য়ুথ এফিয়ার্স অমসুং স্পোর্তস মন্ত্রালয়না য়ুথ এফিয়ার্স অমসুং স্পোর্তস মন্ত্রী শ্রী অনুরাগ সিংহ থাকুরগী চিয়রপর্সনশিপ মখাদা ২০২৩গী সেপ্তেম্বর ২২দা নই দিল্লীদা রিভ্যু মীফম অমা পাংথোকখ্রে।

মীফম অসিদা ভারত পুম্বগী রাজ্য সরকারশিংদগী সেক্রেতরী থাক্কী ওফিসরশিংনা শরুক য়াখি। মন্ত্রী শ্রী অনুরাগ সিংহ থাকুরনা মহাক্কী ৱারোলদা হায়খি, “ঐখোয়গী অপুনবা পান্দমদি ঐখোয়গী লৈবাক্তা য়ুথ এঙ্গেজমেন্ত অমসুং স্পোর্তসকী ফ্যুচরবু মওং মতৌ পীবনি। য়ুথ এফিয়ার্স বিভাগকী থৌদাংদি নহাশিংবু এঙ্গেজ তৌবা অমসুং মখোয়বু তোঙান তোঙানবা থাকশিংদা মতেং ওইনবা রোদমেপ অমা শেম্বনি।”

মরুওইবা এজেন্দা অমদি নেস্নেল য়ুথ ফেস্তিবেল (এন.ৱাই.এফ.) রিস্ত্রকচর তৌবা ওইখি। মসিদা য়ুবা পোর্তেলদা নহাশিংবু পুরক্তুনা ইনফোর্মেসন দিসসেমিনেসন মেকানিজম অমসুং আউতরিচ ফগৎহনবদা পুক্নিং চিংশিনখি। রাজ্য/য়ু.তি.শিংনা জোব ক্রিয়েসন, এক ভারত স্রেস্থ ভারত, সাইন্স/সাইন্স ফোর সোসাইতীগী থোংদা মিল্লেত পুথোকপা হেনগৎহনবা, হেল্থ অমসুং ফিৎনেস অমসুং মিশন লাইফকা মরী লৈনবা অপীবা থীমশিংদা নেস্নেল য়ুথ ফেস্তিবেল (এন.ৱাই.এফ.)গীরিস্ত্রকচর তৌবদা প্রজেন্তেসনশিং লান্থোকখি, মদুগী মখা তারকপদা ওপন হাউস খন্ন-নৈনবা অমা পাংথোকখি।

মীফম অসিনা নহাশিং এঙ্গেজ তৌবগীদমক য়ুভা পোর্তেল শিজিন্নবগী পোতেন্সিয়েল মখা তানা খন্ন-নৈনখি। প্লেতফোর্ম অসিদা হান্ননা ইমপ্রেসিব ওইবা নহা লাখ ১১.৭০ রেজিস্তার তৌরে, বিজিনেস ৯২১ শম্নখ্রে অমসুং য়ুথ ক্লব ৭২৬৯ ইস্তাব্লিস তৌখ্রে। য়ুথ এফিয়ার্স বিভাগনা বিজিনেস অমসুং পোলিস দিপার্তমেন্তদা নহাশিংগীদমক এক্সপরেন্সিয়েল লর্নিং প্রোগ্রামদা কানরবা প্রজেন্তেসন অমা লান্থোকখি। রাজ্য সরকার কয়া অমনা হায়খি মদুদি মখোয়না এক্সপরেন্সিয়েল লর্নিং প্রোগ্রামগীদমক নহাশিংবু পুন্সিনবদা নুংঙাইবা ফাওগনি মরমদি মসিনা নহাশিংবু থবক ফংহন্নবা মতিক চাহনবদা ফগৎহল্লগনি।  

মীফম অসিদা য়ুথ এঙ্গেজমেন্ত, মেন্তেল অমসুং ফিজিকেল দিবলপমেন্ত অমসুং নহাশিংগী মরক্তা দিসিপ্লিন হেনগৎহনবদা এদভেঞ্চর স্পোর্তসকী মরুওইবদসু প্রজেন্তেসন লান্থোকখি। ইন্দিয়ন মাউন্তেনিয়রিং ফাউন্দেসনগী মায়কৈদগী প্রজেন্তেসন অমা লান্থোকখি।

মদুগী মতুং স্পোর্তসকী দিবলপমেন্তগীদমক সেসন পাংথোকখি মদুদা তোঙান তোঙানবা মরুওইবা এজেন্দাদা খন্ন-নৈনখি মদুদা রাজ্যশিংনা লৌগদবা অচৌবা থৌদাং অমা লৈরি। খন্ন-নৈনখিবা মরুওইবা হিরমশিংদা অমদি খেলো ইন্দিয়া স্কিমগী মখাদা রাজ্যশিংদা স্পোর্তস ইনফ্রাস্ত্রকচর দিবলপ তৌবনি, মখোয়গী প্রোগ্রেস অমসুং দেদিকেতেদ মোবাইল এপ্লিকেসন অমগী থোংদা পি.এম. গতি শক্তি মিসনগী মখাদা রাজ্যদা স্পোর্তস ইনফ্রাস্ত্রকচর পুম্নমক্কী জিওতেগ্গিং য়াওরি।

খেলো ইন্দিয়া স্কিমগী তোঙান তোঙানবা ভর্তিকেলশিংগী মতাংদা প্রজেন্ত লান্থোকখি। মসিদা জিলা থাক্তা খেলো ইন্দিয়া সেন্তরশিংগী ইস্তাব্লিসমেন্ত য়াওরি, মদুদা খেল্লোইন্দিয়া সেন্তর ১০০০ দেজিগনেত তৌখি। লোয়ননা মসিদা হৌখিবা চেম্পিয়ন এথেলেতশিংগী ত্রেনিং, চাউরকপা মোনিতরিং অমসুং ইভালুয়েসন মেকানিজম অসিনচিংবদা মরুওইবা পীবগা লোয়ননা খেলো ইন্দিয়া স্তেত সেন্তর ওফ এক্সিলেন্স ইস্তাব্লিস তৌবা য়াওরি।  

ফিত ইন্দিয়া মিসনগী মখাদা লৌখৎপা তোঙান তোঙানবা ইনিসিয়েতিবশিংদা খন্ন-নৈনখিবা অদু মরুওইবা এজেন্দা অমা ওইখি। মসিদা ফিত ইন্দিয়া ক্বিজ, মহৈরোই ৬১,০০০ হেনবনা শরুক য়াদুনা স্পোর্তস অমসুং ফিতনেসদা পাংথোকপা খ্বাইদগী চাউবা নেস্নেল লেবাল ক্বিজ, স্কুল থাক্তা পাংথোকপা তোঙান তোঙানবা এক্তিবিতীশিং ওইরিবা ফিত ইন্দিয়া স্কুল ৱীক অমসুং ফিত ইন্দিয়া মোবাইল এপ্লিকেসন  অমসুং মসিগী সিগনিফিকেন্স মনুং চল্লি।

প্রজেন্তেসন অসিদা জোনেল অমসুং নেস্নেল থাক্তা পাংথোকপা মরুওইবা নুপীগী স্পোর্তস লীগ ‘খেলো ইন্দিয়া অস্মিতা’সু মনুং চল্লি মদু রাজ্য ২৭গী শহর ১২০দা পাংথোকখি।

খেলো ইন্দিয়া স্কিম য়ৌশিনবা হেনগৎহন্নবা অমসুং ইফেক্তিব একজিক্যুসনদা মতেং পাংনবা রাজ্যশিংদা হায়জখি।

থৌরমগী অহৌবদা সেক্রেতরী (য়ুথ এফিয়ার্স)না তিল্লিবা পুম্নমকপু তরাম্না ওকখি অমসুং মেরী মাতী মেরা দেশ থৌরম মায় পাক্না চত্থনবগীদমক য়ুভা পোর্তেল শিজিন্নবগী মতাংদা হায়খি।

*******