லடாக்கில் தேசிய நெடுஞ்சாலை 301 இன் முக்கிய பிரிவான 230 கிலோமீட்டர் நீளமுள்ள கார்கில்-சன்ஸ்கர் சாலையை மேம்படுத்தி அகலப்படுத்தும் பணிகள் தொடங்கப்பட்டுள்ளதாக மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் திரு நிதின் கட்கரி தெரிவித்துள்ளார். 8 தொகுப்புகளாகப் பிரிக்கப்பட்ட இந்த விரிவான திட்டம், பி.கே.ஜி 5 ஐ வெற்றிகரமாக முடித்துள்ளது, இந்த நிதியாண்டில் பி.கே.ஜி 6 மற்றும் 7 திட்டமிடப்பட்டுள்ளதாக அவர் தொடர்ச்சியான சமூக ஊடகப் பதிவுகளில் தெரிவித்துள்ளார். இந்த 3 தொகுப்புகள் 97.726 கி.மீ தூரத்தை உள்ளடக்கியது, இதில் 13 பெரிய பாலங்கள், 18 சிறிய பாலங்கள் மற்றும் 620 பெட்டி சிறுபாலங்கள் உள்ளன.

ஒருபுறம் ஆழமான பள்ளத்தாக்கும் மறுபுறம் செங்குத்தான மலையும் கொண்ட இந்த நிலப்பரப்பு பெரும் சவால்களை முன்வைக்கிறது என்று திரு கட்கரி கூறினார். குறைந்த தாவரங்கள் மற்றும் குறைந்த ஆக்ஸிஜன் அளவுகளால் குறிக்கப்பட்ட பிராந்தியத்தின் கடுமையான சூழல், அதன் கடுமையான குளிர் காலநிலை ஆகியவை சிரமங்களை அதிகரிக்கின்றன என்று அவர் கூறினார். பாதிப் பகுதியில் குடியிருப்பு மற்றும் நெட்வொர்க் இணைப்பு இல்லை.

இந்த அனைத்து காலநிலை சாலையும் கட்டி முடிக்கப்பட்டவுடன், துருப்புக்கள் மற்றும் கனரக பீரங்கி போக்குவரத்தை எளிதாக்கும் ஒரு முக்கியமான உள்கட்டமைப்பு சொத்தாக செயல்படும் என்று அமைச்சர் கூறினார். அதன் பாதுகாப்பு முக்கியத்துவத்திற்கு அப்பால், இந்தத் திட்டம் பொருளாதார வளர்ச்சியை ஊக்குவிக்கவும், பிராந்தியத்தில் சுற்றுலாவை ஊக்குவிக்கவும் தயாராக உள்ளது என்று அவர் மேலும் கூறினார்.

பிரதமர் திரு. நரேந்திர மோடியின்  தொலைநோக்கு தலைமையின் கீழ், இந்த லட்சிய முயற்சி எல்லைப் பகுதியில் திறமையான, சிக்கலற்ற மற்றும் சுற்றுச்சூழல் நனவான இயக்கத்தை அடைவதற்கான உறுதிப்பாட்டை பிரதிபலிக்கிறது என்று திரு கட்கரி கூறினார்.

****  

AD/PKV/KRS