গ্রীন মোবিলিতীগী মাইকৈদা থাংজিনবা মশক থোকপা খোঙথাং অমা ওইনা, পেত্রোলিয়ম অমস্নগ নেচরেল গ্যাস অমদি হাউজিং অমসুং অর্বান এফিয়র্সকী কেন্দ্র মন্ত্রী, শ্রী হর্দীপ সিংহ পুরীনা দিল্লীগী কর্তব্য পথতা সেপ্তেম্বর 25, 2023দা 1বা গ্রীন হাইদ্রোজেন ফুএল সেল বস লম্থারগনি।

রিন্যুএবল ইনর্গী শিজিন্নদুনা পুথোকপা গ্রীন হাইদ্রোজেন্দা কার্বনগী চাং নেম্বা অমসুং মরোমদোম লেপচবা ঙম্বা শেন্মিৎলোনগী লম্বী য়াৎপদা মরু ওইবা থৌদাং য়াবা ঙম্বগী মতিক লৈ। গ্রীন হাইদ্রোজেন্না লৈবাক অসিদা লমদম, কুমজা অমসুং সেক্তর নাইদনা মরাং কায়না ফংবা ইনর্জী রিসোর্স কয়া অমা শিজিন্নবা য়াহল্লি, অমসুং মসিনা ফুএল নত্ত্রগা ইন্দস্ত্রীগী ফীদস্তোক অমা ওইনা য়ুসেজ স্ত্রীম অমদগী হেনবদা তেংবাংবা ঙম্মি। মসিনা পেত্রোল রিফাইন তৌবা, স্তীল পুথোকপনচিংবদা শিজিন্নরিবা ফোসিল ফুএলদগী লৌবা ফীদস্তোকশিংগী মহুৎ হকথেংননা শিন্দোকপা ঙম্মি।

ফুএল সেল তেক্নোলোজী অসি ই-মোবিলিতী পেরাদাইমদা খ্বাইদগী মরু ওইবা স্পোক অমা ওইনা থোক্লক্লি। হাইদ্রোজেন অসি ফুএল সেলগী ফুএল ওইনা শিজিন্নবা য়াই। ইলেক্ত্রোকেমিকেল রিএক্সন থোকপা মতমদা এনোদতা লৈরিবা ফুএল (হাইদ্রোজেন) অমসুং কেথোদতা লৈরিবা নুংশিত্তগী ওক্সীজেনবু ঈশিংদা ওন্থোকই অমসুং ইলেক্ত্রোনগী মওংদা ইলেক্ত্রিকেল ইনর্জী পুথোকই। ফুএল সেলশিং অসি মোবিলিতীগী অতোপ্পা পাম্বৈশিংগা চাংদম্নবা মতমদা য়াম্না হেন্না ইফিসিএন্ত য়াম্না ওই। বেত্তরীগী গারীশিংগা চাংদম্নবা মতমদা ফুএল সেলগী গারীশিংদা য়াম্না শাংনা চৎপা অমসুং রিফুএল তৌবগী মতম হন্থবগী খুদোংচাবা লৈ। হাইদ্রোজেন গ্যাস অসি কম্প্রেস তৌদুনা সিলিন্দরশিংদা হাপ্পি, মসি অয়াম্বা মতমদা 350 barগী প্রেসরগা লোয়ননা হাপ্নৈ।

অওনবা পুরকপদা মাংজিল থাবাঃ ভারতকী খ্বাইদগী অহানবা গ্রীন হাইদ্রোজেন্না চলায়বা ফুএল সেল বস

গ্রীন হাইদ্রোজেন্না চলায়বা ফুএল সেল বস 15বু দিল্লী, হরিয়ানা অমসুং UPগী মশক খঙদোক্লবা লম্বীশিংদা চাংয়েং ওইনা চেনবগী সাইন্সতা য়ুম্ফম ওইবা প্রোগ্রাম অমা ইন্দিয়ন ওইলনা হৌদোক্লি। প্রোগ্রাম অসিগী মখাদা, ফুএল সেল বস 2গী অহানবা সেত অমা ইন্দিয়া গেত্তগী 25.9.2023দা (নিংথৌকাবা) লম্থাগনি। প্রোজেক্ত অসিনা ফুএল সেল বস চলায়নবগীদমক্তা গ্রীন হাইদ্রোজেনবু 350 barদা থাদোকপা ভারতকী অহানবা খোঙথাং ওইগনি। ইন্দিয়ন ওইলনা ঐখোয়গী R&D ফরিদাবাদ কেম্পস্তা স্তেত ওফ দি আর্ত দিস্পেন্সিং ফেসিলিতী অমসু লিংখৎলে। মসিনা সোলর PV পেনেল শিজিন্নদুনা পাংথোকপা ইলেক্ত্রোলাইসিস্তগী পুথোকপা গ্রীন হাইদ্রোজেনবু রিফুএল তৌবা ঙমগনি।

মাঙদা লৈরিবা লম্বীঃ মতম শাংনা কান্নবা পীগদবা অমসুং তুংদা পীরক্কদবা খুদোংচাবশিং

বস 2 অসি লম্থাবগা লোয়ননা, বসকী পরফোর্মেন্সপু অশাংবা মতমদা য়েংশিন্নবা অমসুং অনৌবা তেক্নোলোজী অসিগী শিজিন্নদা খুদোংচাবগী মতোউ য়েংথোক্নবগীদমক্তা বসশিং অসিনা পুন্না কিলোমীতর লাখ 3 চেনগনি। মসিগুম্বা মনুং হুৎপা চাংয়েং অসিদগী লৌরকপা দেতানা নেস্নেল রিপোজিতরী ওইনা মথৌ পাংথোক্কনি অমসুং মসিনা গ্রীন হাইদ্রোজেন্না পাৱর তৌদুনা লৈবাক অসিদা পুরক্কদবা জিরো ইমিসনগী তুংগী ফিভম শেমগনি।

*****