কেন্দ্রদা অমদি জম্মু অমসুং কাশ্মিরদা লৈরম্বা মমাংগী সরকারশিংনা মরু ওইবা মীৎয়েং চংগদবশিংদা চংলমখিবগী মরাল শীরদুনা সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); MoS PMO, পর্সনেল, পব্লিক গ্রীভান্সেস, পেনসন্স, এতোমিক ইনর্জী এন্দ স্পেস, দা. জিতেন্দ্র সিংহনা ঙসি হায়খি মদুদি হৌখিবা চহি 9 অসিদা পি.এম. নরেন্দ্র মোদীনা লুচিংবা কেন্দ্র সরকার অসিনা ঙমখৈগী মফমশিংদা লৈরিবা মীয়ামদা থমলমখিবা খেন্নবা অদু কোকহনখি অমসুং মখোয়দা জস্তিস ফংহনাব ঙমখি।

মহাক্কা উনবা লাকখিবা সীমা জগ্রান মঞ্চকী দেলিগেসন অমগা ৱারী শাবদা দা. জিতেন্দ্র সিংহনা হায়খি মমাংদা জম্মু অমসুং কাশ্মির হায়না খঙনরম্বা রাজ্য অসিদা মমাংগী সরকারনা ফোঙনা খেন্নবা থম্বা অসি LoCদা লৈরিবা মীয়ামগীদমক হায়র এজুকেসন ইন্সতিত্যুসনশিংদা অমসুং থবক লৌবদা 4%গী রিজর্বেসন থম্নবা ৱারেপ লৌখিবা অদুবু হায়রিবা অসিমক ইন্তর্নেস্নেল বোর্দর (IB)দা, মরু ওইনা কথুৱা অমসুং সাম্বা জিলাশিংদা লৈরি মীয়ামদদি ফংহনখিদবা অসিমক্না ময়েক শেংনা তাক্লি

মহাক্না হঙখি, “নহারোল শরুক অমগা অতোপ্পা শরুক অমগা, ঙমখৈগী শরুক অমগা অতোপ্পা শরুক অমগী মরক্তা মীনুংশি লৈতনা খেন্নবা থম্বা অসিদগী হেন্না তমথিবা খুদম লৈখিগদ্রা”।

পি.এম. মোদীনা সরকার পাইরবা মতুংআ খক্তা মসিগী খেন্নবা অসি চুমথোকখি অমসুং IBদা লৈরিবা নহারোলশিংদা চপ মান্নবা কান্নবা অসি ফংহনখি হায়না কথুৱা-উধমপুর-দোদাগী মীহুৎ ওইরিবা লোক সভা MPসু ওইরিবা মন্ত্রীনা ফোঙদোকখি।

দা. জিতেন্দ্র সিংহনা হায়খি সিতিজেনশিপ ফংবগী অমসুং লন-থুম লৈবগী সংবিধান্না পীরিবা হকশিং ফংহনদ্রবা J&Kদা লৈরিবা পকিস্তানদগী লাকপা রিফ্যুজীশিংদা জস্তিস ফংহনবগীদমক প্রধান মন্ত্রী মোদীবু পুৱারীদা কাউঙমদনা লৈহৌরগনি। J&Kদা লৈরিবা রিফ্যুজীশিং অসিদা ভোৎ থাদবগী হকশিং ফাওবা পীরমখিদে। মহাক্না হায়, “ৱেস্ত-পাক রিফ্যুজীশিংদা ইমুং অমদা লুপা লাখ 5সু সেঙ্কসন তৌখি”।

দা. জিতেন্দ্র সিংহনা হায়খি কেন্দ্র সরকারনা J&Kগী ঙমখৈগী মফমশিংদা অমমমদা মীওই 8গী কেপাসিতী ওইবা ইন্দিবিজুএল বঙ্কর 13,029 অমসুং অমমমদা মীওই 40গী কেপাসিতী ওইবা ইন্দিবিজুএল বঙ্কর 1,431 শানবা ফন্দশিং এপ্রুব তৌখি।

পি.এম. মোদীগী মখাদা অরোইবা ক্যুদা লেপ্পা অরোইবা মীওই ফাওবা চাউখৎ লম্বীদা পুশিল্লি হায়না ফোঙদোক্লদুনা দা. জিতেন্দ্র সিংহনা হায়খি মমাংদা নাথৈবীদুনা থমখিবা ঙমখৈগী মফমশিং অসি হৌজিক চাউখৎ-থৌরাংগী মোদেলশিং ওইরে, মমাংদা অমুক্তা উখিদ্রিবা মওংদা চাউখৎ-থৌরাং পুরকপগীদমক হৌজিক বোর্দর দিস্ত্রিক্ত কথুৱা অসি খ্বাইদগী ফবা খুদম অমা ওইরি।

ঙসি রোদ কন্নেক্তিবিতী অসি IBগী লাস্ত পোইন্ত ফাওবা হৌখিবা চহি 9 অসিদা পাইখৎখি। মহাক্কী MP ফন্দদগী কথুৱা জিলাগী ঙমখৈগী মফমশিংদা লৈরিবা য়ুমশিংগীদমক তোইলেৎ 300 হেন্না শাখিবা অদু মহাক্না নীংশিংখি।

দা. জিতেন্দ্র সিংহনা হায়খি কেন্দ্র সরকারনা নুপীদা শক্তি পীনবা মহিলা বত্তালিয়ন 2 য়াওনা জম্মু অমসুং কাশ্মির পুলিস্তা অনৌবা বত্তালিয়ন মাপন হেনগৎহনবদা অয়াবা পীখি। অনৌবা বত্তালিয়ন 9গী মনুংদা অনিনা ঙমখৈগী মফমগী নহারোলশিংগীদমক অখন্ননা থম্মি অমসুং অতোপ্পা 5দা ঙমখৈগী মফমগী নহারোমগীদমক 60%গী রিজর্বেসন থম্মি।

মহাক্না হায়খি, “অনৌবা SPOs রিক্রুই তৌরি, মসিদা ঙমখৈগী মফমশিংদগী  50% ওইরি। বোর্দর শেল্লিংনা মরম ওইরগা মাং তাকহনখিবা মহৈ-মরোংশিং অসি প্রধান মন্ত্রী ফসল বিমা য়োজনাগী মখাদা ক্ষেত্রিপুরন পীবদা কোনশিনখি। নোংমৈ কাপ্নবদা লৈখিদ্রবা মীওইশিংগীদমক ক্ষেত্রিপুরন হেনগৎহনখি”।

দা. জিতেন্দ্র সিংহনা হায়খি সরকার অসিনা বোর্দর শেল্লিংদা মাংখিবা শা-শন অমমমদা লুপা 50,000গী ক্ষেত্রিপুরন পীনবা প্রোবিজন শেমখ্রে, শা-শনগী মশিংদা অকক্নবা লৈতে অমসধং ঙমখৈগী মফমশিংগীদমক বুল্লেৎপ্রুফ এম্ব্যুলেন্স 5 পীখি।

<><><><><>