ক্লাস ৬ তগী হৌরগা, মথং-মথং ক্লাস হাপকৎনবা মওংদা এন.জি.ওশিং/লনাই স্কুলশিং/রাজ্য সরকারশিংগা লোয়ননা অনৌবা সৈনিক স্কুল ২৩ লিংখৎনবা থৌরাং ভারত সরকারনা অয়াবা পীরে। থৌরাং অসিগী মখাদা, লৈবাক শীনবা থুংনা লৈরিবা অনৌবা সৈনিক স্কুল ১৯গা সৈনিক স্কুল সোসাইতিশিংগা মেমোরেন্দম ওফ এগ্রিমেন্ত(এম ও এ) খুৎয়েক পীনখ্রে।

পার্তনরশিপকী মওংদা অনৌবা সৈনিক স্কুলশিং লিংখৎনবা থারকপা এপ্লিকেসনশিং মখা তানা থিজিল্লবা মতুংদা, পার্তনরশিপকী মওংদা অনৌবা সৈনিক স্কুল ২৩ লিংখৎপা রক্ষ মন্ত্রী শ্রী রাজনাথ সিংহনা অয়াবা পীখিবনি। থৌরাং অসিগী মখাদা, হৌজিক লৈরিবা হান্নগী মওংদা থবক তৌরিবা সৈনিক স্কুল ৩৩ অসিগী মথংদা সৈনিক স্কুল সোসাইতিগী মখাদা পার্তনরশিপকী মখাদা অনৌবা সৈনিক স্কুলশিং হাপচিন্দুনা স্কুল ৪২ য়ৌরে।

অনৌবা সৈনিক স্কুল ১০০ লিংখৎনবা প্রধান মন্ত্রী শ্রী নরেন্দ্র মোদীগী মঙলান অসিগী পান্দমদি নেসনেল ইজুকেসন পোলিসিগা চুন্না মগুন লৈবা লাইরিক-লাইশু তম্বগী খুদোংচাবা পীবা অমসুং আর্মদ ফোর্সশিংদা শরুক য়ানবা মহৈরোয়শিংদা হেন্না ফবা খুদোংচাবশিং ফংহনবনি। ঙসিগী নহারোলশিং শেমগৎতুনা হয়েংগী দাইত্ব লৈবা নাগরিকশিং ওইহন্নবা লৈবাক শেমগৎপগী মাইকৈদা সরকারগা লনাই কাংবুগা পুন্না চৎমিন্নবগী খুদোংচাবা অমা মসিনা পীগনি।

রাজ্য/য়ু.তিশিংদা অয়াবা পীরবা অনৌবা সৈনিক স্কুল ২৩গী মমিং https://sainikschool.ncog.gov.in/ দা উবা ফংগনি।

অনৌবা সৈনিক স্কুলশিং অসি মরী লৈনবা ইজুকেসন বোর্দশিংদা এফিলিএসন তৌবগী মথক্তা, সৈনিক স্কুল সোসাইতিগী মখাদা থবক তৌগনি অমসুং অনৌবা সৈনিক স্কুলশিং সোসাইতিনা পীবা নিয়মশিং অমসুং চৎন-কাংলোনশিং ইনগনি। মখোয়না এফিলিএসন তৌরিবা বোর্দকী করিকুলমগী মথক্তা, সৈনিক স্কুলগী মওংদা পীবা একাদেমিক প্লস করিকুলম মহৈরোয়শিংদা তাকপী-তম্বীগনি। হায়রিবা স্কুলশিং অসি থবক তৌনবগী মওংশিংগী অকুপ্পা মরোলশিং https://sainikschool.ncog.gov.in/ দা ফংগনি। থৱায় য়াবা মহৈরোয়শিং অমসুং মমা-মপাশিং ৱেত পোর্তলদা চঙনবা অমসুং অনৌবা থবক অসিগী খুদোংচাবা লৌনবা খঙহঞ্জরি।

*****