দীনদয়াল সম্বাদ অন্ত্যোদয়া য়োজনা-নেস্নেল রুরেল লাইবলিহুদ মিসন (দি.এ.ৱাই-এএন.আর.এল.এম.) অমদি ইন্সতিত্যুৎ ফোর ৱাৎ ৱর্ক্স তু এদভান্স জেন্দর ইক্বেলিতী (আই.দব্লিউ.দব্লিউ.এ.জি.ই.)না ঙরাং মফমসিদা মরিশুবা জেন্দর সম্বাদ পুন্না পাঙথোকমিন্নখ্রে‍।

মরিশুবা জেন্দর সম্বাদ লৈবাক শিনবা থুংনা দি.এ.ৱাই.-এন.আর.এল.এম.গী জেন্দর ইন্তরভেন্সনগী মতাঙদা, স্তেত অমদি এস.ঐচ.জি. মেম্বরশিংগী খোঞ্জেল তাবদা মীৎয়েঙ থম্বগা লোয়ননা, মীয়ামদা পাক শন্না খঙহন্নবা শেয়র্দ প্লেৎফোর্ম অমা শেমগৎনবা তোপ তোপ্পা থৌরাং অমনি‍। ভর্চুএল থৌরম অসিনা এ.ও.আর.দি., ৱুমেন এন্দ চাইল্দ দিভেলপমেন্ত মন্ত্রালয়, বিহার লৈঙাক্কী মকোক থোংবা ওফিসিএলশিং অমদি স্তেত লৈঙাক্কী ওফিসিএলশিং, প্রাক্তিস্নরশিং, জেন্দর এক্সপর্তশিং, একাদমিয়া, সিভিল সোসাইতী এক্তরশিং, অমদি সেল্ফ-হেল্প গ্রুপশিংগী মেম্বরশং য়াওনা মীওই ৮০০০ হেনববু পুনশিন্নহনখি‍।

মরুওইবা ৱারোল পীরদুনা, খুঙ্গং চাওখৎ থৌরাং মন্ত্রালয়গী এদিস্নেল সেক্রেতরী, শ্রী চরঞ্জিৎ সিংহনা জেন্দর বেজ ভাইওলেন্সকী স্তেতিস্তিক্সকী মতাঙদা নুংনাংবা ফোঙদোকখি অমদি হায়রিবা ৱাফমশিং অসিগী ৱাখৈ পুরকপদা কম্ম্যুনিতীদা য়ুম্ফম ওইবা ইন্সতিত্যুসনশিংগী থৌদাংদা মরুওইবা ৱাফমশিং থমখি‍। জেন্দর বেজ ভাইওলেন্স লাকশিন্নবা ইন্তর-মিনিস্তরিএল কন্ভরজেন্স পুরক্নবা, মরুওইনা ইন্ফোর্মেসন অমদি ব্রোদকাস্তিং মন্ত্রালয় অমসুং এজুকেসন মন্ত্রালয় পুনশিন্নদুনা মীয়ামদা পাক শন্না খঙহন্নবা অমদি ৱাখল তাহন্নবা ৱাফমশিং থমখি‍।

দি.এ.ৱাই.-এন.আর.এল.এম. জোইন্ত সেক্রেতরী, শ্রীমতি স্মৃতী শরন্না নুপীশিং মপাঙ্গল হাপ্পদা অমদি খুঙ্গংগী লমদা নুপীশিংগী ৱাফমশিংগী পাম্বৈ পুরক্নবা মোদেল ইন্সতিত্যুসনশিং শেম্নবা, অখন্ননা জেন্দর রিসোর্স সেন্তরগী ফম্পাক্কী খুত্থাঙদা, পায়খৎলিবা থৌরাংশিং পুথোক্তুনা থমখি‍।

ঝার্খন্দ, কেরলা অমদি ওরিসা য়াওনা তোঙান তোঙানবা স্তেতশিংদগী কম্ম্যুনিতী রিসোর্স পর্সনশিং জেন্দর বেজ ভাইওলেন্স লাকশিন্নবা ইন্সতিত্যুস্নেল ওইবা লাল্লোং য়াৎননবা মখোয়গী এক্সপিরিএন্সশিং তাথোক তাশিন তৌননবা পাউজেনখি‍। ওরিসাদগী শ্রীমতি রজনী দন্দসেনানা গ্রাম পঞ্চায়তকী থাক্তা লৈরিবা প্রেরনা কেন্দ্র (জেন্দর রিসোর্স সেন্তর)শিংদা তৌরিবা থবক থৌওংগী মতাঙদা মহাক্না থেংনরকপশিং পাউদমখি‍। প্রেরনা কেন্দ্রশিংনা জেন্দর ফোরমগী খুত্থাঙদা অতৈ দিপার্তমেন্তশিংদা মপাঙ্গল কনবা মরী শাগৎলি অমদি ভাইওলেন্সকী থৌদোক ৱাথোকশিংগী ৱাখৈ পুরকপা ঙম্লি‍। নবেম্বর ২০২২দা হৌদোকখিবা জেন্দর কেম্পেন অসিনা জি.বি.ভি.গী মতাঙদা পাক শন্না মীয়ামদা খঙহনখি অমদি নুপীশিংগী ইন্সতিত্যুসনশিংগী খুত্থাঙদা মীয়াম্না থবক ওইনা পায়খৎলক্নবা ৱাফম থমখি‍। নুপীশিংনা ৱিত্চ হন্তিং, দ্রগ লান্না শীজিন্নবা, সেক্সুএল ভাইওলেন্সনচিংবা ৱাফমশিংগী ৱাখৈ পুরক্নবগী মতাঙদা মখোয়গী ওইবা এক্সপিরিএন্সশিং থমখি‍।

বিহার লৈঙাক্কী জীবিকাদগী লাকপা শ্রিমতী মহুৱা রোই চৌধরীনা জেন্দ্র ত্রেনিং, পেদাগোজীশিং তম্বা অমদি আই.ই.সি. মচাকশিং শীজিন্নবগী মরুওইবা ৱাফমশিং থমখি অমদি মসিনা মরম ওইরগা নুপানা খুৎলিংবা অমদি খুন্নাইগী চৎন-পথাপশিংদা মরা তাদুনা লৈখ্রবা ভাইওলেন্সকী ৱাফমশিংগী পাম্বৈ পুরক্নবগীদমক জেন্দর রেস্পোন্সিব ইন্সতিত্যুসনশিং, অখন্ননা দিদী অধিকার কেন্দ্রশিং শেম্বগী মতাঙদা ৱাফম কয়া থমখি‍। মহাক্না স্তেত অদুদা নুপীশিংবু ৱার্দ মেম্বর অমদি মুখিয়াশিং ওইহন্দুনা রাজনিতীগী ওইবা মপাঙ্গল হাপ্পগী মতাঙদসু ৱাফম কয়া থমখি‍। নুপীশিং মখা তানা মপাঙ্গল হাপ্নবগীদমক হায়রিবা ইন্সতিত্যুসনশিং অসি হিংহন্দুনা থম্বগী মরুওইবা ৱাফমশিংসু ফোঙদোকখি‍।

তুংদা খন্ন-নৈনবগী থৌরম অমা পাথোক্তুনা নুপী অমদি অঙাংগী চাওখৎ থৌরাং মন্ত্রালয়গী জোইন্ত সেক্রেতরী, জেন্দর এক্সপর্তশিং অমদি নুপীশিংগী মঙমগী উকিলশিংনা জি.বি.ভি. লাকশিন্নবগীদমক এস.আর.এল.এম. অমদি ফাস্ত ত্রেক কোর্ত, তোঙান তোঙানবা স্তেকহোল্দরশিংদা হোরাইজন্তেল অমদি ভর্তিকেল জেন্দর ত্রেনিং পীবা অমদি ইন্তর-মিনিস্তরিএল কন্ভরজেন্সনা মায়কৈ কয়া লোংবা লাল্লোং লেপথোকপা য়াওনা লিগেল রিমেদীগুম্বা সিস্তেমগা মরী লৈনবা খুদোংচাবশিংগী মরুওইবা ৱাফমশিং খন্নখি‍। পেনেল অদুনা হিংবা ঙম্নবগীদমক অনৌবা মচৎকী ওইবা শেল থাদবগী মওং, শক্তি সদন অমদি সোর্ত স্তে হোম্নচিংবা নুপীশিংগী শাফগদবা মফম, দেতানা থৌদুনা পুবা লৈঙাক্লোন অমদি নুপীশিংগী ওইবা শেন্মিৎলোনগী এজেন্সীনচিংবা ৱাফমশিং খন্নখি‍। খন্নখিবা অদুদা মিসন শক্তিগী মখাদা লৈরিবা নারী অদালতশিং অমদি দি.এ.ৱাই.-এন.আর.এল.এম.গী মখাদা লৈরিবা জেন্দর রিসোর্স সেন্তরশিং পুনশিন্নদুনা থবক তৌমিন্ননবগী চাউরাকপা ফীভম নৈনখি‍। সম্বাদ ২০২৩ অদু মাঙজৌননা ঙাকথোক্নবগী থৌরাংশিং, পুনশিন্নবা অমদি প্রোব্লেম লোইশিন্নবা অনৌবা অমদি লম-লমদুগী ওইবা থৌওংশিংদা মীৎয়েঙ থম্লগা নুপীশিংগী মরুওইবা ইসুশিংগী ৱাখৈ পুরক্নবগীদমক পুনশিন্নবগী মথৌ তাবা ৱাফমশিং থম্নদুনা লোইশিনখি‍।

*****