শুন্দ্রংগী বিভাগ
মালেম্না ঙসি ভারতপু থাক মান্নবা মপাং অমা ওইনা উরি হায়না দা. জিতেন্দ্র সিংহনা ফোঙদোকখ্রে
ঐখোয়না হৌজিক স্পেস সেক্তরগী সর্ভিসশিং অমেরিকা অমসুং রসিয়াদা ফংহল্লি, মসিদগী মিলিয়ন $170 অমসুং য়ুরো মিলিয়ন 250 হেন্না তানবা ঙমহল্লি: দা. জিতেন্দ্র সিংহ
"ঐখোয়না হৌজিক বিলিয়ন $8গী (লুপা করোর 66,000) স্পেসকী বিজিনেস তৌরি। অদুবু ঐখোয়না খুমাং চাউশিল্লিবা খোঙজেল অসিদা ভারতনা 2040 ফাওবদা বিলিয়ন $40 (লুপা করোর লাখ 3.3) য়ৌবা ঙম্লগনি অমরোমদনা ইন্তর্নেস্নেল রিপোর্ত, ADLগী রিপোর্তনা হায় মদুদি ঐখোয়না বিলিয়ন $100 ফাওবা য়ৌবা ঙমগনি"
মালেম শিনবা থুংবদা হৌজিক্তগী হৌনা অপুনবা গ্রোথ অসি তেক্নোলোজীনা চাউনা শাহৌ পীরগনি হায়না মন্ত্রীনা ফোঙদোকখ্রে
Posted On:
09 SEP 2023 2:02PM by PIB Imphal
লম খুদিংমক্তা ইন্তর্নেস্নেল কোল্লাবোরেসন তৌবদা মালেম্না ঙসি ভারতপু থাক মান্নবা মপাং অমা ওইনা উরি হায়না সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); MoS PMO, পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা ফোঙদোকখ্রে।
প্রধান মন্ত্রী শ্রী নরেন্দ্র মোদী অসি ঙসি মালেমগী খ্বাইদগী অহল ওইরবা লৈবাক্কী মকোক ওইরি অমসুং অতোপ্পা লৈবাক্কী মকোক খুদিংমক্না ইকাই খুম্নৈ হাবনা মহাক্না মখা তাখি।
লৈবাক্কী মমিং লৈরবা পেরিওদিকেল অমদা পীখিবা এক্সক্লুসিব ইন্তর্ভ্যু অমদা দা. জিতেন্দ্র সিংহনা হায়খি, “ঐখোয়না হৌজিক লৈবাক অয়াম্বগা চুংশিন্নরি। রসিয়া অমসুং অমেরিকাগা লোয়ননা চুংশিন্নবগী খ্বাইদগী নুংঙাইবা শরুক অসি ঐখোয়বু মরু ওইদনা লৌবা তৌদ্রে। ঐখোয়না হৌজিক থাক মান্নবা মপাংশিং ওইবা ঙম্লে অমসুং হীরম কয়াদা থাক হেন্না ৱাংবা ফাওবা ঙম্লে। খুদম ওইনা স্পেস সেক্তরদা ঐখোয়না ঐখোয়গী সর্ভিসশিং অমেরিকা অমসুং রসিয়াদা ফংহল্লি…ঐখোয়না মিলিয়ন $170 অমসুং য়ুরো মিলিয়ন 250 হেন্না তানবা ঙমখ্রে। ঐখোয়না হৌজিক বিলিয়ন $8গী (লুপা করোর 66,000) স্পেসকী বিজিনেস তৌরি। অদুবু ঐখোয়না খুমাং চাউশিল্লিবা খোঙজেল অসিদা ভারতনা 2040 ফাওবদা বিলিয়ন $40 (লুপা করোর লাখ 3.3) য়ৌবা ঙম্লগনি অমরোমদনা ইন্তর্নেস্নেল রিপোর্ত, ADLগী রিপোর্তনা হায় মদুদি ঐখোয়না বিলিয়ন $100 ফাওবা য়ৌবা ঙমগনি”।
![](https://static.pib.gov.in/WriteReadData/userfiles/image/IT001U7JL.PNG)
মালেম শিনবা থুংবদা হৌজিক্তগী হৌনা অপুনবা গ্রোথ অসি তেক্নোলোজীনা চাউনা শাহৌ পীরগনি হায়না দা. জিতেন্দ্র সিংহনা ফোঙদোকখি অমসুং মখা তারদুনা মসি পি.এম. মোদীগী হন্দক্কী US খোঙচৎতা অয়াম্বা বাইলেতরেল এগ্রীমেন্তশিং সাইন্স অমসুং ইন্নোবেসন্দা য়ুম্ফম ওইখিবা অসিনা শাখি ওইরি হায়খি।
দা. জিতেন্দ্র সিংহনা হায়, ভারতকী অহানবা হ্যুমেন স্পেস ফ্লাইৎ মিস ‘গগনয়ান’ অসি ISROগী মথক্কী অচৌবা প্রোজেক্তনি।
“ভারতকী এস্ত্রোনোৎ অহুম স্পেসতা পাইহন্নবা অমসুং মখোয়বু পৃথিবীদা অমুক শাফনা পুরক্নবা ইন্দিজিনস ওইনা শাদুবা ‘হ্যুমেন-রেতেদ’ রোক্কেৎ অমসুং ক্রিয়ু মোদ্যুল লোঞ্চ তৌদুনা মখোয়বু ওর্বিৎতা থাগৎপা: ISROগী খ্বাইদগী চাউবা মিসন মঙফাওনবা ঙম্নবা লৈবাক শিনবা থুংবদা লৈবা মখোয়গী তোঙান-তোঙানবা লেবোরেতোরীশিংদা থবক কন্না চত্থরি,” হায়না মহাক্না ফোঙদোকখি।
ইন্দিয়ন এয়র ফোর্স পাইলোৎ অহুমনা হৌজিক মখোলগী খোঙজেলদগী শরুক 10 হেন্না য়াংবা চাংদা স্পেসতা রোক্কেৎ থাগৎনবা অমসুং জিরো গ্রেবিতী কন্দিসনশিংদা হিংবা ঙম্নবা অকনবা ত্রেনিং তৌরি।
লৈবাক অহুম খক্তনা, - US, রসিয়া অমসুং চিনানা - মখোয়গী মশাগী মেন মিসনশিং স্পেস্তা হৌজিক ফাওবদা থাগৎপা ঙমখ্রে।
![](https://static.pib.gov.in/WriteReadData/userfiles/image/IT002HQKE.PNG)
দা. জিতেন্দ্র সিংহনা 2020দা পি.এম. মোদীনা ISRO খক্তগী মহুৎ প্রাইবেৎ ইন্দস্ত্রীনা রোক্কেৎ অমসুং সেতলাইৎশিং মেন্যুফেকচর তৌনবা স্পেস সেক্তর হাংদোক্নবা লৌখিবা ৱারেপ অদু “গেম চেঞ্জর” অমনি হায়না ফোঙদোকখি।
“ভারত্তা তেলেন্তকী অৱাৎপা লৈতে হায়না অমুক হন্না উৎপা ঙমখ্রে। ঐখোয়দা তেলেন্ত লৈ, কেবিবর অমসুং কম্পিতেন্স লৈ… মতম শাংনা মসি কান্নদনা লোৎশিন্দুনা ISRO মনুংদগী ঐখোয়না হেন্দোক্তনা লৈরমখি,” হায়না মহাক্না ফোঙদোকখি।
“আদিত্য-L1গী মথক্তা গগনয়ান অমসুং বিনস ওর্বিতর য়াওনা প্রাইবেৎ সেক্তরদগী লোঞ্চ কয়া উবা ফংলগনি। মসি প্রধান মন্ত্রীনা স্পেস সেক্তরবু প্রাইবেৎ প্লেয়রশিংগীদমক থোং হাংনবা অচৌবা ৱারেপ লৌখিবগী ফলনি। মসিনা মরম ওইরগা ঐখোয়গী স্পেস মিসনশিংদা চাউনা খুমাং চাউশিনবা ঙমহনখিবনি,” হায়না মহাক্না মখা তাখি।
দা. জিতেন্দ্র সিংহনা হায়খি সিনর্জীগী প্রোসেস হৌরে অমসুং শুপ্নগী চহি অহুমদা ঐখোয়গী স্পেস সেক্তরদা প্রাইবেৎ স্তার্তঅপ 150 হেন্না লৈরগনি। পব্লিক অমসুং প্রাইবেৎ সেক্তরগী মরক্তা দিমার্কেসন তৌবা অসি লৌথোক্লি অমসুং মসি মপুং ফানা ইন্তিগ্রেতেদ এপ্রোচ অমা ওইরগনি হায়না মহাক্না ফোঙদোকখি।
“মসি য়াম্না প্রোগ্রেসিব ওইবা ৱাখল্লোন্নি মরমদি হৌজিক্তগী হৌনা করিগুম্বা ঐখোয়না মাংদা চংশিল্লবদি ঐখোয়না হোলসম অমসুং হোলিস্তিক ওইনা খুমাং চাউশিনবা ঙমগনি। ঐখোয়া সরকারগী রিসোর্সশিং খক্তগী মীপাল তাংবা য়াদে। করিগুম্বা ঐখোয়না ঐখোয়গীদমক গ্লোবেল রোল অমা লৌবা পাম্লবদি ঐখোয়না গ্লোবেল পেরামিতরশিং অদু য়ৌনা গ্লোবেল স্ত্রেতেজী অমগা লোয়ননা চংশিনবা তাই। অমেরিকনশিংনা তৌরিবা অসি মসিনি; NASA না হৌজিক সরকারগী রিসোর্সশিং খক্তগী মীপাল তাংদ্রে,” হায়না মহাক্না ফোঙদোকখি।
![](https://static.pib.gov.in/WriteReadData/userfiles/image/003LTE2.jpg)
দা. জিতেন্দ্র সিংহনা হায় পার্লিয়ামেন্তগী মমাংগী নোংজু মীফমদা এক্ত অমা পাস তৌদুনা লিংখৎখিবা ‘অনুসন্ধন নেস্নেল রিসর্চ ফাউন্দেসন’ (NRF)না রিসর্চ অমসুং একাদেমিক্সতা চপ মান্ননা ফন্দিং তৌবা অমসুং দেমোক্রেতাইজেসন তৌবদা পান্দম থমখি।
“প্রাইবেৎ ইন্দস্ত্রী ইনভেস্তমেন্তগী মথক্তা হৌজিক ঐখোয়দা নন-গভর্নমেন্তেল সেক্তরদগী লুপা করোর 36,000 লাকপগা লোয়ননা মসিদা চাদিং তৌনবা লুপা করোর 50,000 এল্লোকেৎ তৌখিবা লেজিস্লেসন য়াওনা অপুনবা ইকোসিস্তেম অমা লৈরে,” হায়না মহাক্না ফোংদোকখি।
*****
(Release ID: 1955784)
Visitor Counter : 111