা লাক্লিবা অমসুং থৌরম অসিদা মরু ওইবা পীদুনা মতৌ করম্না দিজাইন তৌখিবা অমসুং মসিগা লোয়ননা, হৌখিবা চহি তরুক/তরেৎকী মনুংদা মমাংদা উখিদ্রিবা চাউখৎ থৌরাং লৈরক্লিবা তম্পাক অসিদা কোল্দ চেনবু সস্তেনেবল ওইবা মওংদা চাউখৎহন্নবা NCCDনা থৌরম অসি শ্রীনগরদা মতৌ করম্না পুরকখিবা হায়বগী মতাংদা ৱাফম থমখি। 

জোইন্ত সেক্রেতরীনা হোর্তিকলচরগী দাইরেক্তর, NCCDগী COOগা লোয়ননা লৌমীশিংগী তেংবাংগীদমক্তা শেমখিবা ইনফ্রাস্ত্রকচর য়েংশিন্নবগীদমক্তা পাম্পোরেদা লৈবা IIKSTCদা চৎখি অমসুং সেফ্রোন সেক্তরগী চাউখৎ থৌরাংগীদমক্তা সরকারনা খোঙফম চেৎলিবশিংবু অমুক্কা হন্না নীংশিংখি।

জোইন্ত সেক্রেতরী (হোর্তিকলচর, MOA&FW), শ্রী প্রিয়া রঞ্জনগা লোয়ননা NCCDগী COO, শ্রী আশীশ ফোতেদার, দাইরেক্তর হোর্তিকলচর শ্রী মিরগী মতিক লৈবা লমজিং মখাদা খা এসিয়াগী মোদর্ন CA স্তোরশিংগী মরু ওইবা হব অমা ওইরবা IGC- লসিপোরাদা চত্তুনা লৌমীশিংনা কান্নবা ফংনবগীদমক্তা অওনবা কয়া খোঙজেল য়াঙনা পুরক্লিবা অসিবু য়েংশিনখি।

মসিগুম্বা হেন্দ-ওন এপ্রোচ অসিনা পংঙাংদা ঙাংবা তোক্তুনা চাউখৎ থৌরাং তসেংনা পুরক্নবগীদমক্তা খোঙফম চেৎপগী মতৌ উৎখি।

সেপ্তেম্বর 20, 2023দা SKICCদা লোইশিনখিবা 1বা ইন্দিয়া কোল্দ চেন কনক্লেব – হিমালয়ান চেপ্তরদা মমল য়াম্লবা মতেং পাংখিবগীদমক্তা শ্রী মিরনা মীহুৎ শিল্লিবা হোর্তিকলচর দাইরেক্তোরেত, শ্রী প্রিয়া রঞ্জন অমসুং শ্রী আশীশ ফোতেদারনা JKPICCAগী মফমদা থাগৎ ৱাহৈ ফোংদোকখি। তম্পাক অসিদা সস্তেনেবল ওইবা কোল্দ চেন দিভেলপমেন্ত লৈরকপবু হেন্না নুংঙাই য়াইফবা অমসুং অকোয়বগী ফিভমগী মতাংদা খঙবা তুংগী মতম অমগীদমক্তা থাজবগী মঙাল অমা ওইনা উরিবা মখোয়গী অপুনবা মিৎয়েং অসিগীদমক্তা মখোয়বু শ্রী প্রিয়া রঞ্জন্না থাগৎখি।

লমদম অসিগী কোল্দ চেন সেক্তরনা লেপ্তনা শাহৌ লৌহন্নবগীদমক্তা লুপ, কোল্দ চেনগী মপু, পাম্বী থাবা অমসুং অতোপ্পা স্তেকহোলদরশিংগী মফমদা লেপ্তবা তেংবাং অমসুং তেক্নিকেল এসিস্তেন্স পীনবা NCCDনা খোঙফম চেৎলিবা অসিবু শ্রী আশীশ ফোতেদারনা অমুক্কা হন্না পনখি।

JKPICCAগী প্রসিদেন্ত, শ্রী মাজিদ ৱাফাই, শ্রী ইজান জাবীদ অমসুং তম্পাক অসিগী নহা ওইবা অতোপ্পা ওন্তোপ্রিনরশিংনা কশ্মির তম্পাক্তা লৈবাক্কী থাক্কী কনফরেন্স পাংথোকপগীদক্তা NCCDবু থাগৎপা ফোংদোকখি। NCCDনা মালেমগী ৱাঙাংলোই, শেল-থুমগী ইন্সতিত্যুসন, ইনর্জী স্পিসিএলিস্তনচিংবশিংবু কনক্লেব অসিগীদমক্তা কশ্মিরদা পুরকপা অমসুং CA স্তোর ভেল্লীগী চাউখৎ থৌরাংবু মালেমগী মেপ্তা য়াওহন্নবা হোৎনখিবগী মতৌবুসু মখোয়না থাগৎনখি। কোল্দ চেন ইন্দস্ত্রীগা মরী লৈননা লাক্লিবা মালেমগী অহোংবশিংগী মতাংদা অকক্নবা ই-পাউখক ফংলম্বা লমদমসিগী লৌমী, পাম্বী থাবা, ইন্তর্প্রাইসশিংদা অহেনবা খুদোংচাবা ফংহন্নবগীদমক্তা থৌরম অসিবু কশ্মিরদা চহি খুদিংগী পাংথোকপীনবা JKPICCAগী প্রসিদেন্তনা NCCDগী মফমদা হায়জখি। JKPICCAনা তম্পাক অসিগী খ্বাইদগী চাউবা কোল্দ চেন ইন্তর্প্রাইসকী মীহুৎ ওইজগে অমসুং মথংগী থৌরম অসিবুসু JKPICCAনা শিঞ্জগে হায়না JKPICCAনা NCCDগী মফমদা হায়জখি।

NCCDগী COOনা NCCDনা মীয়াম মরক্তা এৱিয়র্নেস লৈহন্নবা কন্না হোৎনরি অমসুং মথক্তা পনখিবা ৱাফম অসিগী মতাংদা খন্নগনি হায়বগী থাজবা পীখি। লোয়ননা, লমদমসিগী লৌমী, পাম্বী থাবশিংগী খুদোংচাবা অমসুং ইন্দস্ত্রী অসিবু ইনর্জী ইফিসিএন্ত অমসুং ক্লাইমেত ফ্রেনলী হেন্না ওইহন্নবা থম্লিবা NCCDগী পান্দম অসিবুসু খন্নদুনা মতাং চাবা মতমদা মসিগী ৱারেপ লৌগনি হায়বগী থাজবসু মখা তানা পীখি।

থৌরম অসিনা মায় পাকপদা থৌদাং য়াখিবা হোর্তিকলচরগী JKPICCA দাইরেক্তোরেত, BBE অমসুং ISHRAE য়াওনা মরু ওইবা পার্ত্নরশিংগী মাইকৈদগী মমল নাইদ্রবা তেংবাং কয়া কনক্লেব অসিনা ফংখি। পুন্না হোৎনমিন্নবা অসিনা সস্তেনেবল ওইবা কোল্দ চেনগী থৌরাংনা ভারত্তা লৌরিবা মরু ওইবা থৌদাংশিংবু লেপ্তনা শকখঙনরক্লিবা অসিদা মিৎয়েং চঙখি।

***