Ka jingdon ki subscriber hapoh ka National Pension System (NPS) bad Atal Pension Yojana (APY) ka la tam ia ka 6.62 klur bad baroh ka Asset Under Management (AUM) ka la kot sha ka T. 10 lak klur (T. 10,00,000 klur).

Ki jingtip katkum ki bynta bapher bapher jong ka NPS bad APY haduh ka 25.08.2023:

Ka Pension Fund Regulatory and Development Authority (PFRDA) na ka por sha ka por ka pynlong ia ki sienjam ban kyntiew jingtip shaphang ki kam pisa, kaba pynkup bor ia ki subscriber ba kin shim ia ki rai kiba dei bad ban ioh jingmyntoi na ki kam pisa ha ryngkat ka jingdon ka jingsngewthuh ba shai shaphang ki jingma bad ki jingduh.

Shaphang ka NPS

Ka National Pension System (NPS) ka dei kaba la pyntreikam ia baroh ki nongtrei Sorkar (lait na ki kynhun iada ri) kiba la rung ha ka kam Sorkar Pdeng ha lane hadien ka 1 tarik u Kyllalyngkot 2004. Bun na ki Sorkar Jylla/UT ruh ki la pynbna ia ka National Pension System (NPS) na ka bynta ki nongtrei ba thymmai jong ki. La pynbiang ia ka NPS ia baroh ki briew jong ka ri naduh ka 1 tarik u Jymmang 2009 katkum ka mon shimet jong ki briew. Shuh shuh, naduh ka 1 tarik u Jylliew 2015, la sdang ia ka Atal Pension Yojana kaba la iarap bha ia ki skhim jingshngain ha ka imlang sahlang.

Shaphang ka National Pension System Diwas (NPS Diwas)

Khnang ban kyntiew ia ka jingpynkhreh ia ka bai bam tymmen, ka PFRDA man u snem ka rakhe ia ka ia ka 1 tarik u Risaw kum ka “National Pension System Diwas (NPS Diwas)”. Kane ka sienjam ka iarap ia ka jinglah pynbiang hi ia ki jingdonkam pisa ki briew ka India hadien ba ki la shongthait na ka kam. Ha ka jingrakhe ia ka NPS Diwas mynta u snem, ka PFRDA ka la pynkhreh ia ki sienjam digital bad ki prokram ai jingtip baroh shi bnai. La saindur ia kine ki prokram ban rakhe ia ka NPS Diwas bad batai shaphang ka jingdonkam ban pynkhreh ia ka bai bam tymmen ia baroh ki subscriber bad baroh ki paidbah.

****