రక్షణ మంత్రి శ్రీ రాజ్‌నాథ్ సింగ్ 11 రాష్ట్రాలు/కేంద్రపాలిత ప్రాంతాలలో విస్తరించి ఉన్న రూ. 2,900 కోట్ల విలువైన బోర్డర్ రోడ్స్ ఆర్గనైజేషన్ (బిఆర్ఓ) 90 మౌలిక సదుపాయాల ప్రాజెక్టులను దేశానికి అంకితం చేశారు. సెప్టెంబర్ 12న జమ్మూలో జరిగిన కార్యక్రమంలో రక్షణ మంత్రి ఈ ప్రాజెక్టులను ప్రారంభించారు. వీటిలో అరుణాచల్ ప్రదేశ్‌లోని నెచిఫు టన్నెల్, పశ్చిమ బెంగాల్‌లో రెండు ఎయిర్‌ఫీల్డ్‌లు, రెండు హెలిప్యాడ్లు, 22 రోడ్లు, 63 వంతెనలు ఉన్నాయి. ఈ 90 ప్రాజెక్టులలో 36 అరుణాచల్ ప్రదేశ్‌లో ఉన్నాయి; లడఖ్‌లో 26; జమ్మూ, కాశ్మీర్‌లో 11; మిజోరంలో ఐదు; హిమాచల్ ప్రదేశ్ లో మూడు; సిక్కిం, ఉత్తరాఖండ్,  పశ్చిమ బెంగాల్‌లో రెండు, నాగాలాండ్, రాజస్థాన్, ]అండమాన్, నికోబార్ దీవులలో ఒక్కొక్కటి ఉన్నాయి.

ఈ వ్యూహాత్మకంగా ముఖ్యమైన ప్రాజెక్టుల నిర్మాణాన్ని బిఆర్ఓ రికార్డు సమయంలో పూర్తి చేసింది; వాటిలో చాలా వరకు అత్యాధునిక సాంకేతిక పరిజ్ఞానాన్ని ఉపయోగించి ఒకే పని సీజన్‌లో ఉంటాయి. రక్షణ మంత్రి తన ప్రసంగంలో, బిఆర్ఓ ని సాయుధ దళాల 'బ్రదర్ (సోదరుడు)'గా అభివర్ణించారు, బిఆర్ఓ తన మౌలిక సదుపాయాల ప్రాజెక్టుల ద్వారా భారతదేశ సరిహద్దులను భద్రపరచడమే కాకుండా, సుదూర ప్రాంతాలలో మాజిక-ఆర్థిక అభివృద్ధిలో కీలక పాత్ర పోషిస్తుందని నొక్కి చెప్పారు.

ప్రధాన మంత్రి శ్రీ నరేంద్ర మోదీ నాయకత్వంలోని ప్రభుత్వ నిబద్ధతతో పాటు సిబ్బంది కృషి, అంకితభావం కారణంగా ఈ ప్రాజెక్టులను సకాలంలో పూర్తి చేయగలిగామని శ్రీ రాజ్‌నాథ్ సింగ్ తెలిపారు. "బిఆర్ఓతో కలిసి, దేశం సురక్షితంగా ఉందని, సరిహద్దు ప్రాంతాలు అభివృద్ధి చెందుతాయని మేము నిర్ధారిస్తున్నాము. సుదూర ప్రాంతాలలో మౌలిక సదుపాయాల ప్రాజెక్టులను సకాలంలో పూర్తి చేయడం ఇప్పుడు నవ భారతదేశంలో కొత్త సాధారణమైంది, ”అని ఆయన అన్నారు.

దేవక్ వంతెన
ఈ కార్యక్రమాన్ని బిష్నా-కౌల్‌పూర్-ఫుల్‌పూర్ రోడ్డులోని దేవక్ బ్రిడ్జి వద్ద ఏర్పాటు చేశారు.  దీనిని రక్షణ మంత్రి ప్రారంభించారు. అత్యాధునిక 422.9 మీటర్ల పొడవు గల 70 ఆర్సిసి  దేవక్ వంతెన వ్యూహాత్మక ప్రాముఖ్యతను కలిగి ఉంది.  ఎందుకంటే ఇది సాయుధ దళాల కార్యాచరణ సంసిద్ధతను పెంచుతుంది ఆ ప్రాంతం సామాజిక-ఆర్థిక అభివృద్ధిని పెంచుతుంది.

నెచిఫు టన్నెల్

రరక్షణ మంత్రి ప్రారంభించిన ముఖ్యమైన మౌలిక సదుపాయాల ప్రాజెక్ట్ అరుణాచల్ ప్రదేశ్‌లోని బలిపారా-చర్దువార్-తవాంగ్ రోడ్డులో 500 మీటర్ల పొడవైన నెచిఫు టన్నెల్. ఈ సొరంగం, నిర్మాణంలో ఉన్న సెలా టన్నెల్‌తో పాటు, వ్యూహాత్మక తవాంగ్ ప్రాంతానికి అన్ని వాతావరణాలకు అనువైన కనెక్టివిటీని అందిస్తుంది. ఈ ప్రాంతంలో మోహరించిన సాయుధ బలగాలకు, తవాంగ్ సందర్శించే పర్యాటకులకు ఇది ప్రయోజనకరంగా ఉంటుంది. శ్రీ రాజ్‌నాథ్ సింగ్ 2020 అక్టోబర్‌లో సొరంగానికి శంకుస్థాపన చేశారు.

బాగ్డోగ్రా మరియు బరాక్‌పూర్ ఎయిర్‌ఫీల్డ్‌లు
పశ్చిమ బెంగాల్‌లోని పునరుద్ధరించిన బాగ్డోగ్రా, బరాక్‌పూర్ ఎయిర్‌ఫీల్డ్‌లు కూడా దేశానికి అంకితం చేశారు. 500 కోట్ల రూపాయల వ్యయంతో పునర్నిర్మించిన ఈ ఎయిర్‌ఫీల్డ్‌లు భారత వైమానిక దళం (ఐఏఎఫ్) సంసిద్ధతను పెంచడమే కాకుండా, ఈ ప్రాంతంలో వాణిజ్య విమాన కార్యకలాపాలను కూడా సులభతరం చేస్తాయి.

నియోమా ఎయిర్‌ఫీల్డ్
 

వీటితో పాటు  శ్రీ రాజ్‌నాథ్ సింగ్ తూర్పు లడఖ్‌లో నియోమా ఎయిర్‌ఫీల్డ్‌కు వర్చ్యువల్ గా శంకుస్థాపన చేశారు. ఈ ఎయిర్‌ఫీల్డ్, సుమారు రూ. 200 కోట్లు ఖర్చుతో అభివృద్ధి చేస్తున్నారు.  లడఖ్‌లో ఎయిర్ ఇన్‌ఫ్రాస్ట్రక్చర్‌ను పెంచుతుంది. ఉత్తర సరిహద్దులో ఐఎస్ఎఫ్ సామర్థ్యాన్ని పెంచుతుంది. ప్రపంచంలోనే అత్యంత ఎత్తైన ఎయిర్‌ఫీల్డ్‌లలో ఒకటిగా ఉండే ఈ ఎయిర్‌ఫీల్డ్ సాయుధ బలగాలకు గేమ్ ఛేంజర్‌గా మారుతుందని రక్షణ మంత్రి విశ్వాసం వ్యక్తం చేశారు.

15,855 అడుగుల ఎత్తులో ప్రపంచంలోనే అత్యంత ఎత్తైన సొరంగం అయిన షింకున్ లా టన్నెల్ నిర్మాణంతో బిఆర్ఓ త్వరలో మరో ప్రత్యేక రికార్డును నెలకొల్పుతుందని రక్షణ మంత్రి ఆశాభావం వ్యక్తం చేశారు. ఈ సొరంగం హిమాచల్‌లోని లాహౌల్-స్పితీని లడఖ్‌లోని జస్కర్ వ్యాలీకి కలుపుతుంది. అన్ని వాతావరణ కనెక్టివిటీని అందిస్తుంది, సరిహద్దు ప్రాంతాలలో మౌలిక సదుపాయాలను అభివృద్ధి చేయడం, దేశ భద్రతకు అపూర్వమైన సహకారం అందిస్తున్నందుకు బిఆర్ఓని అభినందించారు శ్రీ రాజ్‌నాథ్ సింగ్. సరిహద్దు ప్రాంతాల్లో మౌలిక సదుపాయాల అభివృద్ధి జాతీయ భద్రతకు ప్రభావవంతంగా ఉండటమే కాకుండా, భారతదేశంతో సహకార స్ఫూర్తితో పనిచేసే పొరుగు దేశంతో కనెక్టివిటీని ప్రోత్సహిస్తుంది. మయన్మార్, భూటాన్ వంటి అనేక దేశాలలో బిఆర్ఓ మౌలిక సదుపాయాల ప్రాజెక్టులను నిర్మించిందని, వారితో శాంతి, సహకారాన్ని బలోపేతం చేయడంలో సహాయపడిందని ఆయన సూచించారు.

పౌర-సైనిక కలయిక: ప్రస్తుత అవసరం

రక్షణ మంత్రి బిఆర్ఓ పని శైలి, ప్రాజెక్ట్‌లను పౌర-సైనిక కలయికకు ప్రకాశవంతమైన ఉదాహరణగా పేర్కొన్నారు. "సివిల్-మిలిటరీ ఉమ్మడి ప్రయాణం  ప్రస్తుత అవసరం, ఎందుకంటే దేశ భద్రత  బాధ్యత సైనికులదే కాకుండా పౌరులపై కూడా ఉంది. బిఆర్ఓ  పౌర, సైనిక రంగాలతో సమన్వయం చేయడం ద్వారా దేశ భద్రత కోసం మౌలిక సదుపాయాలను అభివృద్ధి చేస్తోంది. సరిహద్దు మౌలిక సదుపాయాల రంగంలో ఈ సహకారం ఎన్నో సువర్ణాధ్యాయాలను లిఖిస్తుంది'' అని ఆయన అన్నారు. భారతదేశ సరిహద్దులను రక్షించడానికి కలిసి పని చేయవలసిన అవసరాన్ని శ్రీ రాజ్‌నాథ్ సింగ్ నొక్కి చెబుతూ, సైద్ధాంతిక విభేదాలు ఉన్నప్పటికీ, జాతీయ ప్రయోజనాలను కాపాడుకోవడంలో రాష్ట్ర ప్రభుత్వాల సహకారాన్ని ఆయన ప్రశంసించారు.

 స్థానిక సంస్థలు, ప్రజలు తమ అవసరాలను అర్థం చేసుకోవడం ద్వారా, సరిహద్దు ప్రాంతాల్లోని ప్రాజెక్టుల కోసం ఇన్‌పుట్‌లు తీసుకోవడం ద్వారా వారిని భాగస్వాములను చేయాలని శ్రీ రాజ్‌నాథ్ సింగ్ బిఆర్ఓ కి పిలుపునిచ్చారు. “మీ పని ఒక ప్రదేశాన్ని మరొక ప్రదేశానికి కనెక్ట్ చేయడం మాత్రమే కాదు. ఇది మీ చర్యలతో ప్రజల హృదయాలను కనెక్ట్ చేయడం కూడా. నిర్మాణాలు 'ప్రజల కోసం, ప్రజల కోసం, ప్రజల ద్వారా' అనే స్ఫూర్తిని ప్రతిబింబించాలి, ”అని ఆయన అన్నారు.

కనీస పర్యావరణ క్షీణత, గరిష్ట జాతీయ భద్రత, గరిష్ట సంక్షేమం
పర్యావరణం పట్ల తన బాధ్యతను గుర్తెరిగి, ఉన్నందుకు, మౌలిక సదుపాయాల అభివృద్ధికి ఆధునిక సాంకేతికతలు, సాంకేతికతలను ఉపయోగిస్తున్నందుకు రక్షణ మంత్రి బిఆర్ఓ ని అభినందించారు. పర్యావరణ పరిరక్షణకు సమాన ప్రాధాన్యతనిస్తూనే అభివృద్ధి కార్యక్రమాలపై దృష్టి సారించాలని కోరారు. "ఇప్పటి వరకు, తాము  'కనీస పెట్టుబడి, గరిష్ట విలువ' అనే మంత్రంతో పని చేసాము. ఇప్పుడు మనం 'కనీస పర్యావరణ క్షీణత, గరిష్ట జాతీయ భద్రత, గరిష్ట సంక్షేమం' అనే మంత్రంతో ముందుకు సాగాలి, ”అని ఆయన అన్నారు.
కేంద్ర సైన్స్ & టెక్నాలజీ సహాయ మంత్రి (స్వతంత్ర బాధ్యత), ప్రధాన మంత్రి కార్యాలయంలో సహాయ మంత్రి డాక్టర్ జితేంద్ర సింగ్, పార్లమెంటు సభ్యుడు, జమ్మూ శ్రీ జుగల్ కిషోర్ శర్మ, డైరెక్టర్ జనరల్, బోర్డర్ రోడ్స్ లెఫ్టినెంట్ జనరల్ రాజీవ్ చౌదరి, ఎయిర్ ఆఫీసర్ కమాండింగ్-ఇన్-చీఫ్ , వెస్ట్రన్ ఎయిర్ కమాండ్ ఎయిర్ మార్షల్ పంకజ్ మోహన్ సిన్హా ఈ కార్యక్రమంలో పాల్గొన్నారు. అరుణాచల్ ప్రదేశ్ ముఖ్యమంత్రి శ్రీ పెమా ఖండూ ఈ కార్యక్రమంలో వీడియో కాన్ఫరెన్స్ ద్వారా  పాల్గొన్నారు.

ఈ రూ. 2,900 కోట్ల విలువైన 90 ప్రాజెక్ట్‌ల ప్రారంభోత్సవంతో, బిఆర్ఓ రికార్డు స్థాయిలో 295 మౌలిక సదుపాయాల ప్రాజెక్టులు, మొత్తం ఖర్చు సుమారుగా. 2021 నుండి రూ. 8,000 కోట్లు దేశానికి అంకితం చేశారు. 2022లో సుమారు రూ. 2,900 కోట్లు విలువైన  103 ప్రాజెక్టులు ప్రారంభోత్సవం జరిగాయి; 2021లో రూ. 2,200 కోట్ల వ్యయంతో 102 ప్రాజెక్టులను జాతికి అంకితం చేశారు.

***