প্রধান মন্ত্রী শ্রী নরেন্দ্র মোদীনা ঙসি বিশ্বকর্ম জয়ন্তীগী থৌরমদা নই দিল্লীদা ত্রেদিস্নেল আর্তিসানশিং অমসুং খুৎহৈবশিংগীদমক ‘পি.এম. বিশ্বকর্ম স্কিম’ হৌদোকখ্রে। প্রধান মন্ত্রীনা পি.এম. বিশ্বকর্ম লোগো, তেগলাইন অমসুং পোর্তেলসু হৌদোকখি। থৌরম অসিদা মহাক্না কস্তমাইজ স্তাম্প শীত অমা, তুক কিৎ ই-বুকলেত অমা অমসুং ভিদীওসু রিলিজ তৌখি। প্রধান মন্ত্রীনা বেনেফিসরী ১৮দা বিশ্বকর্ম সর্তিফিকেৎশিং য়েন্থোকখি। থৌরম অসি লৈবাক পুম্বদা বেনেফিসরী এৱার্নেস হেনগৎনহন্নবা সরকার পুম্বগী স্ত্রেতেজীগী শরুক ওইনা চাউরাক্না মফম ৭০দা পাংথোকখি।

প্রধান মন্ত্রীনা লৈবাক্কী নুংতিগী ওইবা পুন্সিদা বিশ্বকর্মশিংগী থৌদাং অমসুং মরুওইবা অদু পনখি। মহাক্না হায়খি মদুদি তেক্নোলোজীনা ফনা য়াম্না চাউখৎচরবসু সমাজদা বিশ্বকর্মশিংগী মরুওইবা অদুদি মতম পুম্নমক্তা লৈরগনি। মহাক্না হায়খি মদুদি বিশ্বকর্মশিংবু শকখংবা অমসুং তেংবাংবগী মতম অদু লাক্লে। মহাক্না মখা তাখি মদুদি মালেমগী অচৌবা কম্পেনীশিংনা মখোয়গী থবকশিং অপিকপা ইন্তরপ্রাইজশিংদা শিন্নরি। প্রধান মন্ত্রীনা হায়খি, “মসিগী আউতসোর্স থবকশিং ঐখোয়গী বিশ্বকর্ম মরূপশিংনা ফংগদবনি অমসুং মখোয় গ্লোবেল সপ্লাই চেনগী মরুওইবা শরুক অমা ওইগদবনি, ঐখোয়না মসিগীদমক থবক তৌরি। মরম অদুননি স্কিম অসিনা বিশ্বকর্ম মরুপশিংবু মোদর্ন এজদা পুশিন্নবা হোৎনরিবা।” (অকুপ্পা রিলিজগী লিঙ্ক: https://www.pib.gov.in/PressReleaseIframePage.aspx?PRID=1958169)

ইন্দিয়ন ইকোনোমীদা য়োৎশুবা, শনা শাবা, চফু শাবা, উ শুবা, স্কল্পতিং অসিনচিংবা তোঙান তোঙানবা ওকুপেসনশিংদা মথৌ তৌরিবা সেল্ফ-এমপ্লোইদ আর্তিসানশিং অমসুং খুৎহৈবশিং মনুং চনবনা, প্রধান মন্ত্রীনা ত্রেদিস্নেল ক্রাফতা মথৌ তৌরিবা মীওইশিং পুখৎপদা মীৎয়েং থম্লি। মসিগী স্কিলশিং অসি গুরু-শিশ্যা ত্রেদিসনগী খুত্থাংদা ইমুং-মনুং অমসুং ইনফোর্মেল গ্রুপশিংদা বিশ্বকর্মশিংনা মখোয়গী মখুৎশিং অমসুং খুৎলায়শিংনা থবক তৌবগী থোংদা পীরি। স্কিমগী পান্দমশিংদি মখাগী অসিদা থৌগৎপনি:  

• ত্রেদিস্নেল ক্রাফকী ইনাক খুল্লবা কলচরেল হেরিতেজ য়োক্তুনা থম্বা অমসুং প্রমোত তৌবা, অমসুং,
• কারিগরশিংবু ফোর্মেল ইকোনোমীদা অহোংবা পুরকপা অমসুং মখোয়বু গ্লোবেল ভেল্যু চেনদা পুন্সিনবদা মতেং পাংবনি।

হৌদোকপগী থৌরমদা রাঞ্চীদগী শরুক য়ারদুনা ত্রাইবেল এফিয়ার্সকী কেন্দ্র মন্ত্রী শ্রী অর্জুন মুন্দানা হায়খি মদুদি ভারতকী আর্তিসান অমসুং খুৎহৈবশিংনা লৈবাক অসিবু ফজহনবদা মখোয়গী মখুৎশিং শিজিন্নরি, লোয়ননা ইকোনোমী ফগৎহল্লি অমসুং আত্মনির্ভর ভারত অমা শেমগৎলি। মরম অদুনা ত্রেদিস্নেল ক্রাফশিং অসিদা হৈথোই শিংথোইরবশিং অদুদা কানবা ফংহন্নবা ঙসি প্রধান মন্ত্রী শ্রী নরেন্দ্র মোদীনা ‘পি.এম. বিশ্বকর্ম স্কিম’ ওফিসিয়েল ওইনা হৌদোকখ্রে। মন্ত্রীনা হায়খি মদুদি ত্রাইবেল কম্যুনিতীগী মেম্বরশিং য়াওনা মশিং য়াম্লবা মীওইশিং পি.এম. বিশ্বকর্ম স্কিমদগী কানবা ফংলগনি অমসুং মখোয়গী পুন্সিদা মায় পাকপা অমসুং চাউখৎপা পুরক্লগনি।   

कारीगरों और शिल्पकारों के लिए #PMVishwakarma योजना से भारत की अर्थव्यवस्था और मजबूत होगी। - श्री अर्जुन मुंडा, केंद्रीय जनजातीय कार्य मंत्री #PMVishwakarmaYojana pic.twitter.com/X5b5WTlIW6

— Ministry of Tribal Affairs, Govt. of India (@TribalAffairsIn) September 17, 2023

ত্রাইবেল এফিয়ার্সকী কেন্দ্রগী রাজ্য মন্ত্রী শ্রীমতী রেনুকা সিংহ সারুতা অমসুং শ্রী বিশ্বেশ্বর তুদুনা মথংশিৎনা ছত্তিশগরগী রাইপুর অমসুং অসামগী সিলচরদগী শরুক য়াখি। শ্রী মতী সরুতানা হায়খি মদুদি স্কিম অসিগী পান্দমদি মখোয়গী মখুৎ অমসুং খুৎলায়না থবক তৌরিবা আর্তিসানশিং অমসুং খুৎহৈবশিংগী থোংদা ত্রেদিস্নেল স্কিলগী প্রেক্তিস প্রমোত তৌবা অমসুং মপাঙ্গল কনখৎহনবনি। মখোয়গী স্কিল অমসুং হোৎনবা কনবগী খুত্থাংদা লৈবাক্কী চাউখৎপগী মায়কৈদা থৌদাং লৌরিবা অদুগুম্বা সমাজগী সেক্সনশিংগী কাননবগীদমক স্কিম হৌদোকখিবগীদমক শ্রী তুদুনা লৈবাক পুম্বদা নুংঙাইবা ফোংদোকখি। স্কিম অসিনা স্কিম অসিনা অপিকপা বিজিনেসতা ইনোৎ পীরগনি অমসুং লোকেল আর্তিসানশিংবু হেন্না স্কিল লৈবসু ওইহল্লগনি হায়না মহাক্না মখা তাখি।

মশক খংদোক্লবা ত্রেদিস্নেল ত্রেদ তরানিপালদা মথৌ তৌরিবা ইন্দিয়ন আর্তিসানশিং কানবা ফংহন্নবা ৱাখল্লোনদা হৌদোক্লিবা পি.এম. বিশ্বকর্ম স্কিম অসি কেন্দ্র সরকারনা লুপা করোর ১৩,০০০গী শেমফমগা লোয়ননা মপুং ফানা শেল পুথোক্কনি। স্কিম অসিগী মখাদা মতিক চারবা বেনেফিসরীশিং (বিশ্বকর্মশিং)বু বাইওমেত্রিক্তা বেজ তৌবা পি.এম. বিশ্বকর্ম পোর্তেল শিজিন্নদুনা কমন সর্বিস সেন্তরশিংগী থোংদা মমল লৌদনা রেজিস্তার তৌগনি। মখোয়বু পি.এম. বিশ্বকর্ম সর্তিফিকেৎ অমসুং আই.দি. কার্দকী খুত্থাংদা রিকোগনিসন ফংহনগনি, লোয়ননা বেসিক অমসুং এদভান্স ত্রেনিং য়াওনা স্কিল অপগ্রেদেসন অমসুং তুলকীৎ ইন্সেন্তিব ওইনা লুপা ১৫,০০০ ফংহনগনি। মখা তারকপদা লুপা লাখ ১ ফাওবগী কোলেতরেল-ফ্রী ক্রিদিৎ সপোর্ত (অহানবা লোন) অমসুং লুপা লাখ ২ ফাওবগী (অনিশুবা লোন) চাদা ৫গী কন্সেস্নেল ইন্তরেস্ত অমদা ফংহনগনি, মসিগী মথক্তা দিজিতেল ত্রাঞ্জেক্সন অমসুং মার্কেতিং সপোর্তকীদমক ইন্সেন্তিবসু পীগনি।

মাইক্রো, স্মোল & মেদিয়ম ইন্তরপ্রাইজ মন্ত্রালয়না পি.এম. বিশ্বকর্ম য়োজনাগী নোদেল মিনিস্ত্রীনি। স্কিমগী মখাদা মশিং য়াম্লবা ইমপ্লিমেন্তেসন এক্তিবিতীশিং প্লান তৌরিবশিংদা বেনেফিসরীশিংগী আইদেন্তিফিকেসন অমসুং ভেরিফিকেসন, স্কিল অপ-গ্রেদেসন ত্রেনিংগীদমক মখোয়গী মোবিলাইজেসন, ক্রিদিৎ সপোর্ত ফেসিলিতেত তৌবা, মার্কেতিং সপোর্ত অসিনচিংবা য়াওরি, মদুনা বিশ্বকর্মশিংগী য়াইফনবগীদমক স্কিম অসি ইমপ্লিমেন্ত তৌবদা অচৌবা মতেং ফংহল্লগনি।

******