যাদুকৰী বাস্তৱবাদ, কল্পনা, ভৌতিক/থ্ৰিলাৰ, মহিলা সবলীকৰণ, সীমাপাৰৰ ৰাজনীতি, এলজিটিবিকিউ সমস্যা আৰু মানসিক ৰোগকে ধৰি বিভিন্ন ধৰণৰ আঠটা প্ৰকল্প এনএফডিচি স্ক্ৰীণৰাইটাৰ্চ লেবৰ ১৬ তম সংস্কৰণৰ বাবে বাছনি কৰা হৈছে, যি হৈছে সমগ্ৰ ভাৰতৰ পৰা মূল কণ্ঠস্বৰৰ বিকাশ, লালন-পালন আৰু প্ৰচাৰৰ বাবে এক চলিত পদক্ষেপ। আঠজন চিত্ৰনাট্যকাৰে হিন্দী, মাৰাঠী, ইংৰাজী, উৰ্দু, মালায়ালম, বঙালী, ওড়িয়া আৰু তিব্বতীয়কে ধৰি একাধিক ভাষাত নিৰ্বাচিত চিত্ৰনাট্য লিখিছে, যিসকল বিজ্ঞাপন চলচ্চিত্ৰ, চুটি চলচ্চিত্ৰ, তথ্যচিত্ৰ আৰু ফিচাৰ ফিল্মৰ নিৰ্মাতা। ইয়াৰে দুজন লেখক "শ্ৰেষ্ঠ মাৰাঠী চলচ্চিত্ৰ" আৰু "শ্ৰেষ্ঠ চিনেমাটোগ্ৰাফী"ৰ বাবে ৰাষ্ট্ৰীয় বঁটা বিজয়ী।

এনএফডিচিৰ পৰিচালনা সঞ্চালক শ্ৰী প্ৰীথুল কুমাৰে কয়, “আমি এনএফডিচিত দৃঢ়ভাৱে অনুভৱ কৰোঁ যে এখন সুলিখিত চিত্ৰনাট্যই এক আকৰ্ষণীয় কাহিনী, আকৰ্ষণীয় চৰিত্ৰ আৰু অৰ্থপূৰ্ণ সংলাপৰ ভেটি গঠন কৰে, এই সকলোবোৰ সফল চলচ্চিত্ৰৰ অপৰিহাৰ্য উপাদান।“ তেওঁ লগতে কয়, “আমি কেৱল আমাৰ লেখকসকলক তেওঁলোকৰ অনন্য কাহিনীবোৰ ভালদৰে বিকশিত কৰাৰ বাবে প্ৰশিক্ষণ দিয়াৰ ক্ষেত্ৰত শীৰ্ষস্থানত আছোঁ, এনে নহয়, লগতে উদ্যোগৰ প্ৰৱণতা আৰু পদ্ধতিৰ কথা মনত ৰাখি চলচ্চিত্ৰ বজাৰত ঘৰুৱা আৰু আন্তঃৰাষ্ট্ৰীয় প্ৰযোজক আৰু বিনিয়োগকাৰীসকলৰ সৈতে সফলতাৰে পৰিচয় কৰাই দিছো।“

তিনিটা ভাগত বিভক্ত এই নিবিড় কৰ্মশালা হৈছে এক বাৰ্ষিক অনুষ্ঠান, যি ভাৰত আৰু সমগ্ৰ বিশ্বৰ প্ৰশংসিত চিত্ৰনাট্যকাৰসকলৰ নিৰ্দেশনাত উদীয়মান আৰু প্ৰতিষ্ঠিত চিত্ৰনাট্যকাৰসকলক তেওঁলোকৰ চিত্ৰনাট্য সম্পূৰ্ণৰূপে বিকশিত কৰাৰ সুযোগ প্ৰদান কৰে।

এই বছৰৰ পৰামৰ্শদাতাসকলৰ ভিতৰত আছে এনএফডিচি এনএফডিচি স্ক্ৰীণৰাইটাৰ্চ লেবৰ প্ৰতিষ্ঠাপক মাৰ্টান ৰবাৰ্টছ (নিউজিলেণ্ড), ক্লেয়াৰ ডবিন (অষ্ট্ৰেলিয়া), বিকাশ মিশ্ৰা (মুম্বাই) আৰু কেতকী পণ্ডিত (পুনে)।

মূল্যায়নকাৰীসকলৰ ভিতৰত আছে ভাৰতীয় আৰু আন্তঃৰাষ্ট্ৰীয় চলচ্চিত্ৰ নিৰ্মাতা, প্ৰযোজক আৰু সাংবাদিক মেলানিয়া ডিক্স, চিন্থিয়া কেন, জ্ঞান কোৰিয়া, আৰ্ফি লাম্বা, সিদ্ধাৰ্থ জাটলা, উদিতা ঝুনঝুনৱালা আৰু কাচান কালৰা।

২০২৩ স্ক্ৰীণৰাইটাৰ্চ লেবৰ অংশগ্ৰহণকাৰী আৰু প্ৰকল্পবোৰ হৈছে (বৰ্ণানুক্ৰমিক ভাৱে, অন্তিম নামেৰে):

• অবিনাশ অৰুণ – "বুমেৰাং" (শ্ৰেষ্ঠ মাৰাঠী চলচ্চিত্ৰ কিল্লাৰ বাবে ৰাষ্ট্ৰীয় বঁটা বিজয়ী)
• সঞ্জু কাদু – "কোছলা (দ্য়া ককুন)"
• ৰোহন কে. মেহতা – "অনুপস্থিত"
• নেহা নেগী – "চাওনী (কেণ্ট)"
• বৎসলা পেটেল – "দন্ত (বাইট)"
• বিশ্ব ৰঞ্জন প্ৰধান – "প্ৰমান পাত্ৰ"
• দিবা শ্বাহ – "চাব (আশ্ৰয়)"
• সবিতা সিং – "বালাড অফ দ্য চাৰ্কাচ" (শ্ৰেষ্ঠ চিনেমাটোগ্ৰাফীৰ বাবে ৰাষ্ট্ৰীয় বঁটা বিজয়ী)

স্ক্ৰীণৰাইটাৰ্চ লেব ২০২৩ বেচ (বাওঁফালৰ পৰা সোঁফাললৈ): ৰোহন কে. মেহতা, বৎসলা পেটেল, সঞ্জু কাদু,

সবিতা সিং, বিশ্ব ৰঞ্জন প্ৰধান, নেহা নেগী, অবিনাশ অৰুণ, দিবা শ্বাহ

ফটো ক্ৰেডিট: এনএফডিচি

ইয়াৰ আগতে, এনএফডিচি স্ক্ৰীণৰাইটাৰ্চ লেবৰ পুৰস্কাৰ প্ৰাপ্ত প্ৰকল্পবোৰৰ ভিতৰত আছে লাঞ্চবক্স (ৰীতেশ বাত্ৰা), লিপষ্টিক আণ্ডাৰ মাই বুৰ্খা (অলংকৃতা শ্ৰীবাস্তৱ), দম লগা কে হাইছা (শৰত কাটাৰিয়া), তিতলি (কানু বহেল), চাব (অনিৰ), এ ডেথ ইন দ্য গুঞ্জ (কঙ্কনা সেন শৰ্মা), আইলেণ্ড চিটি (ৰুচিকা অবেৰয়), বোম্বাই ৰোজ (গীতাঞ্জলি ৰাও), আৰু চুস্কিট (প্ৰিয়া ৰামাচুব্বান) আদি।

*****