কোয়লা মন্ত্রালয়না দিকোল তৌরবা মফম, ওভরবর্দন দম্প অমসুং নন-কোল বিয়রিং লমশিংদা উ-চারা পাক শন্না থাবগী খোঙথাং কয়া কোয়লা CPSEশিংগা খুৎশম্নদুনা লেপ্তনা পায়খৎমিন্নরি। হন্দক্কী শেনবা চহিসিদা কোয়লা কম্পেনীশিংনা হেক্ত্যার 2338কী লমদা উ-চারা থাবগী থবক পায়খৎখ্রে হায়না খ্বাইদগী নৌনা য়েংশিনবগী থৌওংদগী খঙবা ঙমখি। থৌওং অসিগী শরুক অমা ওইনা উ-চারা লাখ 43 হেন্না থাখি। মমাংগী চহি 5তা, উ-চারা করোর 2.24 হেন্না থাদুনা হেক্ত্যার 10,000গী অপুনবা লম্বু প্লান্তেসনগী মনুংদা চলহনখি।

প্রধান মন্ত্রী, শ্রী নরেন্দ্র মোদীনা ‘ইকো-পার্ক’ কয়া শেমগৎ-শাগত্তুনা দিকোল লমশিংবু নৌনা অমুক লৌশিনখিবগী কোয়লা কম্পেনীশিংগী থবকশিংবু থাগৎপা ফোংদোকখি। ৱাফম অসি মহাক্না অকোয়বগী ফিভমদা অকায়বা লৈহন্দনা কোয়লা লেপ্তনা লৌথোক্নবগীদমক্তা কত্থোক্লবা ছতিসগর ইস্ত রেল কোরিদোর শঙ্গাবদা থমখিবনি।

ফংদুনা লৈরবা লমশিংবু বাইও-রিক্লেমেসন তৌনবগীদমক্তা কোয়লা কম্পেনীশিংনা মিসন মোদতা থবক কয়া পায়খৎলি। ইনভাইরনমেন্ত, ফোরেস্ত অমসুং ক্লাইমেত চেঞ্জ মন্ত্রালয়না উ-চারা থাবগী মসিগুম্বা থৌওংশিংবু ‘কম্পেন্সেতরী এফোরেস্তেসন’গী তঙাই ফদবা থৌওংশিংগী মনুং চলহন্নবা কন্না হোৎনরি। মসিগী মখা পোন্না, কোয়লা কম্পেনী খুদিংমক্না মখোয়গী মরী লৈনবা রাজ্যগী ফোরেস্ত বিভাগশিংদা চাউরাকপা হেক্ত্যার 2800কী দিকোল্দ এফোরেস্তেদ লেন্দবু “এক্রেদিতেদ কম্পেন্সেতরী এফোরেস্তেসন এরিয়া’ হায়না লাউথোকহন্নবা ৱাহৌদোক কয়া থাজিন্নরকখ্রে। মসিগী ACAগী লমশিং অসি কোয়লা লৌথোকপগী মখা তাবা থবক কয়া পায়খৎনবগীদমক্তা কোয়লা থোকপা উমংশিংবু তুংগী মতমদা দাইবর্জন তৌবগী তঙাই ফদবা লৈরকপা মতমদা খন্নবদা য়াওগনি।   

কোয়লা সবসিদরী খুদিংগী ওইনা বাইও-রিক্লেমেসন/প্লান্তেসনগী থবক খুমাং চাউশিলহন্নবা মশাগী ওইবা সেলশিং লৈনৈ। কোয়লা মন্ত্রালয়না কোয়লা পুথোকপা মফমশিংদা কাঙলোনগী মখা পোন্না ত্রাঞ্জিসন তৌহন্নবগীদমক্তা অকোয়বগী ফিভমগা চুনবা সস্তেনেবল ওইবা থৌওংশিংদা খ্বাইদগী ৱাংবা প্রাইওরিতী পীরি।  

*****