ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಶ್ರೀ ಪ್ರಲ್ಹಾದ್ ಜೋಶಿ ಅವರು 2023ರ ಸೆಪ್ಟೆಂಬರ್ 17ರಿಂದ 20ರವರೆಗೆ ಭಾರತಕ್ಕೆ ಭೇಟಿ ನೀಡಿದ್ದ ಕೆನಡಾದ ಯುಕಾನ್ ಪ್ರಧಾನಿ ಗೌರವಾನ್ವಿತ ರಂಜ್ ಪಿಳ್ಳೈ ನೇತೃತ್ವದ ಕೆನಡಾದ ನಿಯೋಗದೊಂದಿಗೆ ಇಂದು ಸಭೆ ನಡೆಸಿದರು.

ಈ ಸಚಿವರ ಮಟ್ಟದ ಸಭೆಯಲ್ಲಿ, ಎರಡೂ ರಾಷ್ಟ್ರಗಳು ಗಣಿಗಾರಿಕೆ ಕ್ಷೇತ್ರದಲ್ಲಿ, ವಿಶೇಷವಾಗಿ ನಿರ್ಣಾಯಕ ಖನಿಜಗಳ ಗಣಿಗಾರಿಕೆಯಲ್ಲಿ ಸಹಕಾರವನ್ನು ಹೆಚ್ಚಿಸುವ ಬಗ್ಗೆ ಚರ್ಚಿಸಿದರು. ಭಾರತ ಮತ್ತು ಕೆನಡಾ ಎರಡೂ ರಾಷ್ಟ್ರಗಳ ನಡುವೆ ನಿರ್ಣಾಯಕ ಖನಿಜಗಳ ಪೂರೈಕೆ ಸರಪಳಿಯನ್ನು ಬಲಪಡಿಸಲು ಒಟ್ಟಾಗಿ ನಿರ್ಧರಿಸಿದವು.

ಯುಕಾನ್ ಕೆನಡಾದ ಪಶ್ಚಿಮದ ಭೂಪ್ರದೇಶವಾಗಿದ್ದು, ಇದು ಖನಿಜ ಸಂಪನ್ಮೂಲಗಳಿಂದ ಸಮೃದ್ಧವಾಗಿದೆ. ಯುಕಾನ್ ನ ಪ್ರಮುಖ ಖನಿಜ ಸಂಪನ್ಮೂಲಗಳೆಂದರೆ ಸೀಸ, ಸತು, ಬೆಳ್ಳಿ, ಚಿನ್ನ, ಆಸ್ಬೆಸ್ಟಾಸ್, ಕಬ್ಬಿಣ ಮತ್ತು ತಾಮ್ರ.

ಗೌರವಾನ್ವಿತ ರಂಜ್ ಪಿಳ್ಳೈ ಅವರು ಯುಕಾನ್ ನಲ್ಲಿನ ಗಣಿಗಾರಿಕೆ ಮತ್ತು ಖನಿಜ ಸಾಮರ್ಥ್ಯದ ಬಗ್ಗೆ ವಿವರಿಸಿದರು, ಇದರಲ್ಲಿ ಭಾರತೀಯ ಉದ್ಯಮವನ್ನು ಬೆಂಬಲಿಸಲು ಯುಕಾನ್ ಸಂಪನ್ಮೂಲಗಳ ಮಾರ್ಗಗಳು ಸೇರಿವೆ. ನಿರ್ಣಾಯಕ ಮತ್ತು ಕಾರ್ಯತಂತ್ರದ ಖನಿಜಗಳನ್ನು ಹೊರಗುತ್ತಿಗೆ ನೀಡಲು ಗಣಿ ಸಚಿವಾಲಯವು 'ಕಾಬಿಲ್' ಎಂಬ ಘಟಕವನ್ನು ರಚಿಸಿದೆ ಎಂದು ಶ್ರೀ ಪ್ರಹ್ಲಾದ್ ಜೋಶಿ ಮಾಹಿತಿ ನೀಡಿದರು.

ಖನಿಜ ಸಂಪನ್ಮೂಲಗಳ ಕ್ಷೇತ್ರದಲ್ಲಿ ಸಹಕಾರಕ್ಕಾಗಿ ಮುಂದುವರಿಯುವ ಮಾರ್ಗದ ಬಗ್ಗೆ ಎರಡೂ ಕಡೆಯ ಅಧಿಕಾರಿಗಳು ಚರ್ಚಿಸಲಿದ್ದಾರೆ. ಗೌರವಾನ್ವಿತ ರಂಜ್ ಪಿಳ್ಳೈ ಅವರು ಭಾರತದಿಂದ ನಿಯೋಗವನ್ನು ಯುಕಾನ್ ಗೆ ಆಹ್ವಾನಿಸಿದರು ಮತ್ತು ಹೂಡಿಕೆ ಅವಕಾಶಗಳನ್ನು ಅನ್ವೇಷಿಸಲು ಮತ್ತು ಖನಿಜಗಳನ್ನು ಸ್ವಾಧೀನಪಡಿಸಿಕೊಳ್ಳಲು ನಿಯೋಗಕ್ಕೆ ತಮ್ಮ ಸಂಪೂರ್ಣ ಸಹಕಾರದ ಭರವಸೆ ನೀಡಿದರು. ಈ ಸಭೆ ಎರಡೂ ದೇಶಗಳ ನಡುವಿನ ಸಹಕಾರವನ್ನು ಆಳಗೊಳಿಸಲು ದಾರಿ ಮಾಡಿಕೊಟ್ಟಿದೆ.
 

****