ಕಲ್ಲಿದ್ದಲು ಸಚಿವಾಲಯವು ಕಲ್ಲಿದ್ದಲು ಸಿಪಿಎಸ್ಇಗಳೊಂದಿಗೆ ನಿರಂತರವಾಗಿ ಸಮನ್ವಯ ಸಾಧಿಸುತ್ತಿದ್ದು, ಕಲ್ಲಿದ್ದಲು ರಹಿತ ಭೂಮಿ, ಅಧಿಕ ಹೊರೆಯ ಡಂಪ್ ಗಳು ಮತ್ತು ಕಲ್ಲಿದ್ದಲು ಇಲ್ಲದ ಭೂಮಿಯಲ್ಲಿ ದೊಡ್ಡ ಪ್ರಮಾಣದ ನೆಡುತೋಪುಗಳನ್ನು ಉತ್ತೇಜಿಸುತ್ತಿದೆ. ಇತ್ತೀಚಿನ ಅಂದಾಜಿನ ಪ್ರಕಾರ, ಈ ಹಣಕಾಸು ವರ್ಷದಲ್ಲಿ, ಕಲ್ಲಿದ್ದಲು ಕಂಪನಿಗಳು 2338 ಹೆಕ್ಟೇರ್ ಭೂಮಿಯಲ್ಲಿ 43 ಲಕ್ಷಕ್ಕೂ ಹೆಚ್ಚು ಸಸಿಗಳನ್ನು ನೆಡುವಿಕೆಯನ್ನು ಪೂರ್ಣಗೊಳಿಸಿವೆ. ಕಳೆದ ಐದು ವರ್ಷಗಳಲ್ಲಿ ಒಟ್ಟು 10,000 ಹೆಕ್ಟೇರ್ ಪ್ರದೇಶದಲ್ಲಿ 2.24 ಕೋಟಿ ಸಸಿಗಳನ್ನು ಬಳಸಿಕೊಂಡು ಈ ಪ್ರದೇಶವನ್ನು ನೆಡುವ ವ್ಯಾಪ್ತಿಗೆ ತರಲಾಗಿದೆ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು, ಪರಿಸರ ಸುಸ್ಥಿರ ಕಲ್ಲಿದ್ದಲು ಸಾಗಣೆಗೆ ಮೀಸಲಾಗಿರುವ ಛತ್ತೀಸ್ ಗಢ ಪೂರ್ವ ರೈಲು ಕಾರಿಡಾರ್ ಅನ್ನು ಉದ್ಘಾಟಿಸುತ್ತಾ, "ಪರಿಸರ ಉದ್ಯಾನಗಳ " ಅಭಿವೃದ್ಧಿಯ ಮೂಲಕ ಕಲ್ಲಿದ್ದಲು ನಿಕ್ಷೇಪಿತ ಭೂಮಿಯನ್ನು ಪುನಶ್ಚೇತನಗೊಳಿಸುವ ಕಲ್ಲಿದ್ದಲು ಕಂಪನಿಗಳ ಪ್ರಯತ್ನಗಳನ್ನು ಶ್ಲಾಘಿಸಿದ್ದಾರೆ.

ಕಲ್ಲಿದ್ದಲು ಕಂಪನಿಗಳು ಲಭ್ಯವಿರುವ ಭೂಮಿಯನ್ನು ಜೈವಿಕವಾಗಿ ಪುನಃಸ್ಥಾಪಿಸಲು ಮಿಷನ್ ಮೋಡ್ ಪ್ರಯತ್ನಗಳನ್ನು ಕೈಗೊಳ್ಳುತ್ತಿವೆ. ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯವು ಅಂತಹ ನೆಡುತೋಪುಗಳನ್ನು "ಪರಿಹಾರಾತ್ಮಕ ಅರಣ್ಯೀಕರಣ" ಅಗತ್ಯಕ್ಕೆ ಪರಿಗಣಿಸಲು ಉತ್ತೇಜಿಸಿದೆ. ಅದರಂತೆ, ಎಲ್ಲಾ ಕಲ್ಲಿದ್ದಲು ಕಂಪನಿಗಳು ಆಯಾ ರಾಜ್ಯ ಅರಣ್ಯ ಇಲಾಖೆಗೆ  ಸುಮಾರು 2800 ಹೆಕ್ಟೇರ್ ಅರಣ್ಯ ನಾಶ ಮಾಡಿದ ಭೂಮಿಯನ್ನು "ಮಾನ್ಯತೆ ಪಡೆದ ಪರಿಹಾರ ಅರಣ್ಯೀಕರಣ ಪ್ರದೇಶ" ಎಂದು ಅಧಿಸೂಚನೆ ಮಾಡುವ ಸಲುವಾಗಿ ಪ್ರಸ್ತಾವನೆ ಸಲ್ಲಿಸಿವೆ.

ಈ ಎಸಿಎ ಪ್ರದೇಶವನ್ನು ಮುಂದಿನ ಕಲ್ಲಿದ್ದಲು ಗಣಿಗಾರಿಕೆ ಚಟುವಟಿಕೆಗಳನ್ನು ಕೈಗೊಳ್ಳಲು ಕಲ್ಲಿದ್ದಲು ಹೊಂದಿರುವ ಅರಣ್ಯ ಭೂಮಿಯನ್ನು ತಿರುಗಿಸುವ ಭವಿಷ್ಯದ ಅಗತ್ಯಕ್ಕೆ ಪರಿಗಣಿಸಲಾಗುತ್ತದೆ.

ಎಲ್ಲಾ ಕಲ್ಲಿದ್ದಲು ಅಂಗಸಂಸ್ಥೆಗಳು ಜೈವಿಕ ಪುನರುಜ್ಜೀವನ / ನೆಡುತೋಪು ಉತ್ತೇಜಿಸಲು ಮೀಸಲಾದ ಕೋಶವನ್ನು ಹೊಂದಿವೆ. ಕಲ್ಲಿದ್ದಲು ಉತ್ಪಾದಿಸುವ ಪ್ರದೇಶಗಳಲ್ಲಿ ನ್ಯಾಯಯುತ ಪರಿವರ್ತನೆಯನ್ನು ಖಚಿತಪಡಿಸಿಕೊಳ್ಳಲು ಕಲ್ಲಿದ್ದಲು ಸಚಿವಾಲಯವು ಪರಿಸರ ಸುಸ್ಥಿರ ಕ್ರಮಗಳಿಗೆ ಹೆಚ್ಚಿನ ಆದ್ಯತೆ ನೀಡಿದೆ.

****