খুঙ্গংগী চাউখৎ থৌরাংগী কেন্দ্রগী মন্ত্রী, শ্রী গিরিরাজ সিংহনা সেপ্তেম্বর 26, 2023দা দাঃ বি.আর. অম্বেদকর ইন্তর্নেস্নেল সেন্তরদা পাংথোকপা 2শুবা নেস্নেল সেমিনারদা  “সোসিএল ওদিৎ ওফ রুরেল দিভেলপমেন্ত প্রোগ্রাম’গী মতাংদা ৱা ঙাঙগনি। সেমিনার অসিগী থীমদি “ত্রান্সপরেন্সী অমসুং একাউন্তেবিলিতী লৈহনবগী পান্দমগা লোয়ননা সোসিএল ওদিৎপু অনৌবা মওংদা অমুক পাংথোকপা” হায়বসিনি।

খুঙ্গংগী চাউখৎ থৌরাং অমসুং স্তীলগী কেন্দ্রগী রাজ্য মন্ত্রী, শ্রী ফগান সিংহ কুলাসে; খুঙ্গংগী চাউখৎ থৌরাং অমসুং কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসনগী কেন্দ্রগী রাজ্য মন্ত্রী, সাধভী নিরঞ্জন জ্যোতী অমসুং পঞ্চায়তী রাজকী কেন্দ্রগী রাজ্য মন্ত্রী, শ্রী কপিল মোরেশ্বর পাতিল অমদি খুঙ্গংগী চাউখৎ থৌরাংগী বিভাগকী সেক্রেতরী, শ্রী শৈলেশ কুমার সিংহ, জোইন্ত সেক্রেতরী (মহাত্মা গান্ধী NREGA), শ্রী অমিত কতারিয়া অমসুং মন্ত্রালয়গী ওফিসর, রাজ্য অমসুং UT সরকারশিংগী সেনিয়র ওফিসরশিংসু থৌরম অসিদা শরুক য়াগনি।

সেমিনার অসিদা শরুক য়ারিবা অখঙ-অহৈ অমসুং ওফিসিএলশিংনা সোসিএল ওদিৎকা মরী লৈননা লৈরিবা মখোয়গী এক্সপেরিএন্সশিং পাউদম্নবা রাজ্যশিংগী মাইকৈদগী পাউজেল পীখি। সেমিনার অসিগী মনুংদা, রাজ্য/UTশিংগী সোসিএল ওদিৎ য়ুনিৎশিংগী দাইরেক্তরশিংনা মখোয়গী রাজ্যশিংগী সোসিএল ওদিৎ তীমগী SRP (স্তেত রিসোর্স পর্সন), DRP (দিস্ত্রিক্ত রিসোর্স পর্সন), অমসুং BRP (ব্লোক রিসোর্স পর্সন)শিংগা লোয়ননা শরুক য়াগনি। মখোয়না ফোংদোক্লকপা ৱাফমশিংনা খন্ন-নৈনবা অসিবু তসেংনা মগুন লৈহনগনি, অমসুং গ্রাউন্দদা শিজিন্নরিবা খ্বাইদগী ফবা থৌওংশিংনা অতোপ্পশিংনা মতৌ তম্বা য়াবা মোদেল অমা ওইনা তেংবাংগনি।

মহাত্মা গান্ধী নেস্নেল রুরেল ইমপ্লোয়মেন্ত গেরেন্তী এক্ত (মহাত্মা গান্ধী NREGA) অসিনা গ্রাম সভাশিংদা মখোয়গী থবক অমসুং চাদিংশিংবু চাং নাইনা সোসিএল ওদিৎ তৌবগী হক পীরি। মসিগী মনুংদা মনিং তম্বা সোসিএল ওদিৎ য়ুনিৎকী খুত্থাংদা সোসিএল ওদিৎ তৌবা, রেকোর্দ খুদিংগী ওনলাইন অমসুং ওফলাইনগী মপুং ফাবা এক্সেস, অমসুং ৱাল রাইতিংগী খুত্থাংদা প্রো-এক্তিব দিস্ক্লোজর তৌবগী খুদোংচাবা পীরি। মহাত্মা গান্ধী NREGA অসিদি গ্রাম সভানা পায়খৎপা প্রোজেক্ত খুদিংগী ওদিৎ তৌবা য়াহনবা খ্বাইদগী অহানবা এক্তনি। মতমদুদগী হৌদুনা, মসিগুম্বা অয়াবা অসি অতোপ্পা স্কিম কয়া অমদসু পীবা হৌখি।

কেন্দ্র সরকারনা কোম্পত্রোল্লর অমসুং ওদিতর জেনেরেল ওফ ইন্দিয়া (CA&G)গা তানদুনা মহাত্মা গান্ধী নেস্নেল রুরেল ইমপ্লোয়মেন্ত গেরেন্তী ওদিত ওফ স্কিম রুল, 2011গী নোতিফাই তৌখি অমসুং মসিনা রাজ্য অমসুং UTশিংনা সোসিএল ওদিৎ তৌবগী মেথোদোলোজী অমসুং প্রিন্সিপলশিং য়াৎলি। হৌজিক ফাওবগী ওইনা, রাজ্য/UT 28না সোসিএল ওদিৎ য়ুনিৎ হাংদোকখ্রে। SAUশিংগী মফমদা রাজ্য, জিলা অমসুং ব্লোক্কী থাক্তা তঙাই ফদবা কোর স্তাফ লৌদুনা ত্রেনিং পীনবা মতম পুম্বদা খঙহল্লি।

নবেম্বর 13-14, 2019দা মায় পাক্না পাংথোকখিবা অহানবা নেস্নেল সেমিনারগী মতুংদা, খুঙ্গং চাউখৎ থৌরাং বিভাগনা য়েংশিনবা মরু ওইবা স্কিম খুদিংগী সোসিএল ওদিৎ পাংথোকপা হৌখি। রাজ্য/UTশিংদা পাংথোক্লিবা সোসিএল ওদিৎশিংগী হৌজিক ওইরিবা ফিভম খঙবা হায়বসি য়াম্না তঙাই ফদবনি, মসিগী পান্দমদি ত্রান্সপরেন্সী অমসুং একাউন্তেবিলিতী পুরকপনি। হীরম অসিগা মরী লৈননা, খুঙ্গং চাউখৎ থৌরাং বিভাগনা সেপ্তেম্বর 26তা অনিশুবা নেস্নেল সেমিনার অসি শিল্লিবনি।

*****