পোর্তস, শিপ্পিং এন্দ ৱাতরৱেজ অমসুং আয়ুশকী কেন্দ্র মন্ত্রী, শ্রী সর্বানন্দ সোনোৱলনা রসিয়াগী পোর্ত সিতী, ব্লাদিবোস্তোক্তা পাঙথোক্কদৌরিবা ইস্তর্ন ইকনোমিক ফোরমদা ভারতকী মহুৎ শিন্দুনা শরুক য়ারুনবা রসিয়াগীদমক খোঙশানখ্রে। মন্ত্রীনা মরী চেৎশিনহন্নবা অমসুং  সেক্তর কয়াদা স্ত্রেতেজিক, ত্রেদ অমসুং লোজিস্তিক কোওপরেসন হেনগৎহন্নবা পান্দমগা লোয়ননা দিবেলপমেন্ত ওফ দি রসিয়ন ফার ইস্ত এন্দ আর্তিক্কী মন্ত্রী, এলেক্সী চেকুনকোব; রসিয়াগী ত্রান্সপোর্ত মিনিস্তর, বিতালী সেবলিবকা উন্নগনি।

থৌরম অসিদা ৱা ঙাংলদুনা মন্ত্রীনা হায়খি, “ইকাই খুম্ননীংঙাই ওইরবা ইস্তর্ন ইকনোমিক ফোরমদা ঐখোয়গী অথোইবা লৈবাক অসিবু লমজিংনবা ঐঙোন্দা খুদোংচাবা পীনবীবা অসি তশেংনমক য়াম্না ইকাই খুম্ননীংঙাই ওইবা অমসুং থৌদাং লৈবা ৱাফম অমনি। দাইনামিক ওইবা লুচিংবা প্রধান মন্ত্রী শ্রী নরেন্দ্র মোদীগী লুচিং মখাদা ভারত অমসুং রসিয়াগী পুৱারী ওইরবা মরী অসি ঐখোয়গী ত্রেদ অমসুং কম্মর্সতা খুমাং চাউশিনবগা ইরোইননা অনৌবা পনখৈশিং য়ৌবা ঙমখি। ইন্দো রসিয়নগী মরীদা অনৌবা ইনোৎ অমা হাপ্লিবা অসি য়েংলগা ঐখোয়না রসিয়াগী ব্লাদিবোস্তোক অমসুং ভারতকী চেন্নাই, পুৱারী ওইরবা পোর্ত সিতী অনিগী মরক্তা অলতর্নেতিব ত্রেদ রুৎ অমা শেম্নবা পুন্না থবক তৌমিন্নখি। ঐহাক্না থাজৈ মদুদি ঐহাক্কী খোঙচৎ অমসুং রসিয়াগী লুচিংবশিংগা লোয়ননা মীফমশিং পাঙথোকপনা ঐখোয়না লৈবাক অনিগী মরক্তা স্ত্রেতেজিক, ত্রেদ অমসুং লোজিস্তিকেল কোওপরেসন চেৎশিনহনবদগী হেন্দোক্তুনা মরু ওইবা ভেঞ্চর অসিদা খুমাং চাউশিনবা ঙমগনি”।

শ্রী সোনোৱলনা ইস্তর্ন ইকনোমিক ফোরমদা ইন্দিয়া রসিয়া বিজিনেস দাইলোগতা ৱা ঙাংগনি, মসিদা মহাক্না ভারত অমসুং রসিয়াগী মরক্তা লৈরিবা স্পেসিএল অমসুং প্রিবিলেজ স্ত্রেতেজিক পার্তনরশিপতা স্তেবিলিতী অমসুং সস্তেনেবিলিতী লৈহনবদা ত্রেদ, কম্মর্স অমসুং বিজিনেসকী মরু ওইবা থৌদাং অদু ফোঙদোক্কনি। ভারতকী শিপ্পিং মন্ত্রীনা ইস্তর্ন মেরিতাইম কোরিদোরগী সেন্সনদসু ৱা ঙাংগনি, মহাক্না নোর্দন সী রুৎতা লৈরিবা ওইথোকপা য়াবশিং খঙদোকপা অমসুং বে ওফ বেঙ্গলদা ত্রান্স শিপমেন্ত হব অমা থম্বা য়াওনা লৈবাক অনিগী মরক্তা বাইলেতরেলগী মরী চেৎশিনহন্নবা রসিয়ন ফেদরেসনগী মকোক থোংবা মন্ত্রীশিংগসু উন্নগনি।

ইস্তর্ন মেরিতাইম কোরিদোরনা লৈবাক অনিগী মরক্তা কর্গো ত্রাঞ্জিৎকী মতমশিং হন্থহন্নবা পান্দম থমখি। ভারতকী হীথাংফমশিংদগী রসিয়ন ফার ইস্ত ফাওবগী খোঙচৎ অসি নোবোরোস্সিয়ক্কী হীথাংফমদগী নুমিৎ 30 চংলম্বা অদুগা চাংদম্নবদা শুপ্নগী নুমিৎ 24তমক চংলগনি। কোরিদোর অসিনা ভারত অমসুং রসিয়া অনিমক্কী ত্রেদ অমসুং কোওপরেসনগী অনৌবা খুদোংচাবশিং পীনবা অচৌবা পোতেন্সিএল লৈ।

ইস্তর্ন ইকনোমিক ফোরম, 2023গী মরমদা: 8শুবা ইস্তর্ন ইকনোমিক ফোরম, 2023 অসি ফার ইস্তর্ন ফেদরেল য়ুনিভর্সিতী (FEFU) কেম্পস্তা ব্লাদিবোস্তোক্তা সেপ্তেম্বর 10–13, 2023দা পাঙথোক্কনি। ইস্তর্ন ইকনোমিক ফোরম অসি রসিয়ন অমসুং গ্লোবেল ইভেস্তমেন্ত কম্ম্যুনিতীশিংগী মরক্তা মরীশিং থম্নবা অমসুং মপাঙ্গল কনখৎহন্নবা অমসুং রসিয়ন ফার ইস্তকী ইকনোমিক পোতেন্সিএল, মসিনা পীরিবা ইনভেস্তমেন্তগী খুদোংচাবশিংগী কমপ্রিহেন্সিব এক্সপর্ত ইভাল্যুএসন তৌনবা, অমসুং এদভান্স স্পেসিএল ইকনোমিক জোনশিংদা লৈরিবা বিজিনেসকী ফীভভমশিংগীদমক্তা মরু ওইবা ইন্তর্নেস্নেল প্লেৎফোর্ম অমনি।

ইস্তর্ন ইকনোমিক ফোরম অসি রসিয়াগী ফার ইস্তকী ইকনোমিক দিবেলপমেন্ত সপ্পোর্ত তৌনবা অমসুং এসিয়া-পেসিফিক রিজন্দা ইন্তর্নেস্নেল কোওপরেসন হেনগৎহন্নবা 2015দা রসিয়ন ফেদরেনগী রাস্ত্রপতি, ব্লাদিমির পুতিন্না অয়াবা পীদুনা লিংখৎখি।

****