عزت مآب صدر محترمہ دروپدی مرمو نے آج گجرات کے  گاندھی نگر کے راج بھون  میں  وژنری ‘آیوشمان بھوہ’ مہم کے ساتھ ساتھ آیوشمان بھوہ  پورٹل کا ورچوئل طریقے سے آغاز کیا۔ صدر جمہوریہ کے ساتھ صحت اور خاندانی بہبود کے  مرکزی وزیر ڈاکٹر منسکھ منڈاویہ، گجرات کے وزیر اعلیٰ  جناب  بھوپیندر بھائی پٹیل، ریاستی گورنرز، مرکزی وزراء، ڈاکٹر بھارتی پراوین پوار اور صحت اور خاندانی بہبود کے وزراء، پروفیسر ایس پی سنگھ بگھیل، گجرات کے وزیر خزانہ جناب کنو بھائی موہن لال دیسائی، نیتی آیوگ کے رکن (صحت) ڈاکٹر وی کے پال اور ریاستی وزراء  صحت موجود تھے۔

اس موقع پر ملک سے خطاب کرتے ہوئے صدر جمہوریہ نے آیوشمان بھوہ  مہم کے ذریعہ ہندوستان میں آخری میل تک صحت کی خدمات فراہم کرنے کے اہم ہدف کو حاصل کرنے کے لئے اپنائے گئے کثیر وزارتی نقطہ نظر کی ستائش کی اور کہا کہ یہ کوشش  کی کامیاب تکمیل  میں کلیدی کردار ادا کرے گی۔ انہوں نے زور دیتے ہوئے کہا کہ مہم یہ تاریخی آغاز یونیورسل ہیلتھ کوریج (یوایچ سی) کے حصول کی جانب ایک اہم قدم کی نشاندہی کرتا ہے، جو سب کے لیے صحت کی دیکھ بھال کو یقینی بناتا ہے، جو کہ کم قیمت پر صحت کی دیکھ بھال کی خدمات تک رسائی کو مزید مضبوط بنانے کی کوشش کرتا ہے، خاص طور پر غریبوں کے لیے۔

محترمہ دروپدی مرمو نے کہا کہ ‘‘انتودیا’’ کا مطلب ہے کسی کو پیچھے چھوڑے بغیر سب کو اچھی صحت فراہم کرنا اور اس کوشش میں مقامی انتظامیہ کی شرکت اور تعاون قابل ستائش ہے۔ انہوں نے کہا کہ جو گرام پنچایتیں کامیابی کے ساتھ اہداف کو حاصل کرتی ہیں انہیں آیوشمان گرام پنچایت قرار دیا جائے گا۔ مقررہ مدت کے اندر مخصوص پائیدار ترقی کے اہداف کو حاصل کرنے میں حکومت کے کردار اور عزم کو اجاگر کرتے ہوئے، صدر جمہوریہ نے 17 ستمبر سے 2 اکتوبر 2023 تک ہر فرد کو ضروری صحت کی خدمات فراہم کرنے کے لیے سیوا پکھواڑہ  کے اقدام کی تعریف کی۔

صدجمہوریہ نے آیوشمان کارڈز تک رسائی کو اور بھی آسان بنانے، آبھا آئی ڈی تیار کرنے، غیر متعدی امراض، تپ دق اور سکیل سیل جیسی اہم صحت کی اسکیموں، بیماریوں کے حالات کے بارے میں بیداری پیدا کرنے  کیلئے آیوشمان بھاو کے مقاصد وغیرہ کی تعریف کی۔ انہوں نے مزید کہا کہ  ایوشمان بھوہ کے تین اجزاء - آپ کے دوار 3.0، ہر گاؤں اور پنچایت میں صحت اور فلاح و بہبود کے مراکز (ایچ ڈبلیوسیز)، کمیونٹی ہیلتھ کلینک (سی ایچ سیز) آیوشمان میلاس، ہر گاؤں اور پنچایت میں آیوشمان سبھا کے ذریعے علاقائی سطح پر صحت کی خدمات کی فراہمی میں نمایاں تیزی لائی جائے گی، اس طرح ایک صحت مند قوم کی تعمیر ممکن ہوگی۔ انہوں نے بتایا کہ ہندوستان نے ہر گاؤں اور ضلع کی ڈیجیٹل شمولیت حاصل کی ہے، جس سے صحت کی سہولیات تک پہنچنے میں نمایاں مدد ملے گی۔

اس موقع پر خطاب کرتے ہوئے ڈاکٹر منڈاویہ نے صحت کی دیکھ بھال کی کوششوں میں صدر جمہوریہ کے تعاون کی تعریف کی۔ صحت کی دیکھ بھال کے لیے حکومت کے عزم پر زور دیتے ہوئے، انہوں نے کہا کہ آیوشمان بھوہ ‘‘سب کا ساتھ سب کا وکاس’’ کے ساتھ صحت کی دیکھ بھال کے شعبے میں ایک بڑی پہل کے طور پر ابھرے گا۔ یہ پروگرام سب کو شامل کریں اور کسی کو پیچھے نہ چھوڑیں کے نعرے کے مطابق عمل میں لایا جا رہا ہے۔ آیوشمان بھوہ  پہل کے ساتھ، ہندوستان کم قیمت پر صحت کی دیکھ بھال فراہم کرنے کا ایک نیا باب لکھنے جا رہا ہے۔ انہوں نے کہا کہ صحت میلے اور میڈیکل کیمپ آیوشمان بھوہ  کا ایک اہم حصہ ہیں، جو تمام ایچ ڈبلیوسیز اور سی ایچ سیز میں ہفتے میں ایک بار منعقد کیے جاتے ہیں۔ انہوں نے کہا کہ آیوشمان بھوہ پروگرام شروع کرنے کے ساتھ ساتھ اعضاء کا عطیہ اور خون کے عطیہ کے عہد کی مہم بھی چلائی جائے گی جو کہ بہترین اقدامات ہیں جس میں ہر فرد کو حصہ لینا  چاہیے۔ صحت مند بھارت  اور ایک صحت مند دنیا کے لیے وزیر اعظم کے وژن کو یاد کرتے ہوئے ڈاکٹر منڈاویہ نے کہاکہ  وزیر اعظم نے انسانی خدمت کو انتہائی اہمیت دی ہے۔ اس کا ملک میں صحت کی خدمات کو بہتر بنانے کے ان کے عزم سے بہتر کوئی ثبوت نہیں ہے۔ ماضی میں سپر اسپیشلٹی خدمات تک رسائی کے لیے لمبا فاصلہ طے کرنا پڑتا تھا، وزیراعظم کی قیادت میں یہ سپر اسپیشلٹی خدمات اب سی ایچ سی کی سطح پر دستیاب ہوں گی، جس میں لوگ غیر متعدی امراض کی اسکریننگ، ٹیلی مشاورت، مفت ادویات، تشخیص وغیرہ کے ذریعے مستفید ہوں گے۔

مرکزی وزیر نے کہا کہ آج تقریباً ایک لاکھ نی-کشے مترا  10 لاکھ ٹی بی کے مریضوں کا علاج کر رہے ہیں جنہوں نے اس پہل سے اتفاق کیا ہے۔ یہ ہمیں 2025 تک ٹی بی کو ختم کرنے کے وزیر اعظم کے ہدف  کو پورا کرنے میں مدد کرے گا۔

انہوں نے صحت کی دیکھ بھال کی خدمات کے نمایاں اثرات کی تعریف کی ۔ انہوں نے کہاکہ گزشتہ 9 سالوں میں، ملک نے صحت کی دیکھ بھال کے شعبے میں ایک اہم تبدیلی دیکھی ہے، جسے جی20 سربراہی اجلاس میں شرکت کرنے والے معززین نے بھی سراہا ہے۔ آج، 1.6 لاکھ سے زیادہ اے بی- ایچ ڈبلیوسیز  میں کام کررہے ہیں  جہاں لوگوں کو مفت بنیادی دیکھ بھال کی سہولیات، تشخیص اور ادویات مل رہی ہیں۔ اب تک اے بی ایچ ڈبلیوسیز میں 195 کروڑ سے زیادہ  لوگ آئے  ہیں۔

ممبران پارلیمنٹ، قانون ساز، صحت اور خاندانی بہبود کی وزارت کے سینئر حکام نے بھی میٹنگ میں شرکت کی۔ 50 لاکھ سے زیادہ لوگ  اس لانچ ایونٹ سے آن لائن جڑے اور دیکھے۔

*************

ش ح۔ ع ح

U. No.9429